Mpendwa 20:14 - Amazwi Yakwe Leza 2013

¹⁴ Ukufuma ku Kadesyi Mose atuma inkombe ati, “Ku musambazi, umwene waku Edomu, munyonko Izlaeli wavwanga ukuti wamanya mpiti ningo sana amasyamo yonsi yano yatuponela.

Mpendwa 20:14 ပူးပေါင်းရင်းမြစ်များ

Utandiko 25:23

Yawe nawe amunena ati, “Munuli muli inko zili zya antu. Ulavyala antu yaili, yao alacimvyanya mu wikazi wao. Wenga alaya na maka ukuluta muze. Silenzi alaya muomvi wa muto.”

Utandiko 25:25

Mwana wankolelo wali muyenzulukile, ni pipi lyakwe lyali wa cizwalo ca mavumbu. Amutemela izina ati a Esau.

Utandiko 25:26

Muto wavilwe ala alemelile ikasa lyakwe ku kantunta kakwe silenzi caleka amutemela izina ati a Yakobo. Isaki wali ni myaka amakumi mutanda lino Labeka wamuvyalile ana.

Utandiko 32:29

Yakobo ati, “Nakupapata nena izina lyako, uzye weweni?” Nawe auzya ati, “Uzye pacani cino wanguzizya izina?” Lyene papo kwene apolelela Yakobo.

Kufuma 18:8

Lyene Mose alondolwela Yetulo vyonsi vino Yawe wacisile kuli Falao nu ku ina Eguputo, pakuti apususye aina Izlaeli. Nupya amulondolwela vino Yawe wayazwilizye mu ucuzi wao onsi, na vyonsi vino Yawe wacisile pa kuyatuula.

Amosi 1:11

Yawe wavwanga wati, “Pamulandu wakuti aikazi aku Edomu yacili yakutwalilila ukwifya, nemo ntalata ukuyavunuka. Yene yazinginye akazi kao ala yalemile amalupanga, ukwaula kuyakwatila uluse, pasi pano yali nu ukali ni cipyu ivitangazusiwa.

Malaki 1:2

Yawe akuti, “Nemo natemwa mwemwe.” Lelo mwemo mukati, “Uzye mwatutemwa uli?” Yawe wavwanga wati, “Uzye Esau atali umwina wakwe Yakobo? Nemo nasola Yakobo.

Mpendwa 13:26

Yiza yazana Mose na Aaloni pamwi na ina Izlaeli yonsi pa Kadesyi mu Lwanga lwa Palani. Kuku kwene yayalondolwela vyonsi vino yaile yalola nga iyayalanga ni viseekwa vya mpanga ilya.

Mpendwa 20:15

Ivikolwe vitu vyatentemukile ku Eguputo kuko kuno vyatenzi amanda avule cuze. Aina Eguputo yatucuzyanga wakwe cimwi, ndi muno yacitile ivikolwe vitu.

Mpendwa 20:22

Lyene aina Izlaeli yonsi yatenuka yafuma ku Kadesyi ku Mwamba wa Holi,

Malango 23:7

“Mutakezye ukusuula aina Edomu, pano yene antu inu. Nupya mutakezye ukusuula aina Eguputo, pano mwatenzi mu mpanga yao.

Yoswa 2:10

Tuuvwa vino Yawe wakamizye Yemba Muyenzu pakuti mulambe pa kufuma mu Eguputo. Tuuvwa na vino mwacisile kuli Siooni na Ogi, yamwene yalya yaili ya ina Amoli lwaku ufumondaka wakwe Yodani, yano mwakomile.

Yoswa 2:9

nga azinena ati, “Manyile ukuti Yawe watapeela impanga ii kunomuli nu kuti ingofyo izya pali mwemwe zyatizituponela, cakuti umuntu wensi mu mpanga ii akuzakaza ku ntete pamulandu winu.

Yoswa 9:10

na vyonsi vino wene wacitile yamwene yaili ya ina Amoli lwaku ufumondaka wa Luzi lwa Yodani, na Siooni umwene waku Hesyiboni, na Ogi umwene waku Basyani, wino wateekanga mu Asyitaloti.

Yoswa 9:9

Lyene nayo yaasuka yati, “Musambazi, kwene swemo kuno twafuma ukutali sana, pamulandu wa kuvwa ululumbi lwakwe Yawe Leza winu. Pasi pano twatituvwa vyonsi vino wene wacisile umu Eguputo,