Mpendwa 18:8 - Amazwi Yakwe Leza 2013

⁸ Alino Yawe anena Aaloni ati, “Nakupeela incito ya kwangalila vyonsi vino antu yapeela. Vyonsi vino aina Izlaeli yapeela kunondi navipeela kunuli nu ku ana yako kuti vingaya malipilo inu amanda pe.

Mpendwa 18:8 ပူးပေါင်းရင်းမြစ်များ

2 Yamwene 12:16

Ulupiya ulwapelwanga uku kulipa ku milandu nanti uku kuzifya vino vyativivulungana, lwene yatalutwalanga ku Ng'anda ikulu yakwe Yawe. Lelo lwayanga sile kuli yasimapepo.

2 Milandu 31:4

Alino umwene apeela ilamulo ku antu amu Yelusalemu kuti yalete ivyawila nu kupeela yasimapepo na ina Levi ivipande vyao apakuti yaipelesye ukuwaka ukusunga ningo amasunde yakwe Yawe.

2 Milandu 31:5

Zuwazuwa lino ilamulo lilyo lyapeelwa, aina Izlaeli nayo zuwazuwa yakolonganika ivizao vyankolelo ivili wa ngano, waini umupya, amafuta yakwelekela, uci navyuze vino yazombwile. Alino yapeela penepo ni cikumi pali cila vyuma vino yalesile.

Kufuma 28:43

Aaloni na ana yakwe yazwala vikwene vii lyonsi lino yakwingila mwi Taalu lya Ukongano, nanti lino yapalamila ku kavuwa ku kuntumikila mu Ncende Yamuzilo, koopa kuti limwi angacita maifyo nu kufwa. Ilamulo kwene lii lyapeelwa kuli Aaloni nga nu ku amu mupanda wakwe amanda pe.”

Kufuma 29:21

Utoole uwazi umwi pa kavuwa alino na mafuta yamwi akusolwela nga usanse pali Aaloni na pa vyakuzwala vyakwe, na pa ana yakwe Aaloni nga na pa vyakuzwala vyao. Lyene Aaloni na ana yakwe yamapaatwilwa kunondi pamwi ni vyakuzwala vyao.

Kufuma 29:28

Pali vino aina Izlaeli yakapeela, vikwene vii viye vyakwe Aaloni nga na ana yakwe Aaloni aonsi amanda pe. Yasimapepo aliyo yapokelele vyonsi vii, ukufuma pa mawila autandano ya ina Izlaeli, pakuti ali mawila ya ina Izlaeli kuli Yawe.

Kufuma 29:29

“Vyakuzwala vyamuzilo vyakwe Aaloni vilasyala vya ana yakwe aonsi lino alafwa, pakuti yavizwala lino yakupaatulwa pa kukuziwa pali usimapepo.

Kufuma 40:13

Aaloni mumuzwike vyakuzwala vyamuzilo. Umupake amafuta nupya umupaatule, apakuti aye a simapepo wa kuntumikila nene.

Kufuma 40:15

Lyene uyapake amafuta wakwe vino wapasile isi wao kuti yaye yasimapepo akuntumikila. Kupakwa amafuta kuko kulalenga kuti yaye yasimapepo pa nkulo ni nkulo.”

Ezaya 10:27

Umu wanda ulya ndakukulula ku mutitikizya wa ina Asilya, nga ni vikonkoli vyao vilata ukukuvuna insingo.”

Aina Levi 21:10

“‘Simapepo Mukulu uwapakwa amafuta akusolwela pa mutwe wakwe nu kutekwa pa cilimba ca usimapepo, nupya waswefiwa kuti azwala ivyakuzwala vya usimapepo. Caleka atalinzile ukupita ni nyele zyakwe zyaula kusaakula nanti kulepola vyakuzwala vyakwe kulanga ukuti ali ni ndosya.

Aina Levi 23:20

Simapepo alinzile kuswelula utwana twa mfwele twiili pamwi nu mukate pa manso yakwe Yawe wa wila wakuswelula. Vikwene ivyakwe simapepo, nupya uwila wamuzilo.

Aina Levi 6:16

Lyene Aaloni na ana yakwe yalye vino vyasyalapo. Viye vyaulamo icitutumusi, nupya yaviliile pa Ncende Yamuzilo, kuli kuti pa musolo wi Taalu lya Ukongano.

Aina Levi 6:18

Amu mupanda wakwe Aaloni aonsi yangalya ivya mawila akocela Yawe, wakwe vino calembwa ukuti cili nu kuya vivyo kwene amanda pe mu nkulo zinu zyonsi. Lelo wino wensi asi simapepo aalakumya kavuwa kako alailetela isyamo pamulandu wa maka yakako amuzilo.

Aina Levi 6:20

“Uu uli wila uno Aaloni na ana yakwe yalinzile ukupeela kuli Yawe pa wanda uno akupaatulwa. Yalinzile ukupeela usu utonyoleke, wakulingana kilogalamu wenga, ciye ngati uwila wa usu uwa nsita zyonsi. Apeele citika wenga katondo, lyene citika muze apeele manguzi.

Aina Levi 6:26

Simapepo wino wapeela uwila wa nyama, alye inyama iyo. Ailile mu Ncende Yamuzilo, pa musolo wi Taalu lya Ukongano.

Aina Levi 7:14

Lyene atoole ciputulwa conga pa musango uli onsi wa mukate acipeele ciye uwila kuli Yawe. Ciputulwa kwene cico, cili ciputulwa cakwe simapepo wino amasansa uwazi uwa wila wa utandano.

Aina Levi 7:28

Yawe anena Mose ati,

Aina Levi 7:6

Monsi wensi uwamu ng'anda yakwe simapepo angalyako. Aliile uwila uwo pa Ncende Yamuzilo. Uwo kwene uli wila wamuzilo cuze.

Aina Levi 8:30

Lyene Mose atoola amafuta yamwi akusolwela nu wazi umwi uwali pa kavuwa, alino asansa pali Aaloni na ana yakwe, nga na pa vyakuzwala vyao. Mu nzila kwene ii ayapaatwila kuli Yawe pamwi ni vyakuzwala vyao.

Mpendwa 18:9

Watukwata insambu pa vintu vivi kwene ivyamuzilo cuze vino yakampela. Napa vilyo vino yakampela vino ungalyako aevi: uwila onsi uno aina Izlaeli yakampela uwa cakulya nanti uwa kwelela amaifyo yao nanti uwa cizumila mulandu.

Mpendwa 5:9

Na mawila yauze aiyele yano aina Izlaeli yakaletela Yawe nayo kwene akwe simapepo wino yakapeela.

1 Kolinto 9:13

Cumi kwene mwamanya vino antu akaomba mu Ng'anda ikulu yakwe Leza yene yakalya kufuma muli vino vikapelwa mwenemo. Nupya mwamanya vino yao akaomba pa kavuwa yene yakaankanyiwako impolelwa zimwi zino zikapelwa pa kavuwa.

Malango 12:11

Yawe umwisikulu aliwe alasolola incende pakuti mwamupepela. Papo kwene ali pano mulatwala vyonsi vino ne Mose namukonkomezya. Ni vintu vivyo vili wa mawila inu akoca nga ni mpolelwa zinu zyuze. Alino ni vikumi na mawila inu, nga na mawila yauze aiyele yano mwalaya ukupeela kuli Yawe.

Malango 12:6

Ali pano mulamupeelela amawila inu akoca ni mpolelwa zyuze, ivikumi na mawila, amawila yano mwalaya ukupeela kuli Yawe, alino na mawila akuitemelwa mweisikulu, kumwi na mayeli ya ng'ombe ni mfwele zinu.

Malango 18:1

“Yasimapepo aina Levi, yene yatalinzile kupelwa icipande icili consi ca mpanga mu Izlaeli. Mu cifulo cakwe cico, yene yali nu kupelwa amawila akocela Yawe, pano ali vyaupyanyi vyao.

Malango 26:13

ulande kuli Yawe Leza winu uti, ‘Kusi icikumi nanti conga icati cisyala mu ng'anda yane. Natimpeela consi ku ina Levi, nu ku inamasi, nu ku ana asyale, na kuli yamukamfwilwa, wakwe vino wampeezile ilamulo kuti incite. Intakanyile kuyela nanti ukwilila ilamulo nanti lyonga pa malamulo yano wampeezile pa cikumi.

Ayebulai 1:9

Wemo watemwa ulungami wapata lufyengo. Caleka Leza, Leza wako, watakupaka na mafuta ya kuzanga kuluta auzo.”

1 Yoane 2:20

Lelo Klistu wene wamupolelile pakumupongolwela Mupasi Wamuzilo. Acino mwensi kwene mwamanya icumi.

1 Yoane 2:27

Lelo mwemo Klistu wamupolelela pa kumupongolwela Mupasi wakwe wikala munomuli, nupya citakulondekwa ukuti umuntu umwi amusambilizya. Mupasi Wamuzilo aliwe akamusambilizya vyonsi. Vino akamusambilizya ivya cumi visi vyaufi. Caleka mulinzile kuyela usambilizyo wakwe Mupasi Wamuzilo nga nu kwikalilila mu utandano na Klistu.