Mpendwa 21:16 - Amazwi Yakwe Leza 2013

¹⁶ Lino yafuma kuku iyaya yafika nu ku Beeli, ku cifulo cino Yawe wanenile penepo Mose ati, “Kakonganike antu pamwi, nga nani namayapeela amanzi.”

Mpendwa 21:16 ပူးပေါင်းရင်းမြစ်များ

Utandiko 21:19

Lyene Leza amuyula amanso, nga Haga alola icifula ca manzi. Caleka apita nga aya azuzya lufinga, nga aiza amwesya umwana.

Kufuma 17:6

Ulanzana njimi pa ciliwe pa Mwamba wa Holebu. Ukuume intuwa pa ciliwe, alino amanzi yalafuma mu ciliwe kuti antu yamwe.” Mose acita wakwe vino Yawe wamunenyile, pa manso ya ntunguluzi zya ina Izlaeli.

Ezaya 12:3

Ndi vino amanzi azuke yakaleta insansa kuli wino ali nu lusala, ali vino antu yakwe Leza yakazanga nga wene wayatuula.

Ezaya 15:8

Impoma yatilimba impanga yonsi yaku Moabu, zikuvwika ukufika nu ku Egilamu na Beele Elimu kwene.

Ezaya 43:20

Ni nyama zya mpanga nazyo kwene zimantaizyanga. Yankusa yamancindikanga kumwi ni mbuni, apamulandu wakuti namaleta amanzi umu lwanga ni nguzi mu mpanga iyumalale, kuti mpeele amanzi ku antu yane asololwe.

Ezaya 49:10

Yatalatala yuvwe inzala nanti ulusala nupya, nanti ukucula nupya ku cipuki na kasanya. Pano wiyo wino akayatezela alayatungulula ku tufukoka twa manzi.

Mpendwa 20:8

“Tola intuwa yako ino ili ku nkolelo ya Mbokosi ya Upangano, nga lyene wewe na Aaloni mukonganike iuvi lyonsi. Alino pa manso yao munene iciliwe cii cizwe amanzi yano cakwata nga na manzi yamapongoloka ukufuma munocili, akuti umwesye iuvi lyonsi ni viteekwa vyao.”

Mpendwa 33:46

Iyasya Diboni Gadi iyaya yakuula insakwe ku Alimoni Dibulataimu.

Yoane 4:10

Yesu nawe amwaasuka ati, “Ndi wamanyile uwila wakwe Leza, na wino akukulenga manzi ya kumwa, nawe wange umulenge, nga wene wange akupeele manzi akapeela umi.”

Yoane 4:14

Wino wensi alamwa manzi yano nemo ndamupeela wene ataluvwa lusala nupya. Manzi yano ndamupeela yene yalaya wa kafukoka ka manzi munoli, yano akapeela umi wape.”

Umbwilo 21:6

Lyene avwanga ati, “Cati cicitwa! Nene Alufa na Omega, kuli kuti uwakutandika nu wakusyalikizya. Wensi ali nu lusala ndamupeela nsambu ya kumwa uwila mu kafukoka ka manzi yano akapeela umi.

Umbwilo 22:1

5Lyene mungeli andanga luzi lwa manzi yano akapeela umi, luyengese wakwe Kulustele, luno lwafuma mu cilimba ca wene cakwe Leza nupya ca Mwana wa Mfwele.

Umbwilo 22:17

Mupasi Wamuzilo pamwi na Nawinga yakuti, “Iza!” Na wino wensi akuuvwa vii alinzile alande ati, “Iza!” Wino wensi ali nu lusala, aiize. Wino wensi akulonda manzi yano yakapela umi, yene yamapelwa kunoli uwila.

Yakapingula 9:21

Lyene Yotamu autuka, nga aya aikala ku Beeli pamulandu wakuti wali ni ntete kuli Abimeleki, umwina wakwe.