Mpendwa 19:19 - Amazwi Yakwe Leza 2013

¹⁹ Umuntu asi mukowele alinzile akanyile umuntu mukowele pa wanda uwalenga citatu na pa wanda uwalenga cinimbali, nga pa wanda uwalenga cinimbali alinzile wamukondola. Umuntu wino yakukondola alinzile afule ivyakuzwala vyakwe nu kufulala pa mwili, nga lino ilanzi lyawa ale wasangululwa.

Mpendwa 19:19 ပူးပေါင်းရင်းမြစ်များ

Utandiko 2:2

Pa wanda uwalenga cinimbali, walanga Leza watamala umulimo wakwe onsi wa kuumba, nga apuuza.

Kufuma 19:10

Alino Yawe anena Mose ati, “Yanga kanene antu ukuti ilelo na mutondo yaisangulule nu kuiteyanyizizya ku mapepo. Yene yalinzile ukufula vyakuzwala vyao.

Ezekelo 36:25

Na pakumusangulula ku tuluwi tonsi utwa mukowizye, nu kumakombezya yauze yonsi, nemo ndamukanyila amanzi asanguluke.

Aina Levi 14:7

Simapepo alinzile kusansa uwazi maila cinimbali pa muntu wino akuswefiwa ku ndwala yakwe tembwe. Lyene alinzile kumunena ukuti wataswefiwa. Simapepo alinzile kuta icunyi cino yatakomile kuti cipapuke, kusalala mu vyalo.

Aina Levi 14:9

Pa wanda uwalenga cinimbali nupya alinzile ukupela inyele zyonsi, vilezu vyakwe, inkopyo zyakwe nga ni pipi lyonsi ilyaya pa mwili wakwe. Alinzile ukufula insalu zyakwe nu kufulala umwili onsi, lyene ale waswefiwa.”

Mpendwa 19:12

Fwandi wene alinzile kuisangulula umwisikulu mu manzi pa wanda uwalenga yatatu nu walenga cinimbali. Ale lyene wasyala uwaula mulandu. Nga camukumba wakana ukuisangulula pa wanda uwalenga citatu na pa wakwe cinimbali, ale wene amasyala mukowele.

Mpendwa 19:13

Wino wensi uwala wakumya icala ca muntu ali wensi nga nu kucita mufulo wa kukana isangulula ale wene wakowezya Itaalu lya Ukongano. Umuntu wiyo alinzile kusukulwa mwi uvi lya ina Izlaeli. Pamulandu wakuti amanzi akumukondola yatapisile pa mwili wakwe, ali cino fwandi wene wasyala mukowele, na makombezya yakwe yasyala yamukambatile.

Mpendwa 19:18

Alino umuntu asi uwa mulandu atoole musambo wa isopu nu kuutimpika mu manzi yao. Alino akupoolele api taalu na pa viya vyonsi kumwi na antu yonsi ali penepo, nupya alinzile akupoolele nu muntu kwene uwakumizye ukwi fupa nanti ku muntu wino yakomile, nanti pali wiyo uwakumizye ku muntu uwafwile imfwa Leza nanti pali wiyo uwakumizye ukwi lindi.

Mpendwa 31:19

Lyene mwensi mwemuno mwakoma umuntu ali wensi nanti mwakumizye ku cala mulinzile ukwikala kunzi ya nsakwe pa manda cinimbali. Pa wanda uwalenga yatatu nga na pa wanda uwalenga cinimbali mulinzile mwaisangulula mweisikulu kumwi na anaci yano mwasenzile mu nkondo.

Mpendwa 31:24

Pa wanda uwalenga cinimbali muce mukafule ivyakuzwala vinu. Ali lino lyene mulaya asangululwe nga lyene mungazumiliziwa kuswilila mu nsakwe.”

Tito 2:14

Wene waipile umwisikulu pamulandu witu, kuti atukulule kufuma ku nkota zyonsi nu kutucita asanguluke nupya akwakwe wenga sile, nga nu kuleka kuti tuye nu muzonda wakucita visuma.

Ayebulai 10:22

Caleka lekini tupalamile kuli Leza nu mwenzo uwa cumi nu utailo uwa mpomvu. Lekini tusunge myenzo itu iye iswepe, ni myelenganyizizye itu nayo iye ya untungwa kufuma ku viipe, ni mili itu ifulwe na manzi aswepe.

1 Yoane 1:7

Lelo ndi tukwikala mu luswepo ndi vino wene ali mu luswepo, ale lyene tuli mu utandano pakasi kitu. Nu wazi wakwe Klistu mwana wakwe ulatuswefya kufuma ku maifyo onsi.

Yuda 1:23

Tuulini nu kusompola yamwi yataponela mu moto. Na kuli yamwi Muye na mizu nga ni ntetepo. Lelo sokini miyele yao ni vizwalo vyao kwene ivyakoweziwa ni vya lunkumbwa lwao lwipe.