Mpendwa 18:32 - Amazwi Yakwe Leza 2013

³² Mutange mupelwe mulandu ndi mwalya, cikulu mutale mupeele icipande cizipisye kuli Yawe. Lelo cisi cakwezya ukukowezya amawila ya ina Izlaeli, mu kutala imulya penepo uwila umwi lino mutacili mupeele icipande cizipisye kuli Yawe. Ndi mwaca mumacita vivyo mulafwa.”

Mpendwa 18:32 ပူးပေါင်းရင်းမြစ်များ

Kufuma 28:43

Aaloni na ana yakwe yazwala vikwene vii lyonsi lino yakwingila mwi Taalu lya Ukongano, nanti lino yapalamila ku kavuwa ku kuntumikila mu Ncende Yamuzilo, koopa kuti limwi angacita maifyo nu kufwa. Ilamulo kwene lii lyapeelwa kuli Aaloni nga nu ku amu mupanda wakwe amanda pe.”

Aina Levi 19:8

Muntu wensi wino walya inyama ya mpolelwa iyo ali nu kupelwa mulandu wa kucita icapaatwilwa kunondi ukuya icintu casilesile. Muntu wiyo alinzile kusukulwa mu antu yane.

Aina Levi 22:2

“Nena Aaloni pamwi na ana yakwe aonsi uti, ‘Mwacindika ivyamuzilo vino aina Izlaeli yakapeela kunondi, pakuti yataleta muzewanya pi zina lyane lyamuzilo. Nene indi Yawe.

Malaki 1:7

Mukansuula pakupeela impolelwa zikowele pa kavuwa kane. Lelo mukauzya muti, ‘Uzye twaposiwa uli uku kucindika?’ Mukansuula apa kwelenganya ukuti kavuwa kakwe Yawe akasaluke.

Mpendwa 18:22

Aina Izlaeli yatalatala yapalamile kwi Taalu lya Ukongano. Ndi cayakumba yacita vivyo, ale yaisumba mwi ifyo nu kufwa yalinzile ukufwa.

Mpendwa 18:31

Ali cino mwemo pamwi na amu ng'anda zinu mungalya ivyasyala apali ponsi, pamulandu wakuti ali malipilo inu pa milimo ino mukaomba mwi Taalu lya Ukongano.

Mpendwa 19:1

Nupya Yawe apeela ilamulo kuli Mose na Aloni

1 Kolinto 11:27

Acino ndu muntu ali wensi walya umukate wa Mwene nanti kumwa mu lwako lwakwe mu musango utalinzile uwakumuzewanya, ala wene wailetelela mulandu uwa kusaalula mwili nga nu wazi wa Mwene.

1 Kolinto 11:29

Pano ndi atangalooka vino cii cikusenula lino akulya umukate nga nu kumwa mu lwako, ale wene akuiletelela upinguzi panoli umwisikulu lino akulya nu kumwa.