Mpendwa 22:36 - Amazwi Yakwe Leza 2013

³⁶ Lino Balaki uvwa ukuti Balamu akwiza, akatuka aya ku kumukomenkanya ku Ali, umusumba ukulu uwaku nkumba ya Luzi lwa Alinoni mu mupaka waku Moabu.

Mpendwa 22:36 ပူးပေါင်းရင်းမြစ်များ

Utandiko 14:17

Lino Abulamu akuwela ku kucimvya umwene Kedolaomeli na yamwene yano ali nawe, umwene uwamu Sodoma waile ukuya mukomanya mu cifoloma ca Syave (kuli kuti cifoloma ca mwene).

Utandiko 18:2

Lino wasanzula amanso alola aonsi yatatu yaimi katalamukila lilyo kwene asimula ku kuyazengela, afika afukama pansi afupime,

Utandiko 46:29

Yosefu anena aomvi yakwe kuti yateyanye celeta nga aya ku kuzengela isi ku Gosyeni. Lino Yosefu walola isi asimwilila kunoli amukumbatila nga alila pa nsita itali.

Kufuma 18:7

Caleka Mose akomenkanya sivyala, afukama pansi, nga amutonsola. Lyene yalamukana nu kuuzyanya mutende. Alino yaya yingila mwi taalu.

Ezaya 16:2

Lyene yalolele apa vituntu vya luzi lwa Alinoni, nu kupitana wa vyunyi vino iyasambulwila ivinsanzo.

Yelemiya 48:20

Insonyi zyatizilema Moabu, pano wene wataononeka. Pongomokini mulayeele! Laizini uku Alinoni muti, ‘Moabu wataononeka!’

Mpendwa 22:35

Lelo mungeli amunena ati, “Pitangini na antu yayo, lelo utakezye ukulanda akantu nanti kamwi, suka sile cino natinkunena ukulanda.” Acino Balamu apita ni nkombe zino Balaki watumile.

Mpendwa 22:37

Alino Balaki pali pakunena Balamu ati, “Uzye intakutumiile inkombe zya kwizakwama? Uzye pacani cino fwandi cino utizile kunondi? Uzye ukunena ndi vino intange nkucindike?”

Milimo 28:15

Aina amu Loma lino yuvwa ukuti tukwiza, iiza yafika nu kwi Sokoni lya Apio, nga nu ku Ng'anda zitatu zya enyi kwiza tukomanya. Lino Paulo wayalola, ataizya Leza nga akomeleka.

Malango 2:24

“Pacisila cakupita ukusalala mu mpanga ya Moabu, Yawe watunenyile ati, ‘Lyene tenukini nga mulambe Luzi lwa Alinoni. Namapeela mu makasa inu Siooni umwina Amoli, umwene waku Hesyiboni, kumwi ni mpanga yakwe. Yangini mukamuzanze mupoke impanga yakwe mwikale mwenemo.

Malango 3:8

“Acino pa nsita ilya twaposile impanga yakwe yamwene yaya yaili ya ina Amoli, ku lusansa lwaku ufumondaka wa Luzi lwa Yodani, ukutandikila sile ku Luzi lwa Alinoni mpaka ukufika nu ku Mwamba wa Helimoni.

Yakapingula 11:18

Lyene alino yakatwike nu kupita mu lwanga, iyapambata impanga ya ina Edomu ni ya ina Moabu, iyapita ku ufumondaka wa mpanga ya ina Moabu, nga iyakuula insakwe mu mbali ya Luzi lwa Alinoni. Yatingile mu mpanga ya ina Moabu, pano Luzi lwa Alinoni ali mumpaka na mpaka.

1 Samueli 13:10

Lyene lino wamalila sile ukupeela uwila wakoca, Samueli nawe afika, nga Saulo aya ku kumukomenkanya nu kumuzengela.