Mpendwa 31:23 - Amazwi Yakwe Leza 2013

²³ nga ni cili consi icitangapya mu moto, muce mucizimwile mu moto, ali lino lyene cingaya icisangulule. Nga lelo kwene cili nu kusangululwa mu manzi akufumya amakombela. Nupya consi, cico icingapya mu moto naco kwene icakupisya mu manzi.

Mpendwa 31:23 ပူးပေါင်းရင်းမြစ်များ

Kufuma 19:10

Alino Yawe anena Mose ati, “Yanga kanene antu ukuti ilelo na mutondo yaisangulule nu kuiteyanyizizya ku mapepo. Yene yalinzile ukufula vyakuzwala vyao.

Kufuma 19:14

Caleka Mose aika pa mwamba anena antu kuisangulula nu kuiteyanyizizya ku mapepo. Alino antu yafula vyakuzwala vyao, nga

Ezaya 43:2

Lino wapita umu manzi azike, namayanga nawe, na lino ukulamba uluzi, utalamwela awe. Lino wapita umu moto, utalapya awe. Icimbilimbili cakweo citalakwambukila awe.

Aina Levi 11:32

Nupya ndi cakuti icitumbi ca nyama zii caponela pa cintu icili consi, icintu cico ciye icamifitalila, cingaya nanti pa mbao, pa nsalu, mukwela unyuke nanti pi saaka, usi mulandu ni milimo ino icintu cico cikaomviwa. Cilinzile kuciombeka mu manzi, lelo cilaya icamifitalila kufika lino ilanzi lyawa, alino lyene cilasangululwa.

Aina Levi 15:17

Cintu icili consi capangilwe ni nsalu nanti capangilwe nu mukwela unyuke pano imbuza zyaponela cilinzile kufulwa, nupya ciye icamifitalila kufika ku manguzi.

Zakaliya 13:9

Cipande ca antu calenga vitatu cino casyala penepo cili cino nemo ndezya, nu kuyazifya ndi vino yakaengulula siluva, nupya ndayezya ndi vino yakaezya zaabu. Yalaalaizya izina lyane, nani ndayuvwa nu kuyanena inti, ‘Mwemwe antu yane.’ Nga nayo yalavwanga yati, ‘Wewe uli Leza witu.’ ”

Mpendwa 19:17

Umuntu uwa kowela yamulondele itwi lya ng'ombe ino yosile iya kupapatila akowele. Alino yaliike mu civiya nu kwitilamo amanzi lungu.

Mpendwa 19:9

Umuntu muze wino asi mukowele kulingana nu lutambi awino azyole itwi nu kuya lisumbila pa ncende isanguluke kunzi ya nsakwe. Iuvi lya ina Izlaeli lilinzile ukusunga itwi lilyo pakuti lice likaomviwe mu manzi yakuisangulula. Lyene ilyakuomvya apa kuisangulula ku maifyo.

Mpendwa 31:22

zaabu, siluva, umukuwa, ivyela, ivikopo nu mutovwe,

Mpendwa 31:24

Pa wanda uwalenga cinimbali muce mukafule ivyakuzwala vinu. Ali lino lyene mulaya asangululwe nga lyene mungazumiliziwa kuswilila mu nsakwe.”

Mpendwa 8:7

Na pakuyasangulula, uwacita vii. Uwayakanyila amanzi pa kuyasisizya inkota zyao. Nupya yalinzile yapele apali ponsi ku mwili wao, alino nu kufula insalu zyao zyakuzwala, ale alino yasangululwa.

Mateo 3:11

Nemo nkumuwatizya na manzi kulanga ukuti mwati muzenzuka, lelo wino akwiza pacisila cane wene uwa maka kunduta. Ntaine kusenda ndyatu zyakwe. Wene alamuwatizya na Mupasi Wamuzilo nu moto.

1 Kolinto 3:13

Lelo umpomvu wa mulimo wakwe cila muntu ulaloleka lino Wanda wakwe Klistu ulausokolola. Pano pa Wanda ulya umoto uno Leza alatuma ulezya mulimo uo nu kulanga umpomvu wakweo vino uli.

Efeso 5:26

Wene wacisile iuvi kuya ilyamuzilo kupitila mu kuliswefya na manzi nga na mazwi yakwe.

1 Petulo 1:7

Mulimo wa kweziwa ukusininkizya cumi ca utailo winu. Wakwe vino zaabu, wino akaononeka, yakamwezya pa kumoca mu moto kuti yalole ndi umukome, avino nu utailo winu uno waluta pali zaabu ndi waposya mukweziwa, lyene mulatasiwa nu kupelwa lulumbi nu mucinzi pa wanda uno Yesu Klistu alasokololwa.

1 Petulo 3:21

Manzi yaya yali icilangililo casontelelanga ku luwatizyo luno lukumutuula ndakai. Lwene lusi wa kufulwa kwa mwili, lelo kupapatila Leza kuti yakampingu itu yaswefiwe kupitila mu kuzyukuka kwakwe Yesu Klistu kufuma ku afwe.

1 Petulo 4:12

Mwe yacuza akundwe, mutazunguka pa kupita mu macuzi aipe apa kweziwa, kwati cintu cimwi cisyacitika camuponela.

Umbwilo 3:18

Nkukupanda mano, kuti lyene ukale zaabu kufuma kunondi, zaabu mwengululwe kuti uye mukama. Kala kunondi ni nsalu itiswe kuti uzwale na kuti usisye insonyi zya kupita tupu. Kala kunondi nu mulembo wa kwika mu manso kuti walola.