Mpendwa 22:1 - Amazwi Yakwe Leza 2013

¹ Aina Izlaeli nupya yatwalilila ukufuntuka iyaya yakuula insakwe mu manyika aku Moabu, ku ufumondaka wakwe Yodani, ulunga na Yeliko.

Mpendwa 22:1 ပူးပေါင်းရင်းမြစ်များ

Yelemiya 40:11

Na ina Yuda yonsi yano yali uku Moabu, mu ina Amoni, mu ina Edomu, nu mu mpanga zyuze, apakulola ukuti umwene waku Babiloni watasya antu yamwi yamwi umu Yuda, ayasontela nu mulasi Gedaliya, umwana wakwe Aiikamu, umwizikulu Syafani,

Mpendwa 21:20

nga iyafuma ku Bamoti iyaya ku cifoloma camu mpanga ya ina Moabu, ino yatembelela ku kansonsi ka Mwamba wa Pisiga, papo pano nu lwanga lukaloleka ukwisika.

Mpendwa 26:3

Mose na Eleaza ali pa kulanda kunoyali, ale yali mu manyika aku Moabu, mu pipi na Yodani ulunga na Yeliko, yayanena yati,

Mpendwa 31:12

iyavitwala kuli Mose na Eleaza simapepo alino nu kwi uvi lyonsi lya ina Izlaeli, yao akongine ku nsakwe yaku manyika aku Moabu, mu pipi na Yodani ulunga na Yeliko.

Mpendwa 32:19

Alino swemo tutalakwata impanga ku mbalama yuze ya Yodani, pamulandu wakuti twapelwa mpiti impanga muno mbalama lwaku ufumondaka wakwe Yodani.”

Mpendwa 34:15

Imitundu iyo yankanyiziwa mpiti impanga iyaya ku ufumondaka wa Luzi lwa Yodani, ulunga na Yeliko.”

Mpendwa 35:1

Yawe anena Mose, ala yali mu manyika aku Moabu, umupipi na Yodani, ulunga na Yeliko, ati,

Mpendwa 36:13

Fwandi yao ali masunde na malamulo yano Yawe wapeezile aina Izlaeli ukupitila mu mazwi yakwe Mose ku manyika aku Moabu, pipi nu Luzi lwa Yodani, ulunga na Yeliko.

Malango 1:5

Cali lino antu yali lwaku ufumondaka wa Luzi lwa Yodani mu muputule wa mpanga ya Moabu lino Mose watandike kuyalondolwela amasunde nga na masambilizyo yakwe Leza. Ayanena ati,

Malango 3:8

“Acino pa nsita ilya twaposile impanga yakwe yamwene yaya yaili ya ina Amoli, ku lusansa lwaku ufumondaka wa Luzi lwa Yodani, ukutandikila sile ku Luzi lwa Alinoni mpaka ukufika nu ku Mwamba wa Helimoni.

Malango 34:1

Mose afuma ku manyika aku Moabu aya akwela Mwamba wa Nebo, alemela ukufika papela ya Mwamba wa Pisiga lwaku ufumondaka wa musumba wa Yeliko. Kuku kwene akuno Yawe amulangilila impanga yonsi kutandikila impanga ya Gileadi ukufika sile na lwaku katutu ku musumba wa Dani.

Malango 34:8

Aina Izlaeli yamulosizye amanda amakumi yatatu mu manyika aku Moabu.

Yoswa 3:16

amanzi ukufuma ukupela ya luzi iyata ukupita. Amanzi iyatulumana kufika na papela ya cituntu kulingana intampulo izingi ukuwelela icisila, ukufika na lwaku musumba wa Adamu, pipi nu ku Zaletani. Pa nsita ili imwi kwene amanzi yano yakonkolokanga yakuya kuli Yemba wa Alaba (kuli kuti Yemba wa Musilya) iyata ukupita iyaputuka. Acino antu iyalambila ku mbalama yuze kulungatana nu musumba wa Yeliko.