Mpendwa 16:46 - Amazwi Yakwe Leza 2013

⁴⁶ Lyene Mose anena Aaloni ati, “Tola icifutikilo cako, uwikepo makala ya moto, nga usumbile ubani umwi penepo, nga ucincile uye ku antu nu kuyacitila ulutambi lwa kufuta amaifyo yao. Cincila! Ukali wakwe Yawe nga ni mpungo, vyativitandika mpiti.”

Mpendwa 16:46 ပူးပေါင်းရင်းမြစ်များ

1 Milandu 27:24

Yoabu umwana umonsi wakwe Zeluya atandika ukupenda antu lelo atamalilile awe. Ukali wakwe Yawe nao uponela aina Izlaeli pamulandu wakupenda kuu, nga ni mpendwa iyo yatingizye mu lupapulo lwa milandu ya mwene Davidi.

Masamu 106:29

Yavundula sile icipyu cakwe Leza, umu vicitwa vyao wayaponyezya impungo.

Masamu 141:2

Ipepo lyane likwele kunuli wa ubani, nu kutumpula kwa makasa yane, kuye wa mpolelwa ya manguzi.

Aina Levi 10:6

Lyene Mose anena Aaloni na ana yakwe aonsi, Eleaza na Itamali ati, “Mutikala ni nyele zyaula kusakula nanti kulepula ivyakuzwala vinu, kulanga ukuti mukulosya. Ndi mwacita vivyo, mumafwa, nupya Yawe angasokela iuvi lyonsi lya ina Izlaeli. Lelo auzo aina Izlaeli yangalosya imfwa ii, iyalenzilwe nu moto uno Yawe watumile.

Aina Levi 9:24

Mukupumikizya Yawe atuma umoto iwoca uwila wakoca ni viputulwa vya mafuta vino vyali pa kavuwa. Lino antu yalola cii, iyapunda pamwi yonsi, nga yafukama pansi yafupime.

Habakuku 3:5

Wene akatuma impungo ya ndwala apa nkolelo yakwe nu kupeela ilamulo ku mfwa kuti ilondele apacisila cakwe.

Malaki 1:11

Antu aikala amasi yonsi yalancindika. Konsi kwene antu yalaoca ubani nu kupeela amawila aswefiwe mwi zina lyane. Pasi pano antu amu nko zizyo yalancindika.

Mpendwa 1:53

Lelo aina Levi yali nu kusimpa mataalu yao ukuzinguluka Itaalu lya Ukongano kuti yalicingilila, pakuti ukali wakwe Yawe utafulumila aina Izlaeli.”

Mpendwa 11:33

Lino inkwale zicili mu tunwa twao, yatacili yazisyete nu kuzimila, icipyu cakwe Yawe icivundukila antu nga ayaponyezya impungo imwi ikulu cuze.

Mpendwa 18:5

Wewe pamwi na ana yako muli nu kuwaka Ncende Yamuzilo pamwi na kavuwa. Lyene ukali wakwe Yawe utalatala upone pa ina Izlaeli.

Mpendwa 25:13

Fwandi aliwe wenga sile pamwi na ana yakwe alamukonka pacisila, alasyukila ulayo uu uwa kuya yasimapepo, pamulandu wakuti wene wali nu muzonda wakucindika Leza wakwe nu kucitila aina Izlaeli ulutambi lwa kufuta amaifyo.

Mpendwa 25:8

nga alondelela umwina Izlaeli wiya mu nsakwe. Ayatota yoili kwene ukupuzinkanya isumo mu muze, umwina Izlaeli nu mwanaci wiya. Alino lyene ni mpungo ino walanga yapona pa ina Izlaeli isila nu kusila.

Mpendwa 8:19

Nayapaatula ku ina Izlaeli nu kuyapela uwila kuli Aaloni na ana yakwe, pakuti yaomba umulimo mwi Taalu lya Ukongano uno ukumile aina Izlaeli, nga na kuti yacitile aina Izlaeli ulutambi lwa kufuta amaifyo pa maifyo yao nu kulesyanya uzanzo uli onsi kuti utayaponela ndi cakuti yapalama pipi ni Ncende Yamuzilo.”

Malango 9:22

“Nupya mwalenzile kuti Yawe asoke lino mwali ku Tabela, nu ku Masaa, nga nu ku Kibuloti Hataava.