Mpendwa 21:34 - Amazwi Yakwe Leza 2013

³⁴ Yawe anena Mose ati, “Utamoopa, pano namakupeela ucimvyo pali aliwe, na pa antu yakwe onsi, nga na pa mpanga yakwe. Ucite kunoli wakwe vino wacisile kuli Siooni umwene wa ina Amoli, uwatesile mu Hesyiboni.”

Mpendwa 21:34 ပူးပေါင်းရင်းမြစ်များ

2 Samueli 5:19

Acino Davidi auzya Yawe ati, “Uzye ningaya nkalwisye aina Filisti? Uzye umapeela aina Filisti umu makasa yane?” Yawe aasuka ati, “Ee, yanga ukayalwisye, pano icumi kwene namayapeela umu makasa yako.”

1 Yamwene 20:13

Pa nsita kwene ilya kasema umwi aya kuli Aabu umwene waku Izlaeli nga alanda ati, “Yawe wavwanga wati, ‘Uzye walola iciliumba cii, icikulu ca vita? Ilelo kwene namacipela mu makasa yako, nga lyene ulamanya ukuti nene indi Yawe.’ ”

1 Yamwene 20:28

Lyene kasema wenga aya anena Aabu umwene waku Izlaeli ati, “Yawe wavwanga wati, ‘Pamulandu wakuti aina Asilya yakuti nene Leza uwamu myamba, lelo insi Leza uwamu manyika, ali cino namaleka kuti ucimvye iumba lya vita lilya nanti likule uli. Lyene alino ulamanya ukuti nene indi Yawe.’ ”

2 Yamwene 3:18

Elisya atwalilila ukulanda ati, “Icintu cii icanguke kuli Yawe ukucita, nupya ali nu kuleka kuti mukacimvye aina Moabu.

Ezaya 41:13

Apamulandu wakuti nene ne Leza winu namamukomyanga, ali cino fwandi nkumunena inti, “Mutaoopa, namamwazwanga.”

Mpendwa 14:9

Acino mutatalamila Yawe nupya mutoopa antu amu mpanga ilya, pano tulayacinzola sile. Tuleza twao twatitufuntuka kunoyali. Lelo swemo Yawe ali naswe. Caleka mutayoopa foo.”

Mpendwa 32:4

twalola ukuti isuma cuze ukucemelako iviteekwa.

Malango 2:30

“Lelo Siooni umwene waku Hesyiboni atatuzumilizye ukupita ukusalala mu mpanga yakwe. Yawe Leza winu walenzile umwenzo wakwe uumalale nu kutalama pakuti amupeele mu makasa itu kuti tumucimvye nu kupoka impanga yakwe, ino napilelo tucili tukwikala mwenemo.

Malango 20:3

‘Mwe ina Izlaeli, muvwikisye! Ilelo mwatimwaya ku nkondo. Mutezya ukoopa anisi inu nanti ukutovoka, nanti ukuleka ukuti amano inu yapelengane.

Malango 3:1

“Icalondelile penepo cakuti twalungime lyene ku katutu ulunga nu ku Basyani, nga Ogi umwene waku Basyani pamwi ni vita vyakwe vyonsi yiiza iyatulwisya pipi nu musumba wa Edilei.

Malango 3:11

(Ogi umwene waku Basyani uwasyalikizye kweneko pa ina Lefaimu. Imbokosi umwali icala cakwe yali iya mawe. Umu wipi yali amamita ukulingana yaili, nu mu utali namo yali amamita yani. Imbokosi iyo icilipo na pilelo mu musumba wa ina Amoni ku Laba.)

Malango 31:6

Posyini nupya muzyansye. Mutezya ukuyoopa nanti ukuzakaza, pano Yawe Leza winu amaya namwe. Wene atalatala amusye nanti ukumutazyela.”

Malango 7:17

“Mutakezye ukuvwanga ukuti antu yaa avule ku mpendwa ukutuluta nu kuti mutangayazinga mu mpanga ilya.

Malango 7:18

Mutakezye ukuyoopa. Mwiusye vino Yawe wacisile kuli Falao nu ku antu yakwe yonsi.

Malango 7:21

Acino mutaca mwaoopa antu yaa. Yawe Leza winu ali namwe. Wene a Leza wa maka wino antu yalinzile ukoopa.

Malango 7:24

Wene alika yamwene yao mu makasa inu. Namwe mulayakoma, nga antu yalayilila. Kusi umwi alamulesyanya ukucita cico. Mwemo mulonona yonsi pyu.

Yoswa 10:25

Alino Yoswa anena yamusika yalya ati, “Mutuvwa intete nanti ukutonsiwa. Posyini nupya muzyansye. Pano avili vino Yawe alacitila anisi inu yonsi yano mulalwisya.”

Yoswa 10:8

Yawe anena Yoswa ati, “Utayoopa awe, pasi pano natinjapeela mu makasa yako. Kusi umwi munoyali amakuposya.”

Yoswa 8:7

namwe mulinzile ukufisamuka muno mufisime nu kwizapoka umusumba wao. Yawe Leza winu alaupeela mu makasa inu.

Yakapingula 11:30

Nupya Yefuta alapa nu mulapo kuli Yawe ati, “Ndi wapeela aina Amoni mu makasa yane,

1 Samueli 23:4

Acino Davidi nupya auzya Yawe nga Yawe amwaasuka ati, “Pitanga ku Keila pamulandu wakuti namakupeela ucimvyo pa ina Filisti.”