Mpendwa 22:7 - Amazwi Yakwe Leza 2013

⁷ Ali vino intunguluzi zyaku Moabu ni zyaku Midyani izikatuka nu kusenda icisapula ntangala. Lyene iyaya yazana Balamu, nga iyamunena na mazwi yakwe Balaki.

Mpendwa 22:7 ပူးပေါင်းရင်းမြစ်များ

Ezaya 1:23

Intunguluzi zyako zyatizitalama, iziya a yacuza ya ivi. Lyene yakazumilizya utwawila na mafukakanwa. Yatangeyezye lyene ukuvwangila ana yasyale mu cilye nanti ukuvwa ku ntazi zyakwe yamukamfwilwa.

Ezaya 56:11

Intunguluzi zizyo zyaya wakwe yasimbwa, yakalya mukululu. Intunguluzi zimwi imbulwamano. Zyonsi sile yonga yonga zikacitila ivintu muno zitemilwe. Zikalondelela sile ulonsi.

Ezekelo 13:19

Mukanzewanya apa manso ya antu yane, apakuti mulole utungano twakwe baale tumwi utwa pikufi, nga nu tumokolwa twa mukate. Pasi pano mukakoma antu atalinzile nu kufwa, nu kupususya atalinzile nu kwikala muno nsi. Mukasomba antu yane yano yatemwa ukuuvwa vyaufi.’”

Ezekelo 21:21

Pano umwene waku Babiloni wataimilila pa masansa ya nzila ziili, akupendola pakuzulunzya inceto, akuuzya nu tuluwi twakwe nu kuceceta itima lya nyama ino yafyulile utuluwi.

Mika 3:11

Yakapingula yakweo yakapoka amafukakanwa apakupingula. Yasimapepo yakweo yasisambilizya ukwaula kulifya cimwi. Yakasema yakweo yakasema kuti yalipilwe. Nupya yene yakalanda ukuti Yawe ali na alio. Yakavwanga yati, ‘Kusi cimwi ciipe icingatuponela, awe, pano Yawe ali naswe.’ ”

Mpendwa 22:8

Balamu nawe ayanena ati, “Lalini kukwene. Nga mutondo ndamwasuka vino Yawe amandandila.” Acino intunguluzi zya ina Moabu zyalinzile kwakwe Balamu.

Mpendwa 23:23

Pano pataya insapolo, nanti ulozi, uno ungaleta mupamba pa luko lwa Izlaeli. Lyene antu yalalanda pali Izlaeli yati, ‘Si lolini vino Leza watacita!’

Mpendwa 24:1

Balamu alola ukuti Yawe akulonda ukupolelela aina Izlaeli. Ali cino lyene iila lii, citamupamvizye kuti alondelezye vino cingaya, wakwe vino wacisile inkolelo. Lelo wene alolekesya sile amanso yakwe mu lwanga.

Loma 16:18

Pano yao akacita vii yasyatumikila Klistu Mwene witu, lelo yakatumikila vilondwa vyao. Kupitila mu mazwi yao akusyenteka nga ni mvwango zyao zya kutasya mwi syente, yene yakasomba antu akaele yano atakuma ku vintu vii.

Tito 1:11

Cili icalondekwa kulesya mvwango yao, pano yene yakuvulunganya amu ng'anda zyonsi apa kusambilizya vintu vino yatalinzile kusambilizya. Yene yakucita vya nsonyi pamulandu wa kulonda impiya.

Yoswa 13:22

Pali yao yano aina Izlaeli yakomile pali na Balamu umwana wakwe Beoli, wino wasapolanga.

2 Petulo 2:15

Yasya inzila ya wololoke, nupya yaponga pa kulondela musango wakwe Balamu mwana wakwe Beoli. Balamu watemilwe impiya pa kuluvyanya kwakwe.

Yuda 1:11

Kalanda kunoyali! Pano yene yalondela musango wakwe Kaini. Mulandu wakutemwisya impiya, yene yaisumba aisikulu mu usomvi wakwe Balamu. Yene yakatukila Leza ndi vino Kola wacisile. Acino yalononwa.