Mpendwa 30:15 - Amazwi Yakwe Leza 2013

¹⁵ Lelo ndi cakuti iya wiza wapasa icilayo cico lino uwanda watiupita, ale lyene aliwe wakwata umulandu pa muci wakwe.

Mpendwa 30:15 ပူးပေါင်းရင်းမြစ်များ

Aina Levi 5:1

Amawila akwelela amaifyo yakalondwa pamilandu ii. Ndu muntu yamwama kwi tengo kuti apeele umboni mwi tengo, lelo wakana kulanda vino waweni nanti vino uvwile, umuntu wiyo alinzile kuvunukwa.

Mpendwa 30:12

Lelo ndi cakuti iya wiza uvwa vino cali, nga amulesya kufikilizya imilapo iyo kumwi nu kupeela cakwe kamukole, lyene ale ali ni nsambu ya kupasa imilapo ino walavile nanti cimwi cino wali nu kupeela cakwe kamukole, apaula ukwelenganya ningo. Yawe nawe alamwelela, pamulandu wakuti iya watamulesya kufikilizya icilayo cakwe.

Mpendwa 30:14

Lelo ndi cakuti iya atamunenyile nanti cimwi cakumukanya pa wanda uwalondelela penepo, ale calanga ukuti wene alinzile kufikilizya umulapo uli onsi uno wene wacita nanti ukupeela cakwe kamukole cico. Iya watazumilizya icilayo pa kuntalanda cimwi cakumulesya pa wanda uno uvwile icilayo cico.

Mpendwa 30:16

Fwandi yaa, ali malamulo yano Yawe wapeezile Mose pamulandu ukumile umonsi nu muci, alino na pamulandu wakwe isi nu mwana umukazyana acili akwikala mu ng'anda yakwe isi.

Mpendwa 30:5

Lelo isi ndi cakuti uwanda umwi wiiza wamanya umulandu, alino wamukanya ukufikilizya vino walaya nu mulapo, ale wene asi nu kufikilizya imilapo yonsi ino walavile ukucita nanti ukupeela cakwe kamukole. Fwandi Yawe nawe alaleka aye umuntungwa pamulandu wakuti isi uwamukanya.

Mpendwa 30:8

Lelo ndi cakuti iya wiza uvwa vino cali, nga amulesya kufikilizya icilayo cico, ale lyene ali ni nsambu ya kupasa icilayo cino walavile paula ukwelenganya ningo. Yawe nawe alamwelela.

Galatiya 3:28

Caleka pasi upusano pakasi ka Ayuda na Akulukuwa, azya na antungwa, aonsi na anaci. Mwensi mwaya wenga pa kutaila kwinu muli Klistu Yesu.