Mpendwa 21:26 - Amazwi Yakwe Leza 2013

²⁶ Umusumba wa Hesyiboni wali umusumba ukalamba wakwe Siooni umwene wa ina Amoli. Siooni wali umwene uwaile azanza umwene wankolelo wa ina Moabu nu kupoka impanga yakwe yonsi ukufika sile nu ku Luzi lwa Alinoni.

Mpendwa 21:26 ပူးပေါင်းရင်းမြစ်များ

Lwimbo lwakwe Solomoni 7:4

Insingo yako yapololoka wa lupungu ulwakuulilwa ni lino lya nzomvu. Amanso yako yali ungati iviziya vyamu musumba wa Esyiboni, visi vino vyaya mupipi ni mpongolo yakwe Bati Labimu. Impuno yako ikuloleka wa lupungu lwaku Lebanoni luno lwalungatana na Damasiko.

Lwimbo lwakwe Solomoni 7:5

Umutwe wako wasanzama wa Mwamba wa Kalimeli. Inyele zyako iziluke, zikoline nu usavu uyenzulukile, nu usuma wa nyele zyako ungateeka umwene uzya.

Yelemiya 48:2

Moabu yatalamulumbanya nupya. Umu Hesyiboni ali muno yakupangila ukuwisya umusumba wa Moabu. Yakuti, ‘Izini kuno, lekini tulovye uluko lulu.’ Namwe kwene, mwemuno mwikala mu Madimeni, yalamulenga ukuya cele. Ivita vilamuzinganya ku lupanga.

Yelemiya 48:20

Insonyi zyatizilema Moabu, pano wene wataononeka. Pongomokini mulayeele! Laizini uku Alinoni muti, ‘Moabu wataononeka!’

Yelemiya 48:45

Imbutusi azizyo zimilila mu cisao ca Hesyiboni nupya zyatizitonta, pano umoto watiufuma mu Hesyiboni, icimbilimbili caticifuma pakasi kakwe Siooni. Umoto watioca amausyu ya ina Moabu, nu tupanga twakwe yakawawata ya lwete.

Mpendwa 21:25

Acino aina Izlaeli iyapoka imisumba iya yonsi ikalamba ya ina Amoli, ukwikapo nu musumba ukalamba uwa Hesyiboni kumwi ni misumba inono izingulwike, nga yikala mwenemo.

Mpendwa 21:27

Ali cino yakiimba ya numbo yakaimbila yati, “Ndangini ku Hesyiboni, ku musumba ukulu wa mwene Siooni! Lekini umusumba wakwe Siooni ukuulwe cipya cipya.

Malango 1:4

Cii cali pacisila lino wene watacimvya Siooni umwene wa ina Amoli, wino wateesile mu musumba wa Hesyiboni, nga na Ogi umwene waku Basyani, wino wateesile mu misumba ya Asyitaloti na Edilei.

Yoswa 13:16

Yapilwe impanga ukutandikila ku Aloeli pa mbali ya Cifoloma ca Alinoni, kumwi nu musumba uwaya mu cifoloma, ni mpanga yonsi itumpuke nupya itambalale ukufika nu ku Medeba.

Yoswa 13:17

Nu ku ncende iya Hesyiboni ni misumba yonsi yakweyo iyaya pa tumpuke nupya apatambalale wakwe ii: Diboni, Bamoti Baali, Beti Baali Meoni,

Yoswa 13:25

Impanga ino wayapeezile aei, Yazeli, imisumba yonsi yaku Gileadi nga na citika wa mpanga ya ina Amoni ukufika nu ku Aloeli, lwaku ufumondaka wa Laba.

Yoswa 21:39

Hesyiboni nga nu wa Yazeli, kumwi ni mpanga yakweyo yamulemvwe iyakucemela mwenemo. Yonsi pamwi yali imisumba ini.

Yakapingula 11:26

Pa myaka imyanda amakumi yatatu aina Izlaeli yatenzi mu Hesyiboni, nu mu Aloeli ni mizi yakweo, nga nu mu misumba yonsi pipi nu ku Alinoni. Uzye lyene pacani cino mutaposile incende zizi lilya kwene?