Mpendwa 16:28 - Amazwi Yakwe Leza 2013

²⁸ Alino Mose anena antu ati, “Vii, avili vino mumamanya ukuti Yawe watantuma kuti ncite vintu vii vyonsi nu kuti asi kukulonda kwane kuno nacita vintu vii.

Mpendwa 16:28 ပူးပေါင်းရင်းမြစ်များ

1 Yamwene 18:36

Alino amanguzi, pa nsita ino yakapeelelapo impolelwa, kasema Eliya apalama atandika nu kupepa ati, “We Yawe Leza wakwe Abulaamu, na wakwe Isaki, na wakwe Izlaeli, sungaleka ukuti antu yaa yasininkizye ukuti wewe uli Leza mu mpanga ya Izlaeli. Alino nu kuti nene nenga ndi kasema wako nu kuti natincita vii vyonsi api lamulo lyako.

Kufuma 3:12

Lelo Leza amunena ati, “Ndaya nawe, nupya lino ulafumya antu mu Eguputo uliza umpepe pa mwamba kwene uu. Cico cilaya cisininkizyo cakuti nene nakutuma.”

Kufuma 4:12

Acino ndakai pitanga