Mpendwa 25:13 - Amazwi Yakwe Leza 2013

¹³ Fwandi aliwe wenga sile pamwi na ana yakwe alamukonka pacisila, alasyukila ulayo uu uwa kuya yasimapepo, pamulandu wakuti wene wali nu muzonda wakucindika Leza wakwe nu kucitila aina Izlaeli ulutambi lwa kufuta amaifyo.

Mpendwa 25:13 ပူးပေါင်းရင်းမြစ်များ

2 Samueli 21:3

Acino Davidi aama aina Gibyoni nga ayanena ati, “Uzye icani cino namamucitila? Nkasi kuti inzifye imilandu ino yacisilwe kunomuli, pakuti namwe mungapolelela antu yakwe Yawe.”

1 Yamwene 19:10

Eliya nawe ali pakwasuka ati, “We Yawe, Leza Wamaka yonsi, nemo nkamutumikila amanda yonsi nupya awewe sile mpo wino nkatumikila. Aina Izlaeli yonona upangano uno mwapangine nayo. Yene yatamola utuvuwa twako nu kukomola yakasema yako yonsi. Anene mutupu nemuno nasyala penepo. Alino nani kwene yakundunga akanyama kisi, yakulonda uku nkoma.”

1 Yamwene 19:14

Eliya nawe aasuka ati, “We Yawe, Leza Wamaka yonsi, nemo nkakutumikila amanda yonsi nupya awewe wenga mpo wino nkatumikila. Nga lelo aina Izlaeli yonona upangano wakwe wewe nayo. Yaongolola nu tuvuwa twako, yalunda penepo nu kukoma yakasema yako yonsi sile. Anene sile nasyala nenga. Nani kwene yakulonda kuti yankome.”

1 Yamwene 2:27

Acino Davidi afumya simapepo Abyata pa mulimo wa kutumikila wakwe simapepo wakwe Yawe, nga aleka icifikiliziwa cino Yawe wavwanzile uku Syilo icapali Eli na amu mupanda wakwe.

Neemiya 13:29

We Leza wane, wiusye antu yayo, apa kukowezya usimapepo wao nu kusausya upangano uno mwacisile na ina Levi.

Masamu 106:31

Pamulandu wakwe cico, ali cino akaamilwapo umulungame pee ku nkulo zyonsi.

Masamu 119:139

Umuzonda wane ukupya wa moto umu mwenzo wane, pano anisi yane yatiyilila amazwi yako.

Masamu 69:9

Pano umuzonda uno nakwata apa ng'anda yako umandya. Imisuula ino yakakusuula, yakailozya muli nene.

Kufuma 29:9

Nupya uyazwike ni cisote ca ucindami nga na tulibani Mu musango uu yaya yalaya ayasimapepo yane pakulondela ilamulo lyane lya manda pe. Mu musango uu ali muno umapaatwila Aaloni na ana yakwe aonsi.

Kufuma 32:30

Uwanda walondelela Mose anena antu ati, “Mwacisile iifyo iliipe cuze. Lelo ndakai namaswilila kuli Yawe ku mwamba, limwi ningamucitila ulutambi lwa kufuta amaifyo. Limwi angamwelela iifyo linu.”

Kufuma 40:15

Lyene uyapake amafuta wakwe vino wapasile isi wao kuti yaye yasimapepo akuntumikila. Kupakwa amafuta kuko kulalenga kuti yaye yasimapepo pa nkulo ni nkulo.”

Ezaya 61:6

Alino mwemo mulaamwa yasimapepo yakwe Yawe, mulaamwa yaomvi yakwe Leza witu. Mwemo mumailyokezyanga sile mwenga, apa vyuma vya mitundu yuze, ali muno mumaitakizyanga.

Yelemiya 33:18

Nupya insita ili yonsi, kulaya lyonsi yasimapepo aina Levi akwimilila apa mulola wane, nu kuntuula amawila yakoca yakwe wiyo umusuma, nga ni mituulo ya vilyo pamwi na mawila yauze asyala.”

Yelemiya 33:22

Ica cumi, nemo ndavuzya wakwe cimwi ana ya muomvi wane Davidi, na yasimapepo aina Levi akumbombela icakuti apakuyapenda, cikaye sile kwati nalimwi umuntu wino akwezya ukupenda intanda zya mwiyulu nanti umusensenga uwamu nkumba yakwe yemba.”

