Mpendwa 19:7 - Amazwi Yakwe Leza 2013

⁷ Pacisila cakwe vivyo, simapepo afule ivyakuzwala vyakwe nu mwisikulu aowe ku mwili. Lyene alino angingila mu nsakwe. Lelo ala acili mukowele mpaka ukufika na lino ilanzi lyatemba.

Mpendwa 19:7 ပူးပေါင်းရင်းမြစ်များ

Aina Levi 11:24

“Wino wensi uwalema ivitumbi vya nyama zii, aye uwamifitalila kufika lino ilanzi lyawa.

Aina Levi 11:25

Wino wensi uwatola icitumbi ca nyama iyo alinzile kufula insalu zyakwe nu kusyala uwamifitalila kufika lino ilanzi lyawa.

Aina Levi 11:27

Inyama izyakwata amakulu yani lelo zyamfumbi, mumanye ukuti izyamifitalila, nu muntu wensi uwakumya ku vitumbi vyakwezyo wasyala uwamifitalila kufika lino ilanzi lyawa.

Aina Levi 11:28

Na wiyo wensi uwatola citumbi caziko ali nu kufula insalu zyakwe, nupya wasyala wamifitalila kufika lino ilanzi lyawa. Fwandi mumanye ukuti izyamifitalila kunomuli.

Aina Levi 11:31

Wino wensi uwakumya ivitumbi vya nyama zii, aye uwamifitalila kufika lino ilanzi lyawa.

Aina Levi 11:32

Nupya ndi cakuti icitumbi ca nyama zii caponela pa cintu icili consi, icintu cico ciye icamifitalila, cingaya nanti pa mbao, pa nsalu, mukwela unyuke nanti pi saaka, usi mulandu ni milimo ino icintu cico cikaomviwa. Cilinzile kuciombeka mu manzi, lelo cilaya icamifitalila kufika lino ilanzi lyawa, alino lyene cilasangululwa.

Aina Levi 11:39

“Muntu ndi wakumya ku nyama ino antu yakalya nomba iyatiifwila, umuntu wiyo aye uwamifitalila kufika lino ilanzi lyawa.

Aina Levi 11:40

Nupya umuntu wensi ndi walya inyama iyo alinzile ukufula insalu zyakwe, lelo aye uwamifitalila kufika lino ilanzi lyawa. Nupya umuntu wensi wino wapinga inyama iyatiifwila alinzile ukufula insalu zyakwe nu kuya uwamifitalila kufika lino ilanzi lyawa.

Aina Levi 14:46

Muntu wensi wino wingila mu ng'anda iyo lino yayalwa, ali nu kuya uwamifitalila kufika nu ku manguzi.

Aina Levi 15:5

Muntu wensi uwakumya ku musanzi wakwe,

Aina Levi 22:6

Simapepo ali wensi wino waya uwamifitalila alinzile ukuya uwamifitalila kufika ku manguzi. Lelo nalyo kwene atangalya impolelwa zyamuzilo suka wafulala umwili onsi.

Mpendwa 19:10

Kazyola wi twi nawe kwene alinzile afule insalu zyakwe nu kowa pa mwili. Nawe kwene amasyala mukowele mpaka kufika lino ilanzi lyatemba. Yao ali masunde yano aina Izlaeli pamwi na inamasi yonsi kwene aikala pamwi nayo yalinzile kulondela imyaka yonsi amanda pe.

Mpendwa 19:19

Umuntu asi mukowele alinzile akanyile umuntu mukowele pa wanda uwalenga citatu na pa wanda uwalenga cinimbali, nga pa wanda uwalenga cinimbali alinzile wamukondola. Umuntu wino yakukondola alinzile afule ivyakuzwala vyakwe nu kufulala pa mwili, nga lino ilanzi lyawa ale wasangululwa.

Mpendwa 19:21

Isunde lii, lilasyala ilya manda pe kunomuli. Uwala wakupolezya amanzi akufumya amakombela ali nu kufula ivyakuzwala vyakwe. Nu wakumya ku manzi yao, ale wene wasyala mukowele mpaka ukufika lino ilanzi lyawa.

Mpendwa 19:22

Cintu icili consi cino umuntu mukowele wakumya ale naco kwene casyala icikowele. Nu muntu kwene uwacikumya nawe kwene amasyala mukowele mpaka ukufika lino ilanzi lyawa.

Mpendwa 19:8

Koca wa ndama iyo nawe kwene alinzile afule ivyakuzwala vyakwe nu kowa pa mwili. Nawe kwene amaya mukowele mpaka ukufika lino ilanzi lyatemba.

Ayebulai 13:11

Simapepo Mukulu wa Ciyuda akaleta uwazi wa nyama mu Ncende Yamuzilo Kuluta kuti aupeele uye impolelwa ya kupelwa pa maifyo. Lelo vitumbi vya nyama vikaociwa kunzi ya nsakwe.