Mpendwa 16:40 - Amazwi Yakwe Leza 2013

⁴⁰ Cii, cali cakusoka aina Izlaeli ukuti kusi nanti wenga asi uwamu mupanda wakwe Aaloni wino angiza ku kocela Yawe ubani pa kavuwa, pano wene angononwa wakwe vino cacitikile Kola na antu yakwe. Vii vyonsi vyacisilwe wakwe vino Yawe wapeezile ilamulo kuli Eleaza kupitila muli Mose.

Mpendwa 16:40 ပူးပေါင်းရင်းမြစ်များ

Ezila 2:62

Antu yayo yezizye ukulonda amazina yao pano yalembwa, lelo iyasuka yaposiwa. Cico icalenzile kuti yayafumye apa milimo yakwe usimapepo apakuzanwa ukuti akowele mu mipepele.

Masamu 115:10

Mwe amu luko lwakwe Aloni, mwataila sile Yawe! Pano aliwe sile akamwazwa nu kumuvwangila.

Ezekelo 40:46

Umuputule uno ulozizye amanso ku katutu nao uwakwe yasimapepo akatumikila pa kavuwa ka mpolelwa. Yonsi aina Levi, nupya ana yakwe Zadoki aonsi yonga sile ali yano yali nu kupalamila Yawe apa kumutumikila.

Ezekelo 43:19

Yasimapepo aina Levi, ana yakwe Zadoki, yali nu kwiza kunondi ku kumbombela. Ivyalanda ne Yawe Simwandalali. Wemo ukaayapela kapambasi konga akakupeela impolelwa pa kwifya kwao.

Aina Levi 22:10

“‘Suka sile uwamu ng'anda yakwe simapepo mutupu angalya impolelwa zyamuzilo. Kusi namuze angalya impolelwa zizyo. Kusi mwenyi nanti muomvi wakwe simapepo angalya impolelwa zyamuzilo.

Mpendwa 1:51

Ndi kwaya ukukusya Itaalu, aina Levi angalisambulula aliyo kwene. Nanti kwaya ukulisimpa, aina Levi sile ali nu kucita cico. Muntu muze sile ndi camukumba wapalama kweneko, wene alinzile akomwe.

Mpendwa 16:39

Acino Eleaza simapepo atoola ivifutikilo vivi vya mukuwa avipamanta mu tumalata tunyale kuti apange cakufupilila kavuwa.

Mpendwa 3:10

Ali cino uce uwasonta sile Aaloni na ana yakwe ukuomba umulimo wa usimapepo. Muze wino alezya ukuomba umulimo uwo alinzile kukomwa.”

Mpendwa 3:38

Mose na Aaloni na ana yakwe yalinzile kukuula insakwe zyao lwaku ufumondaka wi Taalu lya Ukongano. Yene yapilwe umulimo wa kuwaka imilimo yonsi ino ikacitika mu Ncende Yamuzilo ikumile aina Izlaeli.

Ayebulai 5:4

Kusi umwi akaisolwela kupelwa mucinzi wa kuya Simapepo Mukulu. Suka sile waamwa na Leza, wakwe vino Aaloni wamilwe.

Yoswa 4:7

lyene muce muyanene ukuti amanzi amu Luzi lwa Yodani yatile ukupita lino Mbokosi ya Upangano yakwe Yawe yalamvile. Amawe ya yamayanga iciusizyo cakwe cii ku ina Izlaeli amanda pe.”

Yuda 1:11

Kalanda kunoyali! Pano yene yalondela musango wakwe Kaini. Mulandu wakutemwisya impiya, yene yaisumba aisikulu mu usomvi wakwe Balamu. Yene yakatukila Leza ndi vino Kola wacisile. Acino yalononwa.