Mpendwa 21:6 - Amazwi Yakwe Leza 2013

⁶ Lyene Yawe nawe atuma inzoka izya usungu uwipisye pakasi kao. Nazyo iziyalumola cakuti aina Izlaeli afwile yali aingi.

Mpendwa 21:6 ပူးပေါင်းရင်းမြစ်များ

Ezaya 14:29

Mwe ina Filisti mwensi mutazanga foo, pamulandu wakuti intuwa ino yamupolanga yatikontoka. Mumanye ukuti mu luko lwa nzoka, ndi yonga yafwa, mulatumbuka yuze ilusile iyo. Iyayi lya nzoka lingulola icizoka icikapapuka.

Ezaya 30:6

Amazwi asowilwe pamulandu ni nyama zyamu Negebu, aeya akuti, “Inkombe zikapitana umu mpanga umwavula ivilyanyi, muno mwaya yacisama, umwaya ivizoka iviipisye, nga alino ni vinjelengwe vyuze ivikapapuka. Inkombe zizyo zikasenda pali yapunda napa ngamila, ivintu ivya wila ivya mutengo ivya kutwalila umutundu wa antu uno ukaposiwa nu kuyazwilizya kweneko.”

Yelemiya 8:17

Yawe nawe ati, “Lolini namamutumila inzoka, yacipili yano mutange mulesye ku wanga uli onsi. Yene yalamulumola nu kupola mutalapola, awe. Ivyalanda ne Yawe.”

Ezekelo 14:15

Nanti ndi natumile ivilyanyi kuti vipitane mu mpanga ilya nu konona antu aikalamo, mpaka impanga iyo izulemo uzanzo cakuti kusi nanti wenga angapita kusalala mwenemo pamulandu wa vilyanyi vivyo,

1 Kolinto 10:9

Tutalinzile kwezya Mwene, ndi vino yamwi munoyali yacisile nga pacisila yalumika ni nzoka, yafwa.

Malango 8:15

Wene wamutungulwile mu lwanga lulu luwatuke muno mwali inzoka zya usungu na makalela ausungu. Wene wamupeezile amanzi ukufuma mwi we likome cuze mu mpanga ilya iyumalale nupya iyaula amanzi.