Mpendwa 26:65 - Amazwi Yakwe Leza 2013

⁶⁵ Pasi pano Yawe wayanenyile ukuti yonsi kwene yalafwila mu lwanga, nupya kutasiile nanti wenga, suka sile Kalebu umwana wakwe Yefune na Yoswa umwana umonsi wakwe Nuni.

Mpendwa 26:65 ပူးပေါင်းရင်းမြစ်များ

Masamu 37:9

Pano yayo acita cipyu yalayazinga, na yayo alataila Yawe, yalikala umutende umu mpanga.

Kufuma 12:37

Aina Izlaeli yakatuka ulendo ukufuma ku musumba wa Lamesesi ukuya ku musumba wa Sukoti. Aonsi apenzilwe yali manye 600,000, kufumyako anaci na ana.

Mpendwa 14:26

Yawe anena Mose na Aaloni ati,

Mpendwa 14:32

Lelo mwemo mulafwila mukwene mu lwanga. Ivyala vinu vilalambalala monsi mu lwanga.

Mpendwa 14:35

Nalapa ukuti indi nu kucita cii kunomuli mwe antu yaukakasi, mwe muno mwakongine pa kumpangila. Mukwene mu lwanga amuno mulafwila mwensi pyu. Ne Yawe natimvwanga.’ ”

Mpendwa 14:38

Pa antu yano yaile ku kwendezya impanga pasile sile antu yaili, Yoswa umwana umonsi wakwe Nuni na Kalebu umwana umonsi wakwe Yefune.

Mpendwa 27:3

“Swemo tata wafwilile mu lwanga ukwaula ukusya umwana umonsi nanti wenga. Nupya atali pi umba lyakwe Kola ilyatalamile Yawe. Wene waifwilile sile ukwi iifyo lyakwe iliiyele.

Mpendwa 34:19

Na mazina ya antu yao aeya: Kalebu umwana wakwe Yefune, intunguluzi ukufuma mu mutundu wakwe Yuda.

Loma 11:22

Pali cii, twalola vino Leza uwa luse nupya umukali. Wene umukali ku antu yano akapona, lelo kuli mwemwe uwa luse ndi mwatwalilila mu vintu vikalenga kuti aye nu luse. Pano limwi namwe kwene mungaputulwa.

Malango 1:36

Suka sile Kalebu umwana wakwe Yefune aalingilamo. Wene acili uwakutailwa kunondi, nga nani ndapeela impanga ino waile aendezya kunoli nu ku amu mupanda wakwe.’

Yoswa 5:4

Icalenzile ukuti Yoswa asilamule aonsi aici: Aonsi yonsi afumile ku Eguputo, yao alinzile ukulwa inkondo yafwilile umu nzila mu lwanga pacisila ca kufuma mu Eguputo.

Yuda 1:5

Pano nanti mumanyile vyonsi vii, nkasi kumwiusya vino Mwene watuuzile aina Izlaeli kufuma mu Eguputo. Lelo pacisila alovya yano atataile.