Mpendwa 28:7 - Amazwi Yakwe Leza 2013

⁷ Ivyakumwa vino yali nu kulunda penepo, vili nu kuya amawotolo yaili yakwe waini pali cila mfwele yonga. Ni vyakulya vivyo ivyakupeela kuli Yawe, yali nu kuviitila mu Ncende Yamuzilo.

Mpendwa 28:7 ပူးပေါင်းရင်းမြစ်များ

Kufuma 29:40

Pamwi nu mwana wa mfwele wakutandika, uwatwalapo nu kupeela kilogalamu wenga wa usu utonyoleke wa ngano, uuminkanye na lita wenga wa mafuta asuma cuze, alino na lita wenga wakwe waini wakutwala wa wila wa vyakumwa.

Kufuma 29:42

Mu mikulo yonsi insita zyonsi mwapeela pa manso yane Ne Yawe uwila uu wakoca pa mulyango wi Taalu lya Ukongano. Kuku akuno ndakomenkana na antu yane nu kulanda nayo.

Kufuma 30:9

Pa kavuwa kako utafutikilapo ubani uli onsi uno utazumiliziwa, nanti kupelelapo uwila wakoca uli onsi, nanti uwila wa usu. Nupya pa kavuwa kako utapongolwelapo uwila wa vyakumwa.

Ezaya 57:6

Mukatoola na mawe atelepe ayano mwafukamila. Mukaitulwila penepo amawengwa nu kutuula amawila ya vyakulya. Uzye mwemo mukati natemwa vivyo, vwile?

Yowelo 1:13

Mwe yasimapepo, si zwalini vyakuzwala vyandosya, alino muyume apa visao pamulandu wa ulanda uwatiutuponela. Lilini mwemuno mukatumikila apa tuvuwa. Zwalini muivimbe ivizwalo vya ulanda uwanda onsi. Mwe aomvi yakwe Leza winu.

Yowelo 1:9

Ivyamawila vyonsi ivyakumwa ni vyakulya vitangapeelwa lyene ku Ng'anda ikulu yakwe Yawe Yasimapepo yakulosya, aomvi yakwe yonsi yakulosya.

Yowelo 2:14

Limwi limwi akasenula umwenzo nu kwelela, alino nu kutupolelela. Upolelelo uo ukaya uwa vilyo ni vyakumwa ivyakupeela kuli Yawe Leza winu.

Aina Levi 1:9

“‘Lelo wene alinzile ukufula ivyamunda pamwi ni myendo kwene mu manzi. Alino simapepo aocele inyama yonsi pa kavuwa. Yene uli wila wakoca. Uwila uu uwa mununko usuma ukazanzya Yawe.

Aina Levi 23:13

Kwika pali suuku mulinzile ukupeela makilogalamu yaili ya usu utonyoleke, utikinkanye na mafuta ya miolivi kuti vipelwe kuli Yawe wa wila wakoca. Uwila uu uwa mununko usuma ukazanzya Yawe. Nupya cuze cino mulinzile ukupeela pamwi na suuku, uwila wa vyakumwa kulingana na lita wenga wakwe waini.

Mpendwa 15:10

Alino uwikepo citika wakwe lita wenga wakwe waini wa wila wa vyakumwa. Vilinzile vyaya amawila akocela Yawe, amununko usuma ukazanzya Yawe.

Mpendwa 15:5

Apeele na waini ukulingana na lita wenga wa wila wa vyakumwa, ivyakulunda pali cila wila wakoca alino na pali cila wila uze, umwana wa mfwele wenga.

Mpendwa 15:7

Alino uwikepo na waini ukulingana na lita wenga wa wila wa vyakumwa. Mununko usuma uwa wila uu ukazanzya Yawe.

Mpendwa 28:14

Papela yakwe cila cipambasi, muce mwalunda penepo uwila wa vyakumwa ukulingana icipimo ca malita yasano, pali suuku nawe amalita yatatu, alino pali cila kana ka mfwele napo amalita yaili. Fwandi uwo nayo uli wila wakwe cila mwezi uwakoca nu kupeela pali cila ndoleko ya mwezi mu mwaka.

Mpendwa 28:31

Vivyo vili vyakulunda penepo pa wila wakoca uwa kupeela cila wanda, na pa wila wa cakulya cico cino yakapeela penepo, nga nu wila wa vyakumwa. Inyama zii zyonsi zilinzile kuya izyaula ulema.

Mpendwa 28:6

Ukwene uli wila wakoca pee, uno inkolelo wapezilwe pa Mwamba wa Sinai uwa mununko usuma ukazanzya Yawe. Ukwene uli wila wakocela Yawe.

Mpendwa 28:8

Imfwele yakwe ciili, suuku, uli nu kumupeela wa mpolelwa yakoca amanguzi apali pamwi nu wila wa vyakulya ni vyakumwa ndi muno cimayelanga mu katondo. Uu, uli wila uwakocela Yawe, uwa mununko usuma ukazanzya Yawe.

Filipi 2:17

Utailo winu mu Mwene nga nu kuomba kwinu vikoline wa mpolelwa iyapeelwa kunoli. Nu wazi wane ungapongolwelwa pa kupeela impolelwa. Cii ndi cacitika, ndazanga nu kusansamuka pamwi namwe.