Mpendwa 24:17 - Amazwi Yakwe Leza 2013

¹⁷ Inkumulola, nga lelo asi pa nsita ikwene. Nkumulolekesya, nga lelo asi apipi. Umwene, akoline wa lutanda, alafuma mu luko lulu. Intuwa ya wene yakatuka yafuma mwakwe Izlaeli. Wene wapola Moabu mu nzekete yi kutwi Na ana yakwe Seti yonsi aonsi ku lupanga.

Mpendwa 24:17 ပူးပေါင်းရင်းမြစ်များ

Utandiko 49:10

Intuwa ya wene ilikala mu makasa yakwe Yuda amanda pe, nga na amu mupanda wakwe yalateeka amanda pe. Inko zilaleta vya mawila kunoli. Nga yalamuvwila nu kumufukamila.

2 Samueli 8:14

Wene akuula insakwe zya nkondo umu mpanga yonsi ya Edomu nu kulasika asilika akwikala mwenemo kuti yamuteekela impanga iyo. Nga atandika ukuteeka antu ya kweneko. Yawe alenga kuti Davidi acimvye konsi konsi.

2 Samueli 8:2

Lyene acimvya na ina Moabu. Anena anyepwe kuti yalambalale pansi nga akoma yaili muli cila umba lya asilika yatatu. Acino aina Moabu iyateekwa na aliwe nga iyamupeela ni misonko.

2 Yamwene 3:5

Lelo pacisila lino Aabu wafwa, umwene waku Moabu asangukila umwene waku Izlaeli.

1 Milandu 18:2

Davidi acimvya na ina Moabu kwene, nga yamutumikila nu kusonka imisonko kunoli.

Masamu 110:2

Yawe alasandulula amaka yako a wene, ukufuma ku Zioni. Wene akuti, “Yaa umwene wakuteeka anisi yako!”

Masamu 45:6

Icilimba ca wene cino Leza wakupela, icakuyelelela amanda yonsi! Uwene wako, wene ukauteeka umu kulungika.

Ezaya 15:1

Amazwi asowilwe pamulandu na Moabu. Lino yacimvizye umusumba wa Ali nu wa Kili mu mpanga ya Moabu, usiku wa wanda onga kwene, Moabu wensi wali cele.

Ezaya 9:7

Uwene wakwe ulandalila konsi konsi. Ulasyukila ulongo ulutalasila. Wene alikala apa cifulo ca wene wakwe Davidi nga nu kuteeka uwene wakwe. Wene alausimpa nu kuukomya umu ulungami nu mu ololoke. Ukutandikila sile pali ndakai ukufika na pano insi ilasilila. Ee, cumicumi, avino Yawe Wamaka yonsi alafikilizya cico.

Yelemiya 48:1

Pamulandu wa ina Moabu Yawe Wamaka yonsi, Leza wa ina Izlaeli, walanda wati, “Kalanda ku musumba wa Nebo, wasanguka ulwanga. Kilyataimu yalamupupanya nu kumupoka. Ilinga lyauko lyamaka yalalipupanya nu kulitamola.

Yelemiya 48:45

Imbutusi azizyo zimilila mu cisao ca Hesyiboni nupya zyatizitonta, pano umoto watiufuma mu Hesyiboni, icimbilimbili caticifuma pakasi kakwe Siooni. Umoto watioca amausyu ya ina Moabu, nu tupanga twakwe yakawawata ya lwete.

Zakaliya 10:4

Pa antu yane kwene yayo apalafuma wenga alaya wi we lya pitungi, nupya muli aliwe umulafuma ulupopo lwakulema itaalu, umulafuma ulapwa wa kulwila inkondo, nupya umulafuma intunguluzi zyonsi.

Zakaliya 12:10

“Ana yakwe Davidi na ina Yelusalemu nemo ndayapeelesya amano akukwatisya uluse, na mano akumpepesya wakwe cimwi. Yalatamba umwi wino yatulinkinye icanzo, yalamulosya vivi kwene ndi vino yakalosya umwana umonsi uwavyalwa wenga mpo. Yalamulosya kwati antu afwililwe umwana wao umonsi uwi yeli.

Mpendwa 21:29

Owe! Kalanda kunomuli mwe ina Moabu! Mwe muno mukapepa Kemosyi mononeka! Leza winu uwaleka antu inu yaye imbutusi, na anaci nayo yayasenda uzya kuli Siooni umwene wa ina Amoli.

Mpendwa 24:16

Usemo kuli wiyo akauvwa amazwi yakwe Leza Wino akweti ukumanya ku kafuma kuli wiyo Uwapapela pela. Akalola cino Leza Wamaka yonsi wamulanga. Wino akakunkula, nga na manso yakwe yayulika.

Luka 1:78

Leza witu wakwatisya mizu. Alatutumila luswepo kufuma kwiyulu ululaengesa panotuli wa micalalazi yi lanzi katondo

Ayebulai 1:8

Alino pa Mwana wakwe Leza wavwanzile ati, “We Leza, cilimba ca wene wako cilikalilila manda pe! Ulungami ili ntuwa ya wene wako.

Ayebulai 7:14

Camanyikwa ningo ndi vino wene wavilwe mu mutundu wakwe Yuda. Lelo Mose atalanzile mutundu uu lino wavwanzile ivya pali yasimapepo.

2 Petulo 1:19

Acino twasininkizya cuze ukuti ilandwe lino yakasema yakosozile lyene ilya cumi. Ndi mwasumba mano kunolili ale mwacita ningo, pano lyene likoline wi lampi lino likwaka nu kuyengesa mu cifulo cimwi mu mfinzi. Mulinzile kutwalilila kwikako mano kufika lino kwaca nga na lino namukokola watunka mu myenzo inu.

Yuda 1:11

Kalanda kunoyali! Pano yene yalondela musango wakwe Kaini. Mulandu wakutemwisya impiya, yene yaisumba aisikulu mu usomvi wakwe Balamu. Yene yakatukila Leza ndi vino Kola wacisile. Acino yalononwa.

Umbwilo 1:7

Lolini, wene akwiza mu makumbi! Antu yonsi yalamulola, pamwi na yao kwene amutosile mu mbazo. Antu yonsi pano nsi yalalosya pamulandu na aliwe. Vii avino cilaya.

Umbwilo 11:15

Nupya mungeli uwalenga cinimbali alizya ntandala yakwe, ngu mwiyulu muvwika mazwi akulu yati, “Ndakai akweti amaka akuteeka insi u Mwene witu na Katuula, nupya wene alateeka manda pe!”

Umbwilo 22:16

“Ne Yesu natuma mungeli wane kuti alanda vintu vii kunomuli mu mauvi. Nene uwamu mupanda wakwe Davidi. Nene namukokolo.”

1 Samueli 14:38

Icaleka Saulo anena yamusika ya vita ati, “Izini kuno kuti tulondelezye iifyo lino lyacitwa ilelo.