Aina Levi 15:15

Simapepo alinzile ukupeela icunyi conga ukuya uwila wa kwelela amaifyo. Lyene icunyi cuze ciye uwila wakoca. Vii, avili vino simapepo alinzile ukucita pa lutambi lwa kufuta amaifyo ya muntu wiyo pamulandu wakuti akufumya ufila ku wonsi wakwe.

Malaki 2:8

Lelo mwemo mwafutatila inzila yane. Usambilizyo winu waponzya antu avule. Mwavuna upangano wane uno nacita namwe.

Mpendwa 16:46

Lyene Mose anena Aaloni ati, “Tola icifutikilo cako, uwikepo makala ya moto, nga usumbile ubani umwi penepo, nga ucincile uye ku antu nu kuyacitila ulutambi lwa kufuta amaifyo yao. Cincila! Ukali wakwe Yawe nga ni mpungo, vyativitandika mpiti.”

Mpendwa 16:47

Acino Aaloni acita wakwe vino Mose wamunenile, asimula aya pakasi ki uvi. Mpungo yalanga yatitandika mpiti pakasi ka antu, lelo Aaloni aoca ubani nga acitila antu ulutambi lwa kufuta amaifyo yao.

Mpendwa 17:12

Aina Izlaeli nayo ali pakunena Mose yati, “Kalanda kasi kolo, lyene twafwa twasila!

Mpendwa 25:14

Izina lya mwina Izlaeli wiya wino yakomile pamwi nu mwanaci umwina Midyani, a Zimuli umwana wakwe Salu, uwali intunguluzi ya vikolwe vyamu ng'anda yakwe Simeoni.

Yoane 2:17

Alondezi yakwe iusya vino calembwa mu malembelo cati, “Kucincila kwane kwa pa ng'anda yako ukulandya.”

Ayebulai 2:17

Cii cikusenula ukuti calinzile ukuti wene akolane na ina yakwe muli vyonsi, kuti aye Simapepo Mukulu uwakutailwa nu wa mizu mu kutumikila Leza, na kuti maifyo ya antu yelelwe.

Ayebulai 7:11

Masunde yakwe Mose yano apilwe ku ina Izlaeli iimikwe pali usimapepo wa ina Levi. Kuomba kwakwe yasimapepo aina Levi ndi kwali ukufumaluke, ale lyene kutange kuye usimapepo uze uwamu mwata wakwe Mekisedeki usi uwamu mwata wakwe Aloni.

Yoswa 7:12

Icaleka aina Izlaeli yatiyayacimvya ku anisi yao. Yene yatiyasimula kantapepela, pamulandu wakuti aisikulu yatiyailetelela ukononeka. Acino nani namatala imufutuke, na pakuti nupya imupalamile, suka mwatala monona vino namulesizye ukutola.

1 Petulo 2:5

Wa mawe ya umi, lekini Leza amuomvye mu kukuula ng'anda ikulu yakwe. Mukwene amuno mulatumikila wakwe yasimapepo amuzilo mukupeela impolelwa zyamuzilo izingazumiliziwa kuli Leza muli Yesu Klistu.

1 Petulo 2:9

Lelo mwemwe mutundu usololwe, yasimapepo aku wene. Mwemwe luko lwamuzilo, nupya antu yakwe Leza yano asololwa kuti yalande vicitwa vyakwe Leza vyakuzunguka. Leza uwamwama kuti mufume mu mfinzi nga mwize mu luswepo lwakwe ulwakuzunguka.

1 Yoane 2:2

Klistu ali mpolelwa yapa maifyo itu, nga na maifyo ya antu yonsi amu nsi.

Umbwilo 1:6

nupya watucita kuya yakateeka na yasimapepo mu kutumikila Leza Isi wakwe. Lulumbi na maka vipelwe kuli Yesu Klistu manda pe! Ameni.

1 Samueli 2:30

Nene kwene ne Yawe, Leza wa ina Izlaeli nalavile ku mpiti ukuti ang'anda yako na aluko lwako yalizile kuntumikila wakwe yasimapepo amanda pe. Lelo ndakai inkuti citangaya vivyo! Indi nu kucindamika yao akancindika. Nu kusuula yao akansuula.