Mpendwa 18:13 - Amazwi Yakwe Leza 2013

¹³ Vyonsi sile awewe Aaloni nakupeela. Nu muntu wensi uwamu ng'anda yako ndi cakuti musanguluke angalya kweneko.

Mpendwa 18:13 ပူးပေါင်းရင်းမြစ်များ

2 Yamwene 4:42

Wanda uze kwiza umuntu umwi ukufuma ku Baali Syalisya, aletela Elisya imikate amakumi yaili yapangilwa ku usu wakwe baale, wa vizao vyankolelo. Amuletela ni misakinta ipya ya mbezu. Alino Elisya anena Geazi ati, “Imula antu kuti yalye.”

2 Milandu 31:5

Zuwazuwa lino ilamulo lilyo lyapeelwa, aina Izlaeli nayo zuwazuwa yakolonganika ivizao vyankolelo ivili wa ngano, waini umupya, amafuta yakwelekela, uci navyuze vino yazombwile. Alino yapeela penepo ni cikumi pali cila vyuma vino yalesile.

Kufuma 22:29

“Mwampeela amawila ukufuma ku vyauzombozi winu na waini winu pa nsita ino vyapeelwa. “Mwampeela mayeli inu aonsi.

Kufuma 23:19

“Cila mwaka mwaleta ku ng'anda yakwe Yawe vya uzombozi vinu vyankolelo. “Mutaeleka kana ka mfwele nanti ka mbuzi mwi ziya lyakwe nyina.

Kufuma 34:26

“Mwaleta iviseekwa vyankolelo vya uzombozi winu visuma ku ng'anda yakwe Yawe, Leza winu. “Mutaelekela umwana wa mfwele nanti umwana wa mbuzi mwi ziya lyakwe nyina.”

Yelemiya 24:2

Umuse onga wali na masamvu asuma sana, ungati ayano yatandikile penepo ukuca. Umuse uze nao wali na masamvu aipisye sana, atange yalikwe.

Ezekelo 44:30

Yasimapepo ali yano yamatolanga ivizao vyonsi vyankolelo ivisuma, ni vintu vyonsi ivimatuulwanga kunondi. Lyonsi sile lino antu yapanga imikate, yace yapelako yasimapepo umukate wankolelo, ali pakuti upolelelo wane waya umu mang'anda yao.

Oseya 9:10

Yawe akuti, “Inkolelo lino nazanyile Izlaeli cali wakuzana amatingi amutengo. Ivikolwe vyakwe vivi navitemilwe ungati ukulola iviseekwa vya nkolelo vya misamvu. Lelo lino yizile ku Baali Peoli, yatandike ukupepa Baali nga yasanguka yaya camuselu wa unkolanya kwene wao uwa, uno yatemilwe.

Aina Levi 22:7

Pacisila ca kuwa kwi lanzi, ale simapepo wiyo waya muswepe. Lyene angalya impolelwa zyamuzilo pano ivyakulya vyakwe.

Aina Levi 23:17

Kuli konsi kuno mukwikala, cila ng'anda ili nu kuleeta imikate iili nu kuipeela wa mawila kuli Yawe. Cila mukate ulinzile kupangwa na makilogalamu yaili a usu utonyoleke, utikinkanye ni citutumusi. Mikate ii, ilinzile kupelwa kuli Yawe wa wila wakuswelula uwa vizao vyankolelo.

Mika 7:1

Ala ncule mwe! Nemo indi wa muntu ali ni nzala wino afumile akusokota amatingi umu calo lelo ukwaula kuzana nanti cimwi cakulya. Nupya kutasile nanti amasamvu yano watemilwe.

Malango 18:4

Yene yalinzile kupelwa iviseekwa vyankolelo ivyapa mbezu, na waini, na mafuta ya miolivi, nga na pamba.

Malango 26:2

cila muntu panomuli alinzile watola umuse nga aikemo iviseekwa vyankolelo ivya pa vilimwa vyonsi vino alazombola. Lyene muvisende nu kuvitwala ku ncende ino Yawe Leza winu alasolola ukwa kumupepela.