Mpendwa 17:11 - Amazwi Yakwe Leza 2013

¹¹ Mose acita vyonsi wakwe vino Yawe wamupeezile ilamulo.

Mpendwa 17:11 ပူးပေါင်းရင်းမြစ်များ

2 Milandu 19:10

Ndi kwaya umulandu wakukoma, nanti ukuntayela amasunde ni milandu yuze ya akazi kinu yano mwikala nayo, mwayasambilizya kuti yatatwalilila ukwifya Yawe. Ndi mwacita cii, lyene umukosi wakwe Yawe utalamuponela, mwemwe kumwi na akazi kinu. Mwacita vivyo kwene alino mutalifya awe.

Aina Levi 16:15

Pacisila cakwe cico, alinzile kufyula imbuzi ya wila wa kwelela amaifyo ya antu. Alete uwazi wa mbuzi iyo mu Ncende Yamuzilo kuluta. Alino atoole uwazi uwo asanse pa ntupiko ya Mbokosi ya Upangano nga nu ku nkolelo ya Mbokosi ya Upangano, wakwe vino waliwacita nu wazi wakwe cipambasi.

Aina Levi 16:16

Vii, avino Aaloni ali nu kucita pa lutambi lwa kuswefya Ncende Yamuzilo kuluta ku mifitalila ya ina Izlaeli nu ku maifyo yao Alinzile kucitila ni Taalu lya Ukongano icili cimwi kwene pamulandu wakuti lyaya pa nsakwe ikowele.

Mpendwa 11:33

Lino inkwale zicili mu tunwa twao, yatacili yazisyete nu kuzimila, icipyu cakwe Yawe icivundukila antu nga ayaponyezya impungo imwi ikulu cuze.

Mpendwa 17:10

Yawe anena Mose ati, “Swilizya intuwa yakwe Aaloni uyike pa nkolelo ya Mbokosi ya Upangano. Ali pano iyasungilwa pakuti aina Izlaeli yace yaiusya lyonsi ukuti ndi yantalamila, yacita impanzela, yalafwa.”

Mpendwa 17:12

Aina Izlaeli nayo ali pakunena Mose yati, “Kalanda kasi kolo, lyene twafwa twasila!