Mpendwa 16:42 - Amazwi Yakwe Leza 2013

⁴² Lelo pacisila lino iuvi lili lyaunganila Mose na Aaloni nu kuilizyanya kunoyali, iliseleukila kwi Taalu lya Ukongano nga lilola ukuti ikumbi likuvimba Itaalu nu kuti uluswepo lwa lulumbi lwakwe Yawe lwaloleka.

Mpendwa 16:42 ပူးပေါင်းရင်းမြစ်များ

Kufuma 16:10

Lino Aaloni akunena iuvi lyonsi lya ina Izlaeli, nalyo ilisenukila ku lwanga, nga ililola uluswepo luyengese lwakwe Yawe mwi kumbi.

Kufuma 16:7

Mutondo katondo mulalola uluswepo luyengese lwakwe Yawe. Pamulandu wakuti swemo akatutuma sile kuti tumunene malamulo yakwe, nga kuilizyanya kwinu kwatikuvwika kunoli, endi kunoli.”

Kufuma 24:16

Uluswepo lwakwe Yawe iluloleka pa Mwamba wa Sinai, nga ni kumbi livimba mwamba pa manda mutanda. Pa wanda uwalenga cinimbali, Yawe aama Mose kwi zwi ukufuma mwi kumbi.

Aina Levi 9:23

Mose na Aaloni yingila mwi Taalu lya Ukongano. Lino yafuma yapolelela antu. Alino uluswepo luyengese lwakuyapo kwakwe Yawe luloleka ku antu onsi.

Mpendwa 14:10

Lelo iumba lyonsi lyalandanga pa kuyatama na mawe. Alino papo kwene ucindami wakwe Yawe iuloleka ku ina Izlaeli yonsi mwi Taalu lya Ukongano.

Mpendwa 16:19

Lyene Kola akonganika iuvi lyonsi pyu, yala yakulolana pa manso pipi pipi na Mose na Aaloni pa mulyango wi Taalu lya Ukongano. Lilyo kwene uluswepo lukulu lwa lulumbi lwakwe Yawe luloleka kwi uvi lyonsi,

Mpendwa 16:43

Lyene Mose na Aaloni yaya yiimilila pa nkolelo yi Taalu lya Ukongano

Mpendwa 20:2

Nga lelo incende iyo yauzilwe amanzi akuti iuvi liomvye. Antu fwandi ali pa kuunganila Mose na Aloni.

Mpendwa 20:6

Awe mukwai Mose na Aaloni ali pakusya iuvi lyonsi nu kulungama ku mulyango wi Taalu lya Ukongano nga yafukama pansi yafupime. Nga alino ucindami wakwe Yawe iuyalolekela.