Mpendwa 28:15 - Amazwi Yakwe Leza 2013

¹⁵ Alino ukulunda penepo pa wila wakoca nu wila wa vyakumwa uwa cila wanda yali nu kufyulila Yawe sawe wenga wa wila wa kwelela amaifyo.

Mpendwa 28:15 ပူးပေါင်းရင်းမြစ်များ

Utandiko 37:31

Lyene yakoma imbuzi, yatumpika mwingila wakwe Yosefu mu wazi wa mbuzi.

Aina Levi 16:15

Pacisila cakwe cico, alinzile kufyula imbuzi ya wila wa kwelela amaifyo ya antu. Alete uwazi wa mbuzi iyo mu Ncende Yamuzilo kuluta. Alino atoole uwazi uwo asanse pa ntupiko ya Mbokosi ya Upangano nga nu ku nkolelo ya Mbokosi ya Upangano, wakwe vino waliwacita nu wazi wakwe cipambasi.

Aina Levi 16:16

Vii, avino Aaloni ali nu kucita pa lutambi lwa kuswefya Ncende Yamuzilo kuluta ku mifitalila ya ina Izlaeli nu ku maifyo yao Alinzile kucitila ni Taalu lya Ukongano icili cimwi kwene pamulandu wakuti lyaya pa nsakwe ikowele.

Aina Levi 4:23

Lyene antu yauze ndi yainena pamulandu wi ifyo lyaiko lilyo, yene ilinzile ukupeela uwila uu, sawe uwaula ulema.

Mpendwa 15:24

Ndu kuluvyanya kwacisilwe pamulandu wa kuntamanya kwi umba, ale lyene yalinzile ukupeela kacipambasi kuti kaye uwila wakoca, uwa mununko usuma ukazanzya Yawe. Yaupeele pamwi nu wila wa cakulya uno walandwa pamwi nu wila wakwe waini. Kulunda pali vii, yalinzile ukupeela sawe ukuya uwila wa kwelela amaifyo.

Mpendwa 28:14

Papela yakwe cila cipambasi, muce mwalunda penepo uwila wa vyakumwa ukulingana icipimo ca malita yasano, pali suuku nawe amalita yatatu, alino pali cila kana ka mfwele napo amalita yaili. Fwandi uwo nayo uli wila wakwe cila mwezi uwakoca nu kupeela pali cila ndoleko ya mwezi mu mwaka.

Mpendwa 28:22

Kuye kweneko na sawe wenga uwa wila wa kwelela amaifyo kuti yacite ulutambi lwa kufuta amaifyo inu.

Mpendwa 28:3

“Uyanene ukuti yaa ali mawila ya cakulya yano mulinzile ukupeela kuli Yawe: apakupeela uwila wakoca cila wanda, yalinzile ukupeela yasuuku yaili ali nu mwaka onga nupya asi nu ulema uli onsi.

Mpendwa 28:30

Kuye kweneko na sawe wenga uwa lutambi lwa kufuta amaifyo inu.

Mpendwa 29:16

Kuye kweneko na sawe wenga uwa wila wa kwelela amaifyo. Vii, ali vyakulunda pa wila wakoca wakwe cila wanda pamwi nu wila wa cakulya nu wila wa vyakumwa.

Mpendwa 29:5

Kuye kweneko na sawe wenga uwa wila wa kwelela amaifyo kuti mucite ulutambi lwa kufuta amaifyo inu.

Loma 8:3

Leza wene watacita vino Masunde yakwe Mose yaposiwe kucita pamulandu wakuti miyele ya untunze yaya itonte. Wene wavunwike iifyo mu untu apa kutuma Mwana wakwe, uwizile mu musango wa untu wakwe sweswe swe yakaifya, pakuti aiize aipeele kuya impolelwa ya kukulula antu ku maifyo yao.

2 Kolinto 5:21

Klistu atatazile aifye! Lelo Leza wamucisile wakwe kaifya pamulandu witu, kuti muli Klistu tukume ku wololole wakwe Leza.