Mpendwa 24:9 - Amazwi Yakwe Leza 2013

⁹ Yene yakateyamila wakwe cisama wakalume nanti wakaci. Nga aweni angezya ukumuvulumula? Ali cino fwandi amakupolelelanga, apolelelwe nawe kwene, Na wensi amakutipwilanga, atipwilwe nawe kwene.”

Mpendwa 24:9 ပူးပေါင်းရင်းမြစ်များ

Utandiko 12:3

Ndapolelela yao alakupolelela. Lelo ndatipwila yao alakutipwila. Munuli ndapolelela inko zyonsi.”

Utandiko 27:29

Si mitundu ni nko zyonsi zyakutumikila, na antu yakufukamila. Si uye umwene pa anyonko, na ana yakwe nyoko aonsi yakakufukamila. Yano onsi alakutipa yakatipwe, na yano alakupolelela yakapolelelwe.”

Utandiko 49:9

Yuda akoline na cisama, wino akakoma inyama atwala ku ninga, Yuda akoline na cisama akalambalala pansi ainyunza. Wene akoline na cisama, nga kusi umwi angapama ukumuzyula.

1 Yamwene 10:20

Kwali kweneko ni vinkolanya ikumi na viili vyakwe cisama ala viimi pa masitepu yaya mutanda, conga uku lutwe lwakwe cila sitepu. Kutatazile kuzanwa icilimba camusango uu mu wene uze uli onsi.

2 Milandu 9:18

Cakweti na pakusamilizya amakasa konsi konsi. Nupya cakweti ni vintu vino yapanginkinye kweneko ivyakola yacisama. Vyayelile umu mbali mbali ya mupando, lwa mu mbazo ya cilimba. Lwa pankolelo pali cilimba ca ngazo, cino yengelile zaabu mutuputupu.

Esita 6:13

Atandika nu kunena umuci Zelesyi na yacuza yakwe yonsi, vyonsi ivyali vyamucitikila. Zelesyi umuci wakwe pamwi na yacuza yakwe yonsi amano iyamunena iyati, “Wemo watandika ukucimba kuli Modekai. Wene u Muyuda inkonko, nga wemo uli nu kumufilililwa sile. Wemo ale casila, wasenda iyatepa!”

Yobo 41:10

Ndi cakuti kusi umwi angaposya kuti acisonkomole, uzye lyene aweni angaposya ukulwisyanya nani ne Leza?

Masamu 122:6

Pepini kuti mu Yelusalemu muye umutende, mule muti, “Lekini antu yayo akutemwa we Yelusalemu yaye nu longo.

Masamu 2:12

Pano wene ndi wasoka angamulovya, pano icipyu cakwe cikaaka zuwa. Alongo ayayo akazina kunoli.

Kufuma 23:22

Lelo ndi muvwila wiyo kwene nu kucita vyonsi vino akumunena, lyene Nene kwene tulapatana na anisi inu, nupya wensi wino wapata mwemwe tulalozyanya nawe.

Ezaya 31:4

Yawe watanena ne Ezaya ati, “Vivi kwene vino cisama akang'anzila inyama, ino watalema, zino zikautuka icongo cakwe yakacema nanti yangamupundilila uli, ali vino nani kwene, ne Yawe Wamaka yonsi cilaya. Kusi nanti acimwi cilangofya apakutuula umwamba Zioni.

Mika 5:8

Antu yakwe Yakobo asyala yonsi yalalulumba umu antu amu nko zyuze, pakasi ka antu aingi, wakwe cisama wino akulunga cakuti angalya. Yalaya wa mwana wakwe cisama, pakasi ka ufyo wa mfwele, wino ndi wazingilila, azivwantukila nu kuzilepola. Nga lelo kusi umwi wakuzipususya.

Mpendwa 22:12

Lelo Leza anena Balamu ati, “Utezya ukuya nayo kweneko, nupya utezya ukuyatipwila pano yene antu yamwi apolelelwe.”

Mpendwa 22:6

Yene yakweti amaka kutuluta. Si ndanga fwandi wize uyatipwile. Limwi lyene tungaya na maka akuyacimvya, tuyazinge muno mpanga, pasi pano namanya ukuti wino wala umila ulutembo lwa kumuzipila ala cimaomba na wino watipwila, mpaka akawe nalyo.”

Mpendwa 23:24

Ala umutundu uu wala wakatuka wakwe cisama wa kaci. Wene akaposiwa nu kulala mpaka sile atale alye cino watalema, Nu kupwila uwazi wakwe vino alemile.”

Mpendwa 24:10

Awe lyene Balaki asi pakusokela Balamu. Atandika nu kufundika amakofi, nga anena Balamu ati, “Nakwamile ku kwiza tipwila anisi yane, lelo wemo wiza yapolelela, nupya amaila yatatu.

Mateo 25:40

Alino Mwene alaasuka ati, ‘Cumi namunena, vino consi cino mwacitile wenga munono uwamu ina yane, vivyo kwene mwacitile nene!’

Mateo 25:45

Mwene alaasuka ati, ‘Cumi namunena, vino consi cino mwakanyile kucitila wenga munono uwamu antu yane, vivyo kwene mwakanyile kucitila nene.’

Milimo 9:5

Nawe auzya ati, “Uzye wewe weni Mwene?” Ni izwi lyuvwika liti, “Anene Yesu, wino ukuzunya.

Malango 30:7

Yawe Leza winu alaponyezya intipu zii zyonsi pa anisi inu yano yamupata nupya yano yakamuzunya.