Mpendwa 28:26 - Amazwi Yakwe Leza 2013

²⁶ “Pa wanda wankolelo uwakuzevya Cimulo ca Uzombozi, lino mukapeela iviseekwa vyankolelo kuli Yawe, muce mwakongana pamwi ku kupepa, nupya mutakezye ukuombamo umulimo uli onsi uno ukaombwa lyonsi.

Mpendwa 28:26 ပူးပေါင်းရင်းမြစ်များ

Kufuma 12:16

Pa wanda wakutandika, nga na pa wanda uwalenga cinimbali, mulinzile kukongana ku kupepa. Mutalinzile ukuomba mulimo nanti umwi pa manda yao, lelo ivyakulya vyene mungateyanya.

Kufuma 23:16

Mwazevya cimulo pa manda ya kuzombola iviseekwa vinu ukufuma mu vyalo vinu. Mwazevya cimulo ca wanda wa kusezya vya uzombozi vyonsi ku kusila kwa mwaka, lino mukukoozya vilyo vinu vyonsi.

Kufuma 34:22

“Mwazevya Cimulo ca Uzombozi lino mukuzombola vizao vyankolelo vya ngano, nu kuzevya Cimulo ca Nsakwe lino mukukoozya uzombozi winu apa mpela ya mwaka.

Aina Levi 23:10

“Nena aina Izlaeli, uti, ‘Lino mulingila mu mpanga ino Yawe akupeela kunomuli, ndi mwazombola imbezu zyamu vyalo vinu, mukatala mupela umwanzi wankolelo kuli simapepo.

Aina Levi 23:8

Pa manda cinimbali mwapeela amawila inu akocela Yawe. Nupya pa wanda uwalenga cinimbali mulinzile kukongana ku mapepo. Kusi ukuomba imilimo inu ino mukaomba cila wanda.’”

Mpendwa 28:18

Pa wanda wakutandika kuzanganzila kuzevya kuko, yalinzile kukongana ku kupepa, nupya yatalinzile ukuombamo umulimo nanti umwi uno ukaombwa lyonsi.

Mpendwa 28:27

Uwila wakoca wene muli nu kupeela kuli Yawe, uwa mununko usuma ukazanzya Yawe. Pakupeela, mupeele tucipambasi twiili, na suuku wenga, nu twana cinimbali utwa mfwele utwa mwaka onga, tuno tutakweti ulema nanti umwi. Uwila uu uwa mununko usuma ukazanzya Yawe.

Mpendwa 29:1

“Pa wanda wakutandika uwa mwezi uwalenga cinimbali, mulinzile kukongana ku mapepo, nupya mutakaombe umulimo uli onsi. Kunomuli uli wanda wakulizya intandala.

1 Kolinto 15:20

Lelo cumi Klistu wazyukuka kufuma ku afwe! Nupya akusininkizya kunotuli ukuti yauze nayo kwene yalazyukuka kufuma ku afwe.

Yakobo 1:18

Ku kulonda kwakwe umwisikulu wene watupeela umi kupitila mwi Landwe lya cumi, kuti tuye wa vizao vyankolelo pa viumbwa vyonsi.