Mpendwa 25:8 - Amazwi Yakwe Leza 2013

⁸ nga alondelela umwina Izlaeli wiya mu nsakwe. Ayatota yoili kwene ukupuzinkanya isumo mu muze, umwina Izlaeli nu mwanaci wiya. Alino lyene ni mpungo ino walanga yapona pa ina Izlaeli isila nu kusila.

Mpendwa 25:8 ပူးပေါင်းရင်းမြစ်များ

2 Samueli 21:14

Alino iyaya yazika amafupa yakwe Saulo na yakwe Yonatani umwi lindi lyakwe isi wakwe Kisyi uwali isi wakwe Saulo, mu musumba wa Zela umu mpanga yakwe Benjamini, iyacita vyonsi ukulingana ni lamulo lya mwene. Nga pacisila cakwe cico, Leza aasuka amapepo yao yano yapepelile impanga.

2 Samueli 24:25

Davidi akuulila Yawe kavuwa kuku nga apeela amawila yakoca na mawila ya utandano. Alino Yawe aasuka ipepo lyakwe lino wapepelile impanga, nga ni mpungo iyaponile impanga ya Izlaeli ita.

1 Milandu 21:22

Davidi amunena ati, “Nkazya ulwano lwako lwa kupuulila, pakuti nkuulile penepo Yawe kavuwa kuti impungo ii iyatiponela antu, isile. Unkazye apa mutengo waluko onsi.”

Malaki 2:5

“ ‘Mu upangano wane uno nacita pakasi kane na alio, nayalaya umi nu kwikala ningo, na vivyo vili vino nayapeela pakuti yangancindika. Mu manda yalya yene yancindike nu kunkwatila icoopo.

Mpendwa 17:13

Fwandi lyene umuntu ali wensi ndi wala wapalama pipi pipi ni Taalu, nu kwemya sile kweneko, ale swensi nu kufwa twafwa!”

Mpendwa 25:11

Pineasi umwana wakwe Elieza, umwana wakwe Aloni, simapepo, uwatazusya icipyu cane pa ina Izlaeli. Awenga sile muli yonsi uwasakamala ukucita icilungame wakwe vino nkalonda. Ali cino nakana ukulovya aina Izlaeli ku cipyu cane.

Mpendwa 25:5

Mose nawe fwandi ali pa kunena yakapingula amu Izlaeli ati, “Cila wenga munomuli ali nu kukoma umuntu wensi wino wazana ukuti waile ku kupepa Baali Peoli.”

Yoswa 7:26

Alino iyatulikapo nu mutumba wa mawe ukulu sana. Umutumba uu na ndakai apano waya. Ali cino ukufika na pilelo pantu papa yakapaama yati Cifoloma ca Akoli. Awe lyene nu ukali wakwe Yawe pali pakusila.