Mpendwa 24:8 - Amazwi Yakwe Leza 2013

⁸ Leza wayafumizye mu Eguputo, Yaya na maka ya mbo. Yakakandola utumitundu twa anisi yao, Nu kukontola utumafupa twao, ku vyanzo vyao.

Mpendwa 24:8 ပူးပေါင်းရင်းမြစ်များ

Masamu 2:9

Ulayavyengola ni ntuwa ya cela, nu kuyatamola wakwe vino yakatamola inyungu.’ ”

Masamu 21:12

Pano wemo ulayazinganya, umu kuyalasola inceto zyako mpaka yutuke.

Masamu 45:5

Inceto zyako pasi pakukalipa, zikatota izitulinkanya mu myenzo ya anisi yako, yakaiza yaponela pano wimilile.

Masamu 45:6

Icilimba ca wene cino Leza wakupela, icakuyelelela amanda yonsi! Uwene wako, wene ukauteeka umu kulungika.

Kufuma 23:22

Lelo ndi muvwila wiyo kwene nu kucita vyonsi vino akumunena, lyene Nene kwene tulapatana na anisi inu, nupya wensi wino wapata mwemwe tulalozyanya nawe.

Ezaya 38:13

Napunzile uwaca nu wiila, ala lilyo nkufuteeka sile, wakwe cisama akupwazola amafupa. Natangi sile, apakuti ule uce ale Leza wamalilila.

Yelemiya 50:17

Aina Izlaeli yali wa mfwele zino zikulungwa kuli cisama. Apa kutandika cali umwene wa ina Asilya ali wino wayalile ivyala, alino piza palondelela Nebukadineza umwene waku Babiloni, nawe wizile akokota amafupa.

Yelemiya 50:9

Pano nemo ndaleta ivita vya mitundu ikalamba ivilalwisya Babiloni. Vilafuma ku ntunga ya kukayeya. Vilatantama nu kumulwisya ukufuma ku kayeya vilamupokolola. Inceto zyao zyaya wa vita ivicenjelesye, vino visiwela minwe.

Danieli 6:24

Lyene umwene apeela ilamulo kuti yaleme antu yalya yonsi apile Danieli umulandu, nga aleka yayasumbila mu ninga yakwe yacisama, kumwi na aci yao na ana yao kwene. Lino yatatala yapona pansi umu ninga, yacisama yayanka nu kuyakokota amafupa yao yonsi.

Mpendwa 14:9

Acino mutatalamila Yawe nupya mutoopa antu amu mpanga ilya, pano tulayacinzola sile. Tuleza twao twatitufuntuka kunoyali. Lelo swemo Yawe ali naswe. Caleka mutayoopa foo.”

Mpendwa 21:5

Alino lyene iyatandika ukuilizyanya kuli Yawe na kuli Mose, yati, “Uzye pacani cino watufumizye mu Eguputo nu kutuleta muno mu lwanga umwakuti tufwe? Musi ivyakulya! Musi amanzi! Ivyakulya vii ivyaulanda vyativifuula!”

Mpendwa 23:22

Leza uwayafumizye mu Eguputo. Wene akayalwisizya wa mbo.

Mpendwa 23:24

Ala umutundu uu wala wakatuka wakwe cisama wa kaci. Wene akaposiwa nu kulala mpaka sile atale alye cino watalema, Nu kupwila uwazi wakwe vino alemile.”

Mateo 2:15

Aikala kweneko kufika lino Helodi wafwa, kuti cifikiliziwe cino Mwene wavwanzile kupitila muli kasema ati, “Namile mwanane umonsi kufuma ku Eguputo.”

Malango 32:23

“‘Ndatulika impungo pano yali izisi na mpela nu kuyalasa ni nceto zyane zyonsi.

Malango 32:42

Inceto zyane zilatona sile uwazi wao, nu lupanga lwane lulakomola yao akukanya vino nkulonda. Intalasya penepo nanti umwi pali yao alankatukila. Na yao kwene alasyala impondo kumwi na anyepwe, yalafwa yonsi pyu.’

Malango 7:1

“Yawe Leza winu alamutwala mu mpanga ino mulapoka nu kwikala mwenemo, nga wene alazinga mwenemo inko zivule. Lino mukuya pa nkolelo, wene alazinga mwenemo inko cinimbali izikulu nupya izya maka ukuluta mwemwe. Inko zii izya ina Hiti, na ina Giligasi, na ina Amoli, na ina Kenani, na ina Pelizi na ina Hivi, nga na ina Yebusi.

Yoswa 2:10

Tuuvwa vino Yawe wakamizye Yemba Muyenzu pakuti mulambe pa kufuma mu Eguputo. Tuuvwa na vino mwacisile kuli Siooni na Ogi, yamwene yalya yaili ya ina Amoli lwaku ufumondaka wakwe Yodani, yano mwakomile.