Mpendwa 23:19 - Amazwi Yakwe Leza 2013

¹⁹ Leza asi umuntu uwakuti angatumpoka Nanti umwana wakwe Adamu uwakuti afutuke muli cino watataka. Wene akavwanga nu kufikilizya cino watavwanga.

Mpendwa 23:19 ပူးပေါင်းရင်းမြစ်များ

Utandiko 26:3

Tala ikala kuno kwene, nga namakupolelela nupya namaya nawe. Ndapeela impanga ii yonsi kunuli nu ku amu mupanda wako. Ndafikilizya ulayo uno nacisile kuli so Abulaamu.

Utandiko 28:15

Ndakucingilila konsi kuno ulaya, nupya ndakuwezya ku mpanga kwene ii. Intalakusya mpaka nkafikilizye vyonsi vino nakulaya.”

1 Yamwene 14:11

Wensi uwamu mupanda wakwe Yeloboamu wino alafwila mu musumba, yasimbwa yalamulya. Wensi wino alafwila mu mutengo, amakozi yalamulya. Natimvwanga, ne Yawe.’”

2 Yamwene 15:12

Fwandi ali vino ulayo wakwe Yawe wafikiliziwe, uno wanenyile umwene Yeu ati, “Amu mupanda wako, ukwizafika uku mukulo uwalenga cini, ali yano yalalasikwa pa vilimba vya wene umu Izlaeli.”

2 Yamwene 7:2

Lyene inkombe iyasukilile umwene inena kasema wilya iti, “Cico citange citale cicitike nanti panono, nanti sile Yawe umwisikulu angatuponyezya imvula.” Lelo Elisya aasuka ati, “Wemo ulailolela na manso yako kuno icintu cii cikucitika, lelo utalalya nanti kamwi apa cakulya cico!”

1 Milandu 17:17

Nandakai ucili ukongezya navyuze pali vivyo. We Yawe Leza, walaya ivintu ku amu mupanda wane, nupya ukandola kwati nene muntu umwi umucindamisye.

Masamu 110:4

Umwene walafile umulapo, nu kufutuka atange afutuke foo! Watiile, “Wewe simapepo wakuyelelela mu lutambi lwakwe Mekisedeki.”

Masamu 132:11

Awewe walavile nu mulapo kuli Davidi, ulayo uno utalafutuka uti, “Ndalasika wenga uwamu ana yako aonsi apa cilimba cako ica wene.

Masamu 77:9

Uzye lyene Leza wata ukukwata uluse? Uzye icipyu cakwe kwene icikaleka atakwata uluse vwile?”

Masamu 89:34

Nemo ntalatala nonone upangano wane nawe, nanti ukusenuka muli vino ndavwanga.

Masamu 89:35

Nemo nala nalaya umwi zina lyane lyamuzilo, ntalatumpoka Davidi foo.

Ezaya 21:17

Alino api umba lya antu yano yacenjelesya, yafundi ya vita mu Kedali palasyala sile ampendwa. Anene ne Yawe, Leza wa ina Izlaeli nalanda.”

Ezaya 31:2

Lelo Yawe uwamano nupya wamanya ivyakucita! Wene akaleta uzanzo kunoyali. Nupya ndi cakuti wapanga ukupezya aipe, ukwikapo na yaya kwene kuno yakasimwilila, ala avivyo kwene.

Ezaya 40:8

Isote likauma, na maluwa yakafoota, lelo amazwi yakwe Leza witu yakaikalilila amanda pe.”

Ezaya 46:11

Ale mwalola asi papo natinaama umuntu umwi ukufuma ku ufumondaka. Wene amaiza watavuuka wakwe lyang'anda apa kwika. Umuntu wiyo uwa kutali ali wino amaiza acita vino nemo napanga ukucita. Anene navwangilapo nu kucitika ali vino vimaiza vyacitika.

Ezaya 55:11

ali vino ni zwi lyane nalyo lisiweluluka kunondi, suka lyatala lyacita vino nkulonda, lyamalila nu mulimo uno nalitumile.

Yelemiya 4:28

Calenga ukuti impanga ilalila iyoyomba, nu kwiyulu kulafita fititi, pamulandu wakuti ne Yawe natimvwanga, nupya natimpanga ukucita cico kwaula kufutuka.”

Danieli 4:28

Vii vyonsi vyacitikile umwene Nebukadineza.

Oseya 11:9

Ntalakuvunuka mu ukali wane, ntalakonona we Efulemu, pano nene indi Leza, insi muntu awe. Nene, Wamuzilo wilya, indi namwe. Nupya ntalawela kunomuli ku kwiza monona.

Mika 7:20

Ulalanga uluse ku amu mupanda wakwe Yakobo, nu kutemwa kwako kwa muntaputuka ku amu mupanda wakwe Abulaamu, ndi muno walaile ivikolwe vitu uku mpiti.

Habakuku 2:3

Uumbwilo uu uli nu kufikiliziwa apa nsita yakweo ilingine, ino ili nu kufika ukwaula kuzimba. Nupya ulacitika ukwaula kutwisika. Lelo ndi mwalola ukuti wene wazimba, nemo nkuti muulolele mutazukuwa. Wene ulafikiliziwa ukwaula kucelwa nanti ukulezyalezya.

Malaki 3:6

“Nene indi Yawe, nupya nsisenuka awe. Acino mwe amu mupanda wakwe Yakobo mutaloviwa.

Mpendwa 14:35

Nalapa ukuti indi nu kucita cii kunomuli mwe antu yaukakasi, mwe muno mwakongine pa kumpangila. Mukwene mu lwanga amuno mulafwila mwensi pyu. Ne Yawe natimvwanga.’ ”

Mpendwa 23:18

Alino Balamu atandika kusema wakwe vii: “Katuka, Balaki we mwana wakwe Zipoli, Nga uuvwe vino namavwanga.

Luka 21:33

Iyulu ni nsi vitalikalilila manda pe, lelo mazwi yane yene yalikalilila manda pe.

Loma 11:29

Pano Leza asyasenuka pali wino wasolola nu kupolelela.

Loma 9:6

Nemo ntakulanda ukuti, Leza waposiwa kufikilizya ulayo wakwe, pano asi onsi amu mutundu wa ina Izlaeli ali antu yakwe Leza mucumi.

2 Timoti 2:13

Ndi tusi akutailwa, wene amatwalilila kuya uwakutailwa pano wene atangaisomba.”

Tito 1:2

Utailo uwo nga nu kumanya vikafuma mu upaalilo witu uwa kuya nu umi wape. Leza wino asitumpoka uwatulaya umi kwene uu, kufuma lino kutandika kwa nsita kutali kuyeko.

Ayebulai 6:18

Lyene vintu vii viili, ulayo nu mulapo, vitangasenulwa nupya Leza pa kuviomvya atange atumpoke. Caleka swe muno twacingililwa na aliwe tukakomeleziwa cuze nu kulemasya na maka ku upaalilo uno uli nkolelo itu.

Ayebulai 7:21

Lelo Yesu lino wingile usimapepo kwali mulapo, lino Leza wamunenyile ati, “Mwene walaya nu mulapo, nupya atanga lapuluka, ‘Wewe simapepo wa manda pe.’”

Yakobo 1:17

Wila usuma onsi ni cakupeelwa cifumaluke consi cikafuma kwiyulu, kuli Tata, kaumba wino uwaumvile ivya mwiyulu vyonsi vino vikapeela luswepo. Wene ali umwi lyonsi, nupya luswepo lwakwe lusyazima nanti panono.

Yakobo 4:5

Mutatwisika cumi icaya mu malembelo yano yakati, “Leza akasakamala pamulandu wa mupasi uno wika munotuli.”

Yoswa 21:45

Kutali nanti ulayo onga pa malayo asuma yano Yawe walavile aina Izlaeli uno utafikiliziwe. Amalayo yonsi kwene yafikiliziwe.

1 Samueli 15:29

Pasipano Leza uwacindamika aina Izlaeli asitumpoka nupya asi uwa mansenunsenu. Pano wene asi umuntu, awe.”

1 Samueli 3:12

Mu wanda kwene uwo ndafikilizya vyonsi vino navwanzile ukuti ndacita kuli Eli nu ku ang'anda yakwe.