Mpendwa 21:9 - Amazwi Yakwe Leza 2013

⁹ Acino Mose apanga inzoka ya mukuwa nga aikoweka na pa mulongoti. Lyene umuntu ali wensi ndi walumika ni nzoka, nga aiza alolekesya pa nzoka ya mukuwa, wene aya nu umi.

Mpendwa 21:9 ပူးပေါင်းရင်းမြစ်များ

2 Yamwene 18:4

Watamozile incende zyonsi izyakupepela mwenemo tuleza tuluwi. Watamozile na mawe yano yimikanga nu konona amaunkolanya yonsi yakwe kaleza kanaci ka Asyela. Alino watamile ni nzoka ya cela ino Mose wimikemo, pasi pano ukufika na pa nsita kwene ilya aina Izlaeli yatwalilile ukuyocela ubani. Inzoka kwene iyo apakuicindika yayamanga iyati Neusyitani, iyo ino ukufika na pa kasita kako aina Izlaeli yocelanga ubani.

Ezaya 45:22

“Welulukini kunondi mwe antu yonsi apano nsi, welulukini kunondi kuti mutuulwe. Pano nene indi Leza, nga kutaya namuze awe.

Zakaliya 12:10

“Ana yakwe Davidi na ina Yelusalemu nemo ndayapeelesya amano akukwatisya uluse, na mano akumpepesya wakwe cimwi. Yalatamba umwi wino yatulinkinye icanzo, yalamulosya vivi kwene ndi vino yakalosya umwana umonsi uwavyalwa wenga mpo. Yalamulosya kwati antu afwililwe umwana wao umonsi uwi yeli.

Yoane 1:29

Uwanda walondelela Yoane alola Yesu akwiza kunoli, ati, “Lolini, Mwana wa Mfwele wakwe Leza wino akafumya maifyo ya antu.

Yoane 12:32

Lelo lino nemo ndasamikwa ku cimuti, ndaongwela antu yonsi kunondi.” (

Yoane 6:40

Pano kulonda kwakwe Tata kwakuti wensi uwalola Mwana nu kumutaila, wene alaya nu umi wape, nga nani ndaleka azyukuke pa wanda wampelelekezyo.”

Loma 1:17

Pano Ilandwe Lisuma likasokolola vino Leza akapindulula umuntu kuti aye mololoke, apa kukwata utailo kufuma ku kutandika kufika nu ku mpelelekezyo. Ndi vino malembelo yataka, “Muntu wino Leza wacita ukuya mololoke pa utailo wakwe wene alaya nu umi.”

Loma 8:3

Leza wene watacita vino Masunde yakwe Mose yaposiwe kucita pamulandu wakuti miyele ya untunze yaya itonte. Wene wavunwike iifyo mu untu apa kutuma Mwana wakwe, uwizile mu musango wa untu wakwe sweswe swe yakaifya, pakuti aiize aipeele kuya impolelwa ya kukulula antu ku maifyo yao.

2 Kolinto 5:21

Klistu atatazile aifye! Lelo Leza wamucisile wakwe kaifya pamulandu witu, kuti muli Klistu tukume ku wololole wakwe Leza.

Ayebulai 12:2

Lekini twike manso pali Yesu, wino utailo witu wimililapo kufuma kukutandika kufika nu ku mpela. Wene atanenwike pamulandu wa mfwa ya pa lupanda! Wene atelenginye cimwi pa kuzewana kwa mfwa ya pa lupanda, pamulandu wa luzango luno lwali nkolelo. Ndakai atenzi kwi kasa lilunji lya cilimba cakwe Leza.

1 Yoane 3:8

Wino wensi akatwalilila kwifya wene uwakwe Ciwa. Pano Ciwa wifizye kufuma ku utandiko kwene. Mwana wakwe Leza walolike pamulandu kwene uu, kuti aonone vino Ciwa wacita.