Mpendwa 26:55 - Amazwi Yakwe Leza 2013

⁵⁵ Lelo kwene pa kuyankanya yace yapendola pakuti iyalola pano cimaponela. Yali nu kupeela impanga ukulingana ni mpendwa ya mazina yao amu mitundu ya vikolwe vyao.

Mpendwa 26:55 ပူးပေါင်းရင်းမြစ်များ

Mapinda 16:33

Apakumanya vino Leza akulonda, antu yakapendola utumawe, tuno yasimapepo yakazwala apa cifuwa. Lelo wino akaputula imilandu, umweneco Umwene Leza.

Mapinda 18:18

Ukupendola kukamala ivikanza. Kwene kukamala impanzela apakasi ka asambazi.

Ezekelo 47:22

Mulayankana kukuya icuma cinu caupyanyi pamwi na enyi alikala kuno muli, avyala na ana kuno muli, pano mulinzile kuyacitila wa akaya ya ina Izlaeli. Yali nu kwankanyiziwa ca upyanyi cao pamwi namwe mu mitundu yakwe Izlaeli.

Mpendwa 26:56

Lino cafikila api zina lya mutundu, napo kwene yalinzile yapendola, nupya wensi apelwe ukulingana nu ukulu wa mpendwa yao, ndi iikulu nanti inono.”

Mpendwa 33:54

Muce mwankanye ningo impanga ukulingana ni mitundu inu. Mukaomvye musango wakupendola pa kwankanya. Umutundu uno ukweti antu aingi uli uno muce mupeele impanga ikulu. Na uno wacepelako imuupela impanga icepelile kweneko. Nupya pano caponela lino mukupendola pali pano imumupela ni mpanga yakwe. Muce mwankanye impanga ukulingana ni mpendwa umwayela ivikolwe vinu vyonsi.

Mpendwa 34:13

Acino Mose apeela ilamulo ku ina Izlaeli ati, “Ikwene ili mpanga ino mulankana ukuomvya inzila ya kupendola. Ili mpanga ino Yawe wanenyile ukupeela imitundu fundimbali na onga pakasi.

Mpendwa 36:2

“Yawe wanenyile umusambazi witu ukupeela aina Izlaeli impanga nu kuyankanya ningo mu kuomvya umusango wa kupendola. Nupya Yawe kwene uwanenyile umusambazi witu Mose ukupeela icipande ca mwina witu Zelofeadi ku ana yakwe anaci.

Milimo 1:26

Lyene yapendola pali yaa oili, nu kupendola kuu kuwila Matiyasi. Caleka Matiyasi wasolwilwe kuti ailundanye kwi umba lya atumwa ikumi na wenga.

Kolose 1:12

taizyini Leza Tata, wino uwamucita kuya alinge kukumako ku wankanyo wa upolelelo uno Leza wasungila antu yakwe mu nsi ya luswepo.

Yoswa 11:23

Acino Yoswa atoola impanga ilya yonsi, wakwe vino Yawe wapeezile ilamulo kuli Mose, nga aipeela ukuya icaupyanyi ku ina Izlaeli ukulingana ni mendela zya mitundu yao. Caleka mumu antu iyakwata upemwilo ku ulwi.

Yoswa 14:2

Impanga zyao zya upyanyi zyankanyiziwe ku mitundu fundimbali na onga pakasi ukupitila mu kupendola, wakwe vino Yawe wapile ilamulo kupitila muli Mose.

Yoswa 17:14

Amu mupanda wakwe Yosefu iyanena Yoswa yati, “Uzye pacani cino watutupelela sile icipande conga ica mpanga kuti ciye icaupyanyi citu? Swemo tuvuzile nga Yawe watupolelela wakwe cimwi.”

Yoswa 18:6

Fwandi mukalembe ningo imipaka ya mpanga cinimbali alino muce mwize mundetele. Lyene nani ndalola muno ndamupendolwela pa manso yakwe Yawe Leza witu.

Yoswa 19:1

Yakwe ciili ukupelwa impanga yali amu mutundu wakwe Simeoni, uluko nu luko. Impanga ino yapilwe yali mukasi ka mpanga ya mutundu wakwe Yuda.

Yoswa 19:10

Yakwe citatu ukupelwa impanga amu mutundu wakwe Zebuluni, uluko nu luko. Impanga ino yapilwe yafisile ku Salidi.

Yoswa 19:17

Yakwe cini ukupelwa impanga amu mutundu wakwe Isakali, uluko nu luko.

Yoswa 19:24

Yakwe cisano ukupelwa impanga amu mutundu wakwe Asyeli, uluko nu luko.

Yoswa 19:32

Yakwe mutanda ukupelwa impanga amu mutundu wakwe Nafutali, uluko nu luko.

Yoswa 19:40

Yakwe cinimbali ukupelwa impanga yali amu mutundu wakwe Dani, uluko nu luko.