Mpendwa 19:20 - Amazwi Yakwe Leza 2013

²⁰ Lelo ndi cakuti umuntu mukowele wakana ukucita vivyo, wene yalinzile kumusukula umwi uvi, pamulandu wakuti wene watakowezya Itaalu lyakwe Yawe. Pamulandu wakuti amanzi akumukondwela yatapisile pa mwili wakwe, ali cino fwandi wene wasyala mukowele na makombezya yakwe yasyala yamukambatile.

Mpendwa 19:20 ပူးပေါင်းရင်းမြစ်များ

Utandiko 17:14

Uwa monsi wensi wino atalasilamulwa atalapendelwa pamwi na antu yakwe, pano atafikilizye upangano wane.”

Kufuma 30:33

Muntu ali wensi wino alapanga amafuta acinunu cisuma yauze akolane na yaa, nanti kupaka muntu ali wensi wino asi simapepo, wene alinzile kusukulwa mu antu yane.’ ”

Aina Levi 15:31

Yawe wanenyile Mose kuti asoke aina Izlaeli pamulandu wa mifitalila yao pakuti yatakowezya Itaalu lya Ukongano lino lyali pakasi ka nsakwe. Pano ndi yalikowizye, yangakomwa.

Aina Levi 17:16

Lelo ndi cakuti atafuzile insalu zyakwe nu kufulala umwili onsi, ale mulandu wakwe.”

Aina Levi 22:4

“‘Muntu ali wensi uwamu mupanda wakwe Aaloni wino akweti indwala yakwe tembwe, nanti wino akufumya vintu viipe ku wonsi wakwe, atangalya vintu vyamuzilo suka waswefiwa. Simapepo ali wensi ali nu kuya uwamifitalila ndi walema ku cintu cimwi cati cilengwa ukuya icamifitalila pa kukumyanya ni cala nanti ndi wafumya imbezu ku wonsi wakwe.

Mpendwa 15:30

Lelo wino wensi uwala waluvyanya ku mufulo, ciye mukaya nanti umwenyi, wene ale wasuula Yawe. Umuntu wiyo alinzile kusukulwa mu antu yakwe.

Mpendwa 19:13

Wino wensi uwala wakumya icala ca muntu ali wensi nga nu kucita mufulo wa kukana isangulula ale wene wakowezya Itaalu lya Ukongano. Umuntu wiyo alinzile kusukulwa mwi uvi lya ina Izlaeli. Pamulandu wakuti amanzi akumukondola yatapisile pa mwili wakwe, ali cino fwandi wene wasyala mukowele, na makombezya yakwe yasyala yamukambatile.

Mpendwa 9:13

Lelo ndi kwazanwa umuntu umwi pali yao asi akowele ukulingana ni ntambi nanti asi pa lwendo, nga wakana sile kuzevya Cimulo ca Ucilo, umuntu wiyo alinzile kusukulwa mu antu yao pamulandu wakuti atapile uwila wakwe kuli nene pa nsita ino yasontwa. Umuntu wiyo ali nu kulipa pi ifyo lyakwe.”

Mako 16:16

Wino wensi alataila nu kuwatiziwa, wene alatuulwa. Lelo wino wensi atalataila alavunukwa ku mfwa.

2 Petulo 3:14

Acino, mwe yacuza, lino mucili mukulolela, mulinzile kusininkizya ukuti Mwene akamuzane akaele, aula maifyo, nu kwikala mutende pakasi kinu na Leza.

Umbwilo 22:11

Wino wensi uwa nkota lekini atwalilile kucita inkota, umukowele atwalilile ukuya mukowele. Wino wensi musuma nawe atwalilile kucita visuma, na wino wensi uwamuzilo atwalilile kuya uwamuzilo.”