Mpendwa 16:29 - Amazwi Yakwe Leza 2013

²⁹ Ndi cakuti antu yaa yamafwa imfwa ivikafwa na antu yonsi asyala, kwaula kuvunukwa na Yawe, ale lyene tumati Yawe atantuma.

Mpendwa 16:29 ပူးပေါင်းရင်းမြစ်များ

1 Yamwene 18:36

Alino amanguzi, pa nsita ino yakapeelelapo impolelwa, kasema Eliya apalama atandika nu kupepa ati, “We Yawe Leza wakwe Abulaamu, na wakwe Isaki, na wakwe Izlaeli, sungaleka ukuti antu yaa yasininkizye ukuti wewe uli Leza mu mpanga ya Izlaeli. Alino nu kuti nene nenga ndi kasema wako nu kuti natincita vii vyonsi api lamulo lyako.

1 Yamwene 22:28

Mikaya alanda ati, “Wemo ndi cakuti waca wawela umutende, awe nce, ale Yawe atalanda muli nene.” Nupya atwalilila nu kuvwanga ati, “Mwe antu mwensi, mwemo mungala muvwikisye sile vino natindanda.”

2 Milandu 18:27

Mikaya pano ali avwanga ati, “Ndi waca wawela umutende, ale Yawe atavwanzile umu kanwa kakwe nene.” Alunda na mazwi akuti, “Muvwikisye mwensi amazwi yano namavwanga.”

Yobo 35:15

Wemo walola kwati Leza atange akukalipile zuwa nu kusakamala atasakamalisya iifyo lyako.

Kufuma 20:5

Mutafukamila unkolanya wakwe tuleza nanti kutupepa. Pano ne Yawe Leza winu, nsizumilizya kuti mwapepa tuleza tuze, nupya nkavunuka ana pa maifyo yakwe yaisi, kufika ku nkulo yalenga citatu na yakwe cini, zyakwe yao ampata.

Kufuma 32:34

Ndakai pitanga utungulule antu yayo ku mpanga ino nakunenyile. Waiusya ukuti mungeli wane akaakutungulula, lelo uwanda uliza uno ndavunuka antu yayo pamulandu wi iifyo lyao.”

Kasambilizya 3:19

Nupya icikaponela umuntunze, icikaponela ni nyama kwene. Umuntunze akafwa ndi vino inyama ikafwa. Vyonsi vyakolana pano vyene iviumbwa. Umuntunze ataluta inyama, pano vyoili vyakwata umi umutaya umuzano.

Ezaya 10:3

Uzye mulacita cani uwanda uno ndiza umu kumukalipila, lino uzanzo ulafuma ukutali nu kwiza muponela?

Yelemiya 5:9

Uzye kwene mwati ntalayavunuka apa vintu vii vyonsi nu kucita icilanduzi pa antu amu luko ululi ndi luu? Ivyalanda ne Yawe.

Nyimbo zya ndosya 4:22

Zioni watalipila api iifyo lyakwe. Yawe atalatwalilila ukututa tuye mu uzya. Lelo we Edomu, Yawe alakuvunuka. Wene alasokolola apaswe ni vyaukakasi wako.

Umbwilo 11:5

Umuntu umwi ndi wezya kucisa yakambone yaa yaili, umoto ulafuma mu milomo yao nu konona anisi yao. Mu musango uli onga kwene, wensi alezya kuyacisa wene alakomwa.