Mpendwa 20:5 - Amazwi Yakwe Leza 2013

⁵ Uzye pacani cino mwatufumizye mu Eguputo pakuti mutulete mu mpanga iyaipa ndi ii? Impanga imwi muno yatanga yakomele imbezu ili yonsi. Nupya musi amasamvu, musi amatingi nanti iviseekwa vya pomegeleneti. Amanzi yakumwa nayo kwene musi!”

Mpendwa 20:5 ပူးပေါင်းရင်းမြစ်များ

Neemiya 9:21

Umu lwanga wayasakamile wakwe cimwi apa myaka amakumi yani. Yene yatulilwe nanti cimwi, nanti ukusizya yatatazile yasizye. Ingazo zyao nazyo zitatazile zivimbe nu kuwaya.

Yelemiya 2:2

“Nkaiusya ukuti lino mwali ance mwali ni cuvwilo. Mwemo mwantemilwe wakwe cimwi muli unawinga winu. Yandondile umu lwanga, itupita suka tufika mu mpanga itatala yalimwa.

Yelemiya 2:6

Yene yatatazile yelenganya yati, ‘Uzye Yawe ali kwi, wiyo uwatufumizye ku Eguputo nu kututungulula mu lwanga, impanga ya mapoli ni visengafwafwa, impanga iyumalale iya kanda, mumo muno mutatala mwapita mwenemo umulawa, nanti ukwikalamo umuntu?’

Ezekelo 20:36

Vino napingwilile ivikolwe vinu mu Lwanga lwa Sinai ali vino ndamupingwila namwe. Ivyalanda ne Yawe Simwandalali.”

Mpendwa 16:14

Ala wemo utatuleta mu impanga iya uzombozi ukulu cuze nupya iivunde nanti kutupela impanga nanti vyalo vya matingi vino tungapyana. Si manye ukwezya ukutusomba? Awe, tusikwiza kweneko!”

Mpendwa 20:24

“Aloni atakutala aingile mu mpanga ino nalavile ukupeela aina Izlaeli. Wene amafwa, pamulandu wakuti mweili kwene mwakanyile ukuyela ilamulo lyane pa kupelwa amanzi ku Meliba.

Mpendwa 27:14

pamulandu wakuti mweili kwene mutayezile ilamulo lyane mu Lwanga lwa Zini. Lino iuvi lyonsi lyailizyanyizye ku Meliba, mwemo mwakanyile ukutaka amaka yane amuzilo pa manso yao.” (Meliba a kafukoka ka manzi ku Kadesyi mu Lwanga lwa Zini.)

Malango 8:15

Wene wamutungulwile mu lwanga lulu luwatuke muno mwali inzoka zya usungu na makalela ausungu. Wene wamupeezile amanzi ukufuma mwi we likome cuze mu mpanga ilya iyumalale nupya iyaula amanzi.