Mpendwa 25:2 - Amazwi Yakwe Leza 2013

² Fwandi ale aina Moabu nayo yakwama antu ku kupeela impolelwa zyao kuli tuleza twao.

Mpendwa 25:2 ပူးပေါင်းရင်းမြစ်များ

1 Yamwene 19:18

Lelo nemo indi nu kusya penepo antu ukulingana na mazimbi cinimbali, yao atatala yantalamila nupya yatatala yafukamila Baali nanti ukutonsola kaluwi kakwe.”

Masamu 106:28

Yalaaitwika sile iyoko lyakwe Baali waku Peoli awino yakapepa nu kulya impolelwa yakocela afwe.

Kufuma 20:5

Mutafukamila unkolanya wakwe tuleza nanti kutupepa. Pano ne Yawe Leza winu, nsizumilizya kuti mwapepa tuleza tuze, nupya nkavunuka ana pa maifyo yakwe yaisi, kufika ku nkulo yalenga citatu na yakwe cini, zyakwe yao ampata.

Kufuma 22:20

“Muntu wensi uwapeela impolelwa kuli tuleza alinzile akomwe. Lelo ukwakupeela impolelwa akuli nene, ne Yawe.

Kufuma 23:24

Mutafukamila unkolanya wakwe tuleza twao nanti kutupepa. Mutalondelela mipepele nanti miyele ya antu yaa. Mukonone tuleza twao nupya mukatamole vipilala vya mawe yao pano yakapepela.

Kufuma 32:6

Caleka uwanda walondelela katondotondo yapeela impolelwa amawila yakoca nga yapeela na mawila autandano. Lyene antu iikala pansi iyatandika ukulya nu kumwa, alino nu kucina kwa uzelele.

Yelemiya 40:11

Na ina Yuda yonsi yano yali uku Moabu, mu ina Amoni, mu ina Edomu, nu mu mpanga zyuze, apakulola ukuti umwene waku Babiloni watasya antu yamwi yamwi umu Yuda, ayasontela nu mulasi Gedaliya, umwana wakwe Aiikamu, umwizikulu Syafani,

Oseya 9:10

Yawe akuti, “Inkolelo lino nazanyile Izlaeli cali wakuzana amatingi amutengo. Ivikolwe vyakwe vivi navitemilwe ungati ukulola iviseekwa vya nkolelo vya misamvu. Lelo lino yizile ku Baali Peoli, yatandike ukupepa Baali nga yasanguka yaya camuselu wa unkolanya kwene wao uwa, uno yatemilwe.

Mika 6:5

Mwe antu yane, iusyini vino Balaki umwene waku Moabu, walondanga kucita kuno muli, nga na vino Balamu umwana umonsi wakwe Beoli wamwaswike. Iusyini ivintu ivyamucitikile, apa lwendo lwinu lwakufuma ku Syitimu nu kuya ku Giligali. Iusyini ivintu vii vyonsi kuti mumanye vino ne Yawe namucitile apa kumutuula.”

1 Kolinto 10:20

Awe, cisi viyo! Mucumi vyakulya vivyo vikapelwa impolelwa ku mipasi yankota, asi kuli Leza. Ntakulonda kuti mwemo mwandane ni mipasi yankota.

Malango 32:38

Tuleza tutu mwatulisyanga amafuta ya mpolelwa zinu nupya mwatupeelanga na waini uwa mawila inu wakuti tumwe. Ale fwandi lekini twize tumwazwe. Lekini twize tumupususye.

Yoswa 22:17

Iusyini iifyo litu lino twacisile pa Peoli, ilyalesile impungo pi uvi lyakwe Yawe! Ukufika na pilelo kwene tutali tuswefiwe kwi iifyo lili.

Yoswa 23:16

Ndi cakuti mwakana ukusunga upangano uno Yawe Leza winu wamupile ilamulo kuti mwasunga, ndi mwaca mwapita nu kutumikila nu kupepa tuleza tuze, ale lyene ukali wakwe Yawe ulamufulumila. Nupya mulalowa zuwa mu mpanga isuma ino Yawe watamupeela.”

Yoswa 23:7

Mutaezya ukusakana na antu amu nko zi zyonsi izyasyala pakasi kinu. Mutaezya ukulumbula amazina yakwe tuleza twao nanti ukuomvya amazina yatuko nu mulapo. Mutaezya kufukamila nanti kupepa tuleza tuto.

Umbwilo 2:14

Lelo nkuilizyanya pa vintu vimwi vinono. Munomuli mwaya yamwi akayela usambilizyo wakwe Balamu, wino uwasambilizye Balaki ivya kutungulula aina Izlaeli mu kwifya apa kuyaongola kuti yalya ivyakulya ivyapeelwanga ku tuluwi, nga na kuti yalongozya.