Mpendwa 28:2 - Amazwi Yakwe Leza 2013

² “Peela ilamulo lii ku ina Izlaeli uyanene uti, ‘Mulinzile ukusakamala ukutwalila Yawe amawila yakwe pa nsita ilinzile, uwila wa vyakulya uwakoca, uwa mununko usuma ukazanzya Yawe.’

Mpendwa 28:2 ပူးပေါင်းရင်းမြစ်များ

Utandiko 8:21

Lyene lino Yawe wanunsya umununko, nga umwisikulu avwanga ati, “Ntalatala ntipe insi nupya, pamulandu wa vicitwa vya muntu. Amelenganyo ya antu yaya ankota ukufuma ku civyalilwa. Ntalonona insi ni vyaumi vyonsi nupya, wakwe vino natincita.”

1 Milandu 23:31

Alino yalinzile ukucita icili cimwi kwene lino yakupeela amawila yakoca kuli Yawe apa Masabata na pa kuzevya imyezi ipya, nga na pa uzevyo wa vimulo vyuze. Ni vipope vyapilwe ivyakulondolola impendwa ya ina Levi alinzile ukuomba imilimo kwene ii cila nsita. Aina Levi yapilwe umulimo wa kupepa Yawe umuyayaya.

2 Milandu 23:18

Alino Yeoyada asonta yasimapepo ukufuma mu luko lwakwe Levi kuti ayano yalinda ku Ng'anda ikulu yakwe Yawe. Wakwe vino nu mu manda yakwe Davidi wene wayaisile kuti yalinda ku Ng'anda ikulu yakwe Yawe nu kuyapeela umulimo wakupeela amawila yakoca kuli Yawe ndi vino calembwa mu mpapulo zyakwe Mose. Yene yapeela ni nsansa ala yakwimbila, wakwe vino Davidi wayapile ilamulo.

2 Milandu 31:3

Umwene watozile icipande ca vyuma vyakwe umwisikulu, kuti apeele amawila yaa: amawila ya katondo, na mawila ya manguzi, na mawila yapa Masabata, napa wanda wandoleko ya mwezi napa manda yauze amuzilo ndi muno calembelwa mu masunde yakwe Yawe.

Ezila 3:2

Nga lino Yesyua umwana wakwe Yozadaki pamwi na yasimapepo yauze na Zelubabeli umwana wakwe Syeatieli nga na aomvi yauze iyatandika uku kuula kavuwa kakwe Leza wa ina Izlaeli apa kocela impolelwa ndi vino calembwa umu mpapulo zyakwe Mose umuntu wakwe Leza wilya.

Ezila 3:3

Nanti angala antu yalya awezile yofile ainamasi ayazingulwike, yene yakuuzile kavuwa papa kwene apa ncende yampiti. Lyene yapeela penepo kuli Yawe amawila akoca apuma, akupeela akatondo na lino ilanzi lyawa.

Neemiya 10:34

Swe yasimapepo, aina Levi alino na antu sile, tulapendola kuti tusolole inko izyakutiiya inkwi nu kuleta uku Ng'anda ikulu yakwe Leza witu pa nsita isontwe cila mwaka, kuti yaocela impolelwa pa kavuwa kakwe Yawe Leza witu ndi vino calembwa mu mpapulo zya Masunde.

Masamu 81:3

Mwalizya ni penga apa ndoleko ya mwezi, na lino umwezi wakoma, lino ukaulungana, apa wanda wa kuzevya.

Kufuma 23:15

Mwazevya Cimulo ca Mukate usi na Citutumusi. Wakwe vino namupiile ilamulo mwalya umukate usi na citutumusi pa manda cinimbali mu mwezi wakwe Abibu, pa nsita ino cikacitikila, pamulandu wakuti mu mwezi kwene uwo alino mwafumile mu Eguputo. Kusi umuntu wakwiza ku ng'anda yane minwe.

Kufuma 29:18

Lyene woce suuku wiyo wensi pa kavuwa. Wene uwila wakocela Yawe, nupya u mununko usuma wakuzanzya ne Yawe. Ukwene uli wila wakocela Yawe.

Ezekelo 16:19

Ivyakulya vino nakupeelanga vya usu utonyoleke, amafuta nu uuci vino nakwimulanga, ali vino wavyocelanga ukuya icinunu cisuma icakuvisansamusya! Ee, anene Yawe nakunenelapo.

Ezekelo 20:41

Lino ndamufumya mu mpanga muno namusalanginye nu kumukonganika pamwi, alino ndapokelela impolelwa zinu zino mukaoca. Antu amitundu yonsi yalalola ukuti fwandi nene wamuzilo, pano mwemo mulampepa.

Ezekelo 45:17

Alino intunguluzi nayo, ilaya nu mulimo uwakulolekesya apa nyama izilaocewa zya muntu musuma pakuzituula impolelwa, ali ino ilalola na pa mawila ya vyakulya ni vyakumwa, ivilatuulilwako umutundu onsi wa ina Izlaeli pa manda ya uzevyo yonsi, na pa uzevyo wa Ndoleko zya mwezi, na pa Masabata yonsi asontwe. Fwandi intunguluzi iyo iilalokesya pa mawila ya pa maifyo, na pa mawila ya vyakulya, na pa mawila yakoca, na pa lwa mawila a mpolelwa zyautandano, ali mawila yapa kufuta pa maifyo ya ina Izlaeli.”

Aina Levi 1:13

Lelo wene alinzile ukufula ivyamunda pamwi ni myendo kwene mu manzi. Alino simapepo atwale vyonsi vii pa kavuwa nu kuvyoca. Wene uli wila wakoca. Uwila uu uwa mununko usuma ukazanzya Yawe.

Aina Levi 1:17

Pacisila cakwe vii, alepule uwila uwo pakasi, lyapa limwi ku, ni lyuze ku. Lelo kusi kufumya maapa. Lyene aoce pa moto wa nkwi pa kavuwa. Cene uli wila wakoca. Uwila uu uwa mununko usuma ukazanzya Yawe.

Aina Levi 1:9

“‘Lelo wene alinzile ukufula ivyamunda pamwi ni myendo kwene mu manzi. Alino simapepo aocele inyama yonsi pa kavuwa. Yene uli wila wakoca. Uwila uu uwa mununko usuma ukazanzya Yawe.

Aina Levi 21:6

Simapepo alinzile ukuya wamuzilo nupya atalinzile kuzewanya izina lyane. Pamulandu wakuti simapepo akapeela amawila akocela Yawe, alinzile ukuya wamuzilo.

Aina Levi 21:8

Simapepo alinzile kuloleka uwamuzilo ku manso ya antu, pamulandu wakuti ali wino akapeela impolelwa ya mbezu zya mwata wa ngano kunondi. Nene indi Yawe, nene wamuzilo, nupya nene nkalenga antu yane ukuya amuzilo.

Aina Levi 3:11

Lyene simapepo aoce vyonsi vivyo pa kavuwa viye uwila wa cakulya cakocela Yawe.

Malaki 1:12

“Lelo mwemo mutancindika apakulanda ukuti kavuwa kane akasauke na pakupeela penepo impolelwa zino mwasuula.

Malaki 1:7

Mukansuula pakupeela impolelwa zikowele pa kavuwa kane. Lelo mukauzya muti, ‘Uzye twaposiwa uli uku kucindika?’ Mukansuula apa kwelenganya ukuti kavuwa kakwe Yawe akasaluke.

Mpendwa 15:24

Ndu kuluvyanya kwacisilwe pamulandu wa kuntamanya kwi umba, ale lyene yalinzile ukupeela kacipambasi kuti kaye uwila wakoca, uwa mununko usuma ukazanzya Yawe. Yaupeele pamwi nu wila wa cakulya uno walandwa pamwi nu wila wakwe waini. Kulunda pali vii, yalinzile ukupeela sawe ukuya uwila wa kwelela amaifyo.

Mpendwa 15:3

na lino yakupeela kuli Yawe amawila yakoca pa moto ukufuma mu ufyo wa mfwele nanti uwa mbuzi, cingaya amawila yakoca nanti impolelwa yakufikilizya ulayo, nanti tuti amawila yano aisikulu yaitemilwe ukupeela, nanti amawila yakucindika kuzevya kwa manda yao akulu aupefi, nanti uwila wa mununko usuma ukazanzya Yawe.

Mpendwa 15:7

Alino uwikepo na waini ukulingana na lita wenga wa wila wa vyakumwa. Mununko usuma uwa wila uu ukazanzya Yawe.

Mpendwa 28:1

Yawe apeela ilamulo kuli Mose ati,

Mpendwa 29:39

“Vivyo ali vyeo vino muli nu kulondela pa kupeela amawila kuli Yawe mu manda inu yonsi a vimulo vyakuzevya. Vii, ali vya kulunda pa mawila inu akufikilizya ulayo uwakuzanzya Yawe, alino na pa mawila yakoca pamwi na mawila ya cakulya na a vyakumwa, nga na pa mawila autandano.”

Mpendwa 9:13

Lelo ndi kwazanwa umuntu umwi pali yao asi akowele ukulingana ni ntambi nanti asi pa lwendo, nga wakana sile kuzevya Cimulo ca Ucilo, umuntu wiyo alinzile kusukulwa mu antu yao pamulandu wakuti atapile uwila wakwe kuli nene pa nsita ino yasontwa. Umuntu wiyo ali nu kulipa pi ifyo lyakwe.”

Mpendwa 9:7

Nga yamunena yati, “Sweswe yakowele pamulandu wa kukumya ku cala, lelo pacani cino tutangazumiliziwa kwizapeela amawila itu apali ponga na anji aina Izlaeli pa nsita iyazumiliziwa?”

2 Kolinto 2:15

Pano swemo tukoline wa mununko usuma uwa ubani uno Klistu wapela kuli Leza. Mununko uu, waya usuma ku antu akutuulwa, na kuli yao akulowa.

Efeso 5:2

Lekini umi winu watungululwa nu kutemwa, wakwe vino Klistu watutemilwe nu kupeela umi wakwe pamulandu witu, kuti uye mununko usuma uwa mpolelwa ino ikazanzya Leza.

Filipi 4:18

Napokelela vyonsi, ndakai ntuulilwa. Nupya napokelela mawila yano Epaflodito wandetile kufuma kunomuli. Yene yakoline wa mununko usuma uwa wila uno wapelwa kuli Leza, impolelwa ino yapokelelwa na Leza nupya iya kumuzanzya.