Mpendwa 18:19 - Amazwi Yakwe Leza 2013

¹⁹ “Fwandi vyonsi vino aina Izlaeli yamapeela wa wila ucindamisye, amanda yonsi ankolelo, napeela kunuli nu ku ana yako aonsi na anaci kwene. Uu, uli upangano wa pee uno ne Yawe napangana nawe pamwi na ana yako.”

Mpendwa 18:19 ပူးပေါင်းရင်းမြစ်များ

2 Yamwene 12:16

Ulupiya ulwapelwanga uku kulipa ku milandu nanti uku kuzifya vino vyativivulungana, lwene yatalutwalanga ku Ng'anda ikulu yakwe Yawe. Lelo lwayanga sile kuli yasimapepo.

2 Milandu 13:5

Uzye mutamanya ukuti Yawe, Leza wa ina Izlaeli wapangine upangano na Davidi uno utanga upanguluke? Upangano uo uwakuti, wene pamwi naswe swe ana yakwe, asweswe tumatekanga aina Izlaeli amanda pe.

2 Milandu 31:4

Alino umwene apeela ilamulo ku antu amu Yelusalemu kuti yalete ivyawila nu kupeela yasimapepo na ina Levi ivipande vyao apakuti yaipelesye ukuwaka ukusunga ningo amasunde yakwe Yawe.

Kufuma 29:27

Pacisila cakwe vii, upaatule viputulwa vya mfwele zyapezilwe pa kupaatulwa kwakwe Aaloni na ana yakwe, kuli kuti inganga yakupeela wa ca mawila capaatulwa, alino umwendo wakupeela wa ca mawila capaatulwa.

Ezekelo 43:24

Ukavilete vyonsi kuli ne Yawe na yasimapepo yace yakavisanse umusilya, yakavituulile ne Yawe impolelwa yakoca.

Aina Levi 2:13

Amawila yako yonsi ya cakulya ulinzile wacemekamo musilya, utailila foo. Musilya uwo uwakulanga upangano pakasi kakwe wewe na Leza wako. Ulinzile kucemeka musilya mu mawila yako yonsi ya cakulya.

Aina Levi 21:22

Wene angalya icakulya camuzilo cuze cakwe Leza wakwe. Angalya ni cakulya kwene camuzilo.

Aina Levi 7:14

Lyene atoole ciputulwa conga pa musango uli onsi wa mukate acipeele ciye uwila kuli Yawe. Ciputulwa kwene cico, cili ciputulwa cakwe simapepo wino amasansa uwazi uwa wila wa utandano.

Mpendwa 18:11

“Navyuze ivyakucindika wa vintu vyamuzilo, ivingaya ivyako aevi. Cico consi cino aina Izlaeli yapaatula ku mawila yao akuswelula, napeela kunuli wewe wenga sile pamwi na ana yako aonsi na anaci ukulingana ni sunde ilya pelwa. Ali wensi uwamu ng'anda yako, umusangululwe angalyako ivintu vivyo.

Mpendwa 18:8

Alino Yawe anena Aaloni ati, “Nakupeela incito ya kwangalila vyonsi vino antu yapeela. Vyonsi vino aina Izlaeli yapeela kunondi navipeela kunuli nu ku ana yako kuti vingaya malipilo inu amanda pe.

Mpendwa 31:29

Uwatola icipande conga icakupeela simapepo Eleaza, wa wila ucindamisye wakwe Yawe.

Mpendwa 31:41

Acino Mose wapeezile uwila kuli Eleaza simapepo wa wila ucindamisye uno wapelwa kuli Yawe, wakwe vino Yawe wapeezile ilamulo kuli Mose.

Malango 12:26

Lelo mulinzile kutoola amawila inu apaatulwa pamwi na mawila yauze yano mwalaya ukupeela kuli Yawe, nga muye ku ncende ino Yawe alasolola.

Malango 12:6

Ali pano mulamupeelela amawila inu akoca ni mpolelwa zyuze, ivikumi na mawila, amawila yano mwalaya ukupeela kuli Yawe, alino na mawila akuitemelwa mweisikulu, kumwi na mayeli ya ng'ombe ni mfwele zinu.