Mpendwa 18:21 - Amazwi Yakwe Leza 2013

²¹ Yawe avwanga ati, “Ku ina Levi, pa kuyalambula pa milimo yao ino yakaomba mwi Taalu lya Ukongano, nayapeela upyanyi wa kutoola pa cikumi consi cino aina Izlaeli yakampela. Ali malipilo ya kuomba kwao ukwa kuwaka Itaalu lya Ukongano.

Mpendwa 18:21 ပူးပေါင်းရင်းမြစ်များ

Utandiko 14:20

Leza wapapelapela uwakupezile ukucimvya pa anisi yako alumbanyiwe.” Lyene Abulamu apeela Mekisedeki icikumi ca muli vyonsi vino wapokolwile.

Utandiko 47:24

Insita yakuzombola mulinzile kutulika mitumba isano. Mutumba onga uwakwe Falao, lelo mitumba ini ino yasyala mulinzile kusunga mupaatulemo imbezu ni vyakulya vinu pamwi na amu ng'anda zinu.”

Utandiko 47:26

Caleka Yosefu apanga isunde lya mpanga mu Eguputo lyakuti pa nsita yakuzombola antu yalinzile yapeela mutumba onga kuli Falao pa mitumba isano. Kufika na pa wanda wilelo, isunde lii licili likaomba mu mpanga ya Eguputo. Impanga zino yasimapepo yalimangamo zyene kateeka atalemileko.

2 Milandu 31:12

Lyene yaleta vyonsi ivya musangulo vino antu yasangula. Alino iyika umwina Levi, uwi zina lyakwe Konaniya kuti awino aye kangalila uwakulolekesya pa vintu vivyo. Alino nu wakumwazwilizya a Syimei umwinakwe.

Neemiya 10:29

twailundanya ku asambazi itu nu mulapo, ukuti tukawe nalyo ndi twakana ukuyela Masunde yakwe Leza yonsi yano watupeezile ukupitila muli Mose umuomvi wakwe. Tumayelanga vyonsi vino Yawe, umwene witu watunena. Nupya tumayelanga ivipope ni vyeo vyakwe Yawe umwene witu.

Neemiya 10:37

Lyene uku miputule ya kusungilamo cuma mu Ng'anda ikulu yakwe Leza witu tukaatwalila yasimapepo, usu wankolelo wa ngano, amawila ya mbezu, ni viseekwa vya miti itu yonsi nga na waini mupya na mafuta yapya kwene. Nupya tukaaleta ni cikumi ca vilyo vitu ku ina Levi, pano alio yakasanguzya icikumi mu misumba yonsi muno tukaomba.

Neemiya 10:38

Simapepo, uwamu mupanda wakwe Aaloni alinzile aye pamwi na ina Levi lino yakupokelela icikumi cico, nga aina Levi nayo yalinzile ukwiza ni cikumi capa cikumi uku Ng'anda ikulu yakwe Leza witu, uku miputule yakusungilako iviya.

Neemiya 12:44

Pa wanda kwene ulya antu yasonsilwe kuti yawaka amang'anda ya kusungilamo cuma muno yasungilangamo musangulo wa Ng'anda ikulu yakwe Leza, ukwikapo ni cikumi ni mbezu nga ni viseekwa vyankolelo ivyacanga cila mwaka. Antu yaa yapilwe umulimo wakukolonganika vyamusangulo ukufuma mu vyalo vyali mu pipi ni misumba ipusanepusane, vino yasangwilanga yasimapepo na ina Levi ndi vino calondekwa ukucita kulingana na Masunde yakwe Mose. Ayuda yonsi cayazanzizye apakulola uomvi wakwe yasimapepo na ina Levi kwene,

Neemiya 12:47

Acino mu manda yakwe Zelubabeli, nga nu mu manda yakwe Neemiya, aina Izlaeli yonsi yapeelanga amawila cila wanda akwazwilizya yakiimba pamwi na yakalinda amu Ng'anda ikulu yakwe Leza. Nupya yapaatwilile aina Levi icipande cao, nga aina Levi nayo yapaatwilile amu mupanda wakwe Aaloni cipande cao.

Neemiya 13:12

Lino nacita vii, Ayuda yatandika ukwiza na mawila ya cikumi ca ngano, waini, na mafuta, kuti yapeela ku miputule yakusungilamo cuma.

Neemiya 13:5

nupya wazumilizye Tobiya kuti angaomvya umuputule ukalamba uno mpiti yasungilanga mwenemo ubani, uwila wa usu, icikumi ca ngano, waini na mafuta. Kuli kuti vyamusangulo vino yapaatwilanga aina Levi, yakiimba ya nyimbo, yakalinda ya mpongolo, na yasimapepo.

Malaki 2:4

Lyene mulamanya ukuti namupeela ilamulo lii, pakuti upangano wane uno nacita pakasi kane na yasimapepo aina Levi, utavunwa. Natimvwanga ne Yawe Wamaka Yonsi.

Malaki 3:10

Ndetelini icikumi consi uku Ng'anda yane ikulu, pakuti mu Ng'anda ikulu yane muye ivyakulya. Lyene njezini mulole ndi ntangayula inzota umwiyulu nu kumupongolwela upolelelo nyanya wakwe cimwi.

Mpendwa 18:6

Anene kwene ne mwisikulu naisolwela anyonko aina Levi mu ina Izlaeli nu kuyapeela kunomuli. Yene yapatulwa pakuti yangaya icuma cakwe Yawe nupya akuombela mwi Taalu lya Ukongano.

Mpendwa 3:6

“Leta amu mutundu wakwe Levi, nu kuyapeela mu makasa yakwe Aaloni pakuti yatumikila wakwe yasimapepo.

Mpendwa 31:28

Ku cipande ca vita, ivyalwile inkondo ufumye kweneko uwila wakwe Yawe. Icintu conga pa myanda isano muli cila vintu, ciye mu viteekwa, mu antu, muli yapunda nanti mu viteekwa vinono.

Galatiya 6:6

Muntu wino akusambiliziwa Ilandwe lya wina Klistu alinzile kwankanya visuma vyonsi vino akweti kuli wiyo akumusambilizya.

Malango 18:8

Wene alinzile kupelwa cipimo icili cimwi ca vyakulya ndi cico cikapelwa kuli yasimapepo yauze, nupya wene angasunga icili consi cino ang'anda yakwe yamutumila.

Ayebulai 7:5

Masunde yakwe Mose yati, yasimapepo, amu mupanda wakwe Levi yatoola icikumi pali vino aina Izlaeli yakwata, kuli kuti yatoola ku antu yao nanti angala antu yao nao kwene ana yakwe Abulaamu.