Mpendwa 3:6 - Amazwi Yakwe Leza 2013

⁶ “Leta amu mutundu wakwe Levi, nu kuyapeela mu makasa yakwe Aaloni pakuti yatumikila wakwe yasimapepo.

Mpendwa 3:6 ပူးပေါင်းရင်းမြစ်များ

1 Milandu 15:2

Lyene Davidi avwanga ati, “Aina Levi yatupu, aliyo yazumiliziwa ukusenda Mbokosi ya Upangano, pamulandu wakuti Yawe uwayasolola kuti yasenda Mbokosi ya Upangano yakwe Yawe, na kuti yamutumikila amanda pe.”

1 Milandu 23:28

Umulimo wa ina Levi wali uwakwazwa amu mupanda wakwe Aaloni mu kutumikila mu Ng'anda ikulu yakwe Yawe. Ukusunga imisolo ni miputule yakweyo, ukuswefya ivintu vyonsi vyamuzilo nu kuomba imilimo yuze yamu Ng'anda ikulu yakwe Yawe.

1 Milandu 23:32

Avili vino aina Levi yaombanga imilimo yao umwi Taalu lya Ukongano, nu mu Ncende Yamuzilo, nga nu kwazwilizya akazi kao, amu mupanda wakwe Levi mu Ng'anda ikulu yakwe Yawe.”

1 Milandu 6:33

Fwandi yao atumikilanga mu kwimba yatantime wakwe vii: Mu luko lwakwe Koati, Hemani wali ali mukalamba mwi umba lya kutandika. Hemani wali umwana umonsi wakwe Yowelo, umwizikulu wakwe Samueli.

2 Milandu 29:11

Mwe ana yane, mutazingota pali ndakai awe, pasi pano Yawe wamusolola kuti mwimilile apa manso yakwe nu kumutumikila, na kuti mwatungulula apa kumupepa nu koca ubani.”

Ezila 6:18

Nupya yisile yasimapepo ukulingana na maumba yao, na ina Levi nayo umwayelile amaumba yao, muno yakatumikila Leza umu Yelusalemu, ukulingana ni vyalembwa mu Lupapulo lwakwe Mose.

Malaki 2:4

Lyene mulamanya ukuti namupeela ilamulo lii, pakuti upangano wane uno nacita pakasi kane na yasimapepo aina Levi, utavunwa. Natimvwanga ne Yawe Wamaka Yonsi.

Mpendwa 18:21

Yawe avwanga ati, “Ku ina Levi, pa kuyalambula pa milimo yao ino yakaomba mwi Taalu lya Ukongano, nayapeela upyanyi wa kutoola pa cikumi consi cino aina Izlaeli yakampela. Ali malipilo ya kuomba kwao ukwa kuwaka Itaalu lya Ukongano.

Mpendwa 2:17

Alino lyene aina Levi yali nu kutenuka yapita pakasi na nkasi ka maumba yaili ankolelo na yaili acisila yala yasenzile Itaalu lya Ukongano. Cila umba lili nu kutenuka mu utantiko uli onga na uno yakakuulilamo insakwe, cila umba ukuyelile inzipa yao.

Mpendwa 2:33

Ndi muno Yawe wapeezile ilamulo kuli Mose, aina Levi yatayapendile pamwi na ina Izlaeli asyala.

Mpendwa 3:5

Yawe anena Mose ati,

Malango 10:8

Pa nsita kwene iya Yawe wapaatwile amu mutundu wakwe Levi kuti yangaya yakasenda ya Mbokosi ya Upangano yakwe Yawe. Nu kuti yaimilila inkolelo yakwe Yawe nu kumutumikila, yala yakutaka upolelelo umwi zina lyakwe, wakwe vino yakacita na pilelo kwene.