Mpendwa 3:40 - Amazwi Yakwe Leza 2013

⁴⁰ Yawe anena Mose ati, “Ana mayeli aonsi ya ina Izlaeli akwane. Acino uyapende kulingana na mazina yao, kutandikila pali wino ali nu mwezi onga nanti ukuluta.

Mpendwa 3:40 ပူးပေါင်းရင်းမြစ်များ

Masamu 87:6

Yawe aliwe alatantika amazina ya antu yaa, nu kuyalemba yonsi pamwi na akaya amu Yelusalemu!

Ezaya 4:3

Yao yonsi alasyala umu Zioni, aalapusuka umu Yelusalemu, yalaamwa ukuya asuma umu cumi, yonsi yano yalembwa umu antu aumi amu Yelusalemu.

Mpendwa 3:12

“Lola, natinsolola aina Levi mu ina Izlaeli yonsi mu cifulo cakuti ningasolola umwana umonsi iyeli muli cila mwanaci umwina Izlaeli. Ali cino inkuti aina Levi akwane nene.

Mpendwa 3:15

“Penda ana yakwe Levi mu ndupwa zyao nu mu nko zyao. Mwapenda umonsi wensi kutandika uwa mwezi onga ukuya papela.”

Mpendwa 3:41

Mu cifulo ca ana mayeli ya ina Izlaeli, aina Levi yamaya akwane. Nu mucifulo ca mayeli ya viteekwa vya ina Izlaeli, mayeli ya viteekwa vya ina Levi yamaya akwane. Nene indi Yawe.”

Mpendwa 3:45

“Mpaatwile aina Levi mu cifulo ca mayeli yonsi ya ina Izlaeli, nga na mayeli ya viteekwa vya ina Levi mu cifulo ca mayeli ya viteekwa vya ina Izlaeli.

Luka 10:20

Lelo mutazanga pano mipasi yankota ikumuyela. Muzange pano mazina inu yalembwa mu lupapulo lwa kwiyulu.”

Filipi 4:3

Nawe kwene, we cuza wa cumi pa mulimo witu, nkulonda kuti wazwe yamama yaa. Pano yene yaombisye cuze pamwi nani mukusalanganya Landwe Lisuma, pamwi na Klementi nga na aomvi yanji yonsi yano ndakai mazina yao yalembwa mu lupapulo lwa umi.

2 Timoti 2:19

Lelo mufula ukome uno Leza wika wene utangatensiwa. Nupya pa mufula kwene uwo palembwa mazwi yano yakati, “Mwene wamanya antu yakwe” nupya yakati, “Wino wensi akaitaka ukuti wene umuntu wa Mwene alinzile kuzenzuka ku kuluvyanya konsi.”

Ayebulai 12:23

Mwati mwiza ku ukongano wa luzango wa ana mayeli yakwe Leza yano mazina yao yalembwa mwiyulu. Mwati mwiza kuli Leza kapingula wa antu onsi, nu ku mipasi ya antu asuma yano Leza walula kuya afumaluke.

Umbwilo 14:4

Yaa, ali antu ataikowizye na anaci, pano yatatazile yamanye anaci. Yene yalondelanga Mwana wa Mfwele konsi kuno akuya. Yene yakulwilwe kufuma pa antu yonsi asyala kuti yaye ankolelo kupelwa kuli Leza nu ku Mwana wa Mfwele.

Umbwilo 3:5

Wiyo alacimvya alazwikwa vizwalo vitiswe wakwe yakwene nga nani ntalafuta zina lyakwe mu lupapulo lwa antu aumi. Pa manso yakwe Tata na angeli yakwe ndalanda paswe ukuti uwakwane.