Mpendwa 25:4 - Amazwi Yakwe Leza 2013

⁴ Alino Yawe anena Mose ati, “Tola intunguluzi zyonsi izya ina Izlaeli uzikome pa lwalala pa manso yane pakuti intakatale insokele aina Izlaeli nupya.”

Mpendwa 25:4 ပူးပေါင်းရင်းမြစ်များ

2 Samueli 21:6

Acino utupeele aonsi cinimbali amu mupanda wakwe, nga naswe tumayanyonga pa manso yakwe Yawe ku Gibeya, umusumba wakwe Saulo, umwene wino Yawe wasolwile.” Umwene nawe aasuka ati, “Namayapeela kunuli.”

2 Samueli 21:9

Lyene ayapeela ku ina Gibyoni, nga nayo yayanyonga pa mwamba ulya pa manso yakwe Yawe. Nga yonsi kwene cinimbali yafwa pali pamwi. Yonsi kwene yakomilwe pa mwela mu manda yakutandika ukuzombola imbezu zyakwe baale.

Masamu 106:29

Yavundula sile icipyu cakwe Leza, umu vicitwa vyao wayaponyezya impungo.

Kufuma 18:25

Alino asolola antu ampomvu mu ina Izlaeli nu kuyasonta kuti yaye intunguluzi zya antu. Mu musango uu, intunguluzi zya antu mazimbi, na zimwi zya antu imyanda, na zimwi zya antu amakumi yasano, na zimwi zya antu ikumi.

Yona 3:9

Nalimwi Leza angasenula ipange lyakwe, nga nu luse azusye ukali wakwe ukulu pakuti tutalowa.’ ”

Mpendwa 25:11

Pineasi umwana wakwe Elieza, umwana wakwe Aloni, simapepo, uwatazusya icipyu cane pa ina Izlaeli. Awenga sile muli yonsi uwasakamala ukucita icilungame wakwe vino nkalonda. Ali cino nakana ukulovya aina Izlaeli ku cipyu cane.

Mpendwa 25:18

pamulandu wakuti yene aatandike ku mulwisya mu ucenjezi wao uno yamucitile ku mulandu wakwe Peoli, alino nu ku mulandu wakwe Kozibi, umwana umwanaci wa ntunguluzi imwi yaku Midyani, umwanaci wino yakomile pa nsita ya mpungo iyaponyile ku mulandu wakwe Peoli.”

Malango 13:11

Lyene aina Izlaeli yaluvwa icacitika, yaye ni ntete, nga kusi umwi alacita ulukota lwa musango uwo nupya.

Malango 13:13

ukuti antu yamwi awelewele yatiyazunya akaya amu misumba iyo pakuti yatumikila tuleza tuze tuno mutatala mwapepa.

Malango 13:15

lyene mukome antu yonsi kwene amu musumba uwo kumwi ni viteekwa vyao vyonsi. Monone nu musumba uwo muumalilile.

Malango 13:17

Apa vintu vino vyativiundwa cisi cakwezya ukusunga nanti cimwi, pali pakuti namwe kwene Yawe atakaye nu ukali panomuli nupya ace amwelele. Wene alaya na mizu kunomuli nu kuleka kuti musanduluke, wakwe vino walavile ivikolwe vinu,

Malango 21:22

“Ndi cakuti umuntu umwi yamukoma pa nkota zyakwe nga nu mwili wakwe yautana pa cimuti,

Malango 21:23

ale lyene mutalinzile kusya umwili uwo pa cimuti. Mulinzile kuzika umwili, pamulandu wakuti umwili uno iyatana pa cimuti ukaleta citipu cakwe Leza pa mpanga. Muziike umwili uwo, pakuti mutakowezya impanga ino Leza akupeela kunomuli.”

Malango 4:3

Mweisikulu mwailolile na manso inu vino Yawe wacisile pa Mwamba wa Peoli. Wene wononyile umuntu wensi uwapepanga Baali kuku,

Yoswa 22:17

Iusyini iifyo litu lino twacisile pa Peoli, ilyalesile impungo pi uvi lyakwe Yawe! Ukufika na pilelo kwene tutali tuswefiwe kwi iifyo lili.

Yoswa 23:2

Lyene Yoswa aama aina Izlaeli yonsi, kumwi na ikolo yao nga ni ntunguluzi zya ng'anda zyao, na yakapingula yao nga na yamusika ya vita, nga ayanena ati, “Nemo ndakai natinkota cuze.”