Mpendwa 26:58 - Amazwi Yakwe Leza 2013

⁵⁸ Inko zya ina Levi nazyuze kwene aezi: uluko lwa ina Libini, uluko lwa ina Hebuloni, uluko lwa ina Maali, uluko lwa ina Musyi, nu luko lwa ina Kola. Koati wali a isi wakwe Amulamu.

Mpendwa 26:58 ပူးပေါင်းရင်းမြစ်များ

Kufuma 6:20

Amulamu watwite Yokebedi, kaci wakwe isi, uwamuvyalile Aaloni na Mose. Amulamu watenzi imyaka umwanda onga na makumi yatatu na cinimbali.

Kufuma 6:24

Kola wakweti ana yatatu aonsi. Pali Asili, Elikana, na Abiasafu. Yakwene ali vikolwe vya mitundu ino iyapalukine mu mutundu wakwe Kola.

Mpendwa 16:1

Kola umwana wakwe Izali, umwana wakwe Koati, umwana wakwe Levi, pamwi na antu yamwi yatatu amu luko lwakwe Lubeni, Datani na Abilamu ana yakwe Eliabu, na Oni umwana wakwe Peleti,

Mpendwa 3:27

Uluko lwakwe Amulamu, na lwakwe Izali, na lwakwe Hebuloni nga na lwakwe Uzieli, lwafuma kuli Koati.

Mpendwa 3:33

Uluko lwakwe Maali nu luko lwakwe Musyi, yafuma muli Melali.