Mpendwa 19:12 - Amazwi Yakwe Leza 2013

¹² Fwandi wene alinzile kuisangulula umwisikulu mu manzi pa wanda uwalenga yatatu nu walenga cinimbali. Ale lyene wasyala uwaula mulandu. Nga camukumba wakana ukuisangulula pa wanda uwalenga citatu na pa wakwe cinimbali, ale wene amasyala mukowele.

Mpendwa 19:12 ပူးပေါင်းရင်းမြစ်များ

Masamu 51:7

Umfule na manzi yako, inswepe, umfule nu mwenzo wane uswepe na mpee.

Kufuma 19:11

Lyene yaiteyanye pa wanda uwalenga yatatu. Pa wanda kwene uwo, ne Yawe indiika pa Mwamba wa Sinai, lino antu yonsi yakulola.

Kufuma 19:15

nupya Mose ayanena kuiteyanya pa wanda uwalenga yatatu, nu kuti pa nsita ii yatalinzile kumanyana pa musanzi.

Ezekelo 36:25

Na pakumusangulula ku tuluwi tonsi utwa mukowizye, nu kumakombezya yauze yonsi, nemo ndamukanyila amanzi asanguluke.

Oseya 6:2

Umu manda yaili nanti yatatu wene alatupuputula, nga naswe tulaya nu umi pa manso yakwe.

Aina Levi 14:7

Simapepo alinzile kusansa uwazi maila cinimbali pa muntu wino akuswefiwa ku ndwala yakwe tembwe. Lyene alinzile kumunena ukuti wataswefiwa. Simapepo alinzile kuta icunyi cino yatakomile kuti cipapuke, kusalala mu vyalo.

Aina Levi 7:17

Lelo inyama iyasyala kufika na pa wanda uwalenga yatatu ilinzile kocewa.

Mpendwa 31:19

Lyene mwensi mwemuno mwakoma umuntu ali wensi nanti mwakumizye ku cala mulinzile ukwikala kunzi ya nsakwe pa manda cinimbali. Pa wanda uwalenga yatatu nga na pa wanda uwalenga cinimbali mulinzile mwaisangulula mweisikulu kumwi na anaci yano mwasenzile mu nkondo.

Milimo 15:9

Atapusinye pakasi kakwe sweswe na alio, lelo wasangulwile myenzo yao pano yataile.

Umbwilo 7:14

Nani mwasuka inti, “Musambazi, wewe umanyile.” Nawe anena ati, “Yaa ali antu yano aposya mu macuzi akulu cuze. Yene yafula mingila yao nu kuiswefya mu wazi wa Mwana wa mfwele.