10 Yawe nawe wasosile, nga alapa ati,
Nasosile insuka indaya ukali ukali inti, “Mutalatala mwingile umu mpanga ilya, mumo muno nange mupeele upuzo.”
Acino nani mu lwanga kwene ali pakulapa ukuti ntalayatwala mu mpanga ino nayapeela, impanga ikankala nupya yamuvundo, yaluta impanga zyuze zyonsi ku usuma.
Yawe anena Mose ati, “Uzye antu yaa yalansuula kufika lilaci? Uzye yalakana kunzumila kufika lilaci, nanti angala nemo nacita vizungusyo pakasi kao?
Nga lelo nkulaya ukuti vino ndi nu umi nga nu ucindami wane wazula insi yonsi,
Kusi nanti wenga alingila mu mpanga ino nalavile ukupeela ivikolwe vyao. Kusi nanti wenga muli yonsi ali ni misuli kunondi alingila mwenemo.
Mulafwa nga ni vyala vinu vilalambalala monsi muno kwene mu lwanga. Mwensi pyu ukutandikila pa myaka amakumi yaili ukuya papela, mwe muno yapenzile pa nsita ya kupenda, mwensi mwe muno mwailizyanyanga mutalingila mu mpanga ilya.
