Mpendwa 30:13 - Amazwi Yakwe Leza 2013

¹³ Iya akweti insambu zya kuzumilizya kufikilizya nanti kupasa icilayo icili consi nanti umulapo uno wene wacita.

Mpendwa 30:13 ပူးပေါင်းရင်းမြစ်များ

Ezila 8:21

Kuku kwene uku luzi lwa Aava, nemo ne Ezila napiile antu amasunde akuti swemo swensi tutale tute ukulya, pakuti tuicefye kuli Leza, tumupapate apakuti atutungulule umu ulendo witu nu kutucingilila, sweswe pamwi na ana itu, kumwi ni vyuma vitu vyonsi.

Masamu 35:13

Lino yene yalwala, nemo nkazwala vyakuzwala vya ndosya, nu kulya inta nu kulya. Ala nkupepa ninamike nu mutwe umu mpamba zyane,

Ezaya 58:5

Lino mukuta ukulya, mukaicuzya sile mwe eneco, mukakontamika imitwe inu kwati amusanze wino watakunga ulumi, nu kulala pa visakati nu mwitwi, uzye mwemo mukuti ali kuta ukulya? Uzye uli wanda uno Yawe angatemwa, vwile?

Aina Levi 16:29

Malamulo yaa, yali nu kusungwa ku nkulo zinu zyonsi. Pa wanda uwalenga ikumi, uwa mwezi uwalenga cinimbali, aina Izlaeli pamwi na inamasi yano yakwikala pakasi kao, yatalinzile ukulya nanti cakulya cimwi. Nupya yatalinzile ukuomba umulimo uli onsi.

Aina Levi 23:27

“Uwanda uwalenga ikumi, uwa mwezi uwalenga cinimbali, uli wanda wakucita ulutambi lwa kufuta amaifyo. Pa wanda uwo mutaomba nanti cimwi foo. Mwakongana sile pamwi ku mapepo nu kupeela uwila wa usu kuli Yawe.

Aina Levi 23:32

Kutandika lino ilanzi lyawa pa wanda uwalenga fundimbali, uwa mwezi uwo, nu kufika ku kuwa kwi lanzi pa wanda uwalenga ikumi mwasunga uwanda uu, uwanda wa kupuza nupya uno mutalinzile ukulya nanti cintu cimwi.”

Mpendwa 29:7

“Mu wanda uwalenga ikumi uwa mwezi uwalenga cinimbali, muce mwakongana pamwi ku mapepo. Muli nu kuikanya ukulya, alino nu kuntaomba umulimo uli onsi.

Mpendwa 30:12

Lelo ndi cakuti iya wiza uvwa vino cali, nga amulesya kufikilizya imilapo iyo kumwi nu kupeela cakwe kamukole, lyene ale ali ni nsambu ya kupasa imilapo ino walavile nanti cimwi cino wali nu kupeela cakwe kamukole, apaula ukwelenganya ningo. Yawe nawe alamwelela, pamulandu wakuti iya watamulesya kufikilizya icilayo cakwe.

Mpendwa 30:14

Lelo ndi cakuti iya atamunenyile nanti cimwi cakumukanya pa wanda uwalondelela penepo, ale calanga ukuti wene alinzile kufikilizya umulapo uli onsi uno wene wacita nanti ukupeela cakwe kamukole cico. Iya watazumilizya icilayo pa kuntalanda cimwi cakumulesya pa wanda uno uvwile icilayo cico.

1 Kolinto 11:3

Lelo nkulonda kuti mumanye vino Klistu ali mutwe pa onsi yonsi, nga monsi nawe ali mutwe pa mwanaci. Lelo Leza nawe ali mutwe pali Klistu.

1 Kolinto 11:9

Nupya monsi ataumvilwe pamulandu wa mwanaci, lelo mwanaci wene waumvilwe pamulandu wa monsi.

1 Kolinto 7:5

Caleka cila wenga atalinzile kukanya kufikilizya kulonda kwa mwili ku muze, suka sile ndi mwati muzumilizyanya kuntacita cii pamulandu wakuti musumbe nsita mu kupepa. Lelo mulinzile kutandika nupya kufikilizya ivyaya mu utwazi. Mu musango kwene uu, amuno mulacingililwa ku mezyo yakwe Ciwa pamulandu wa kuntaikanya kwinu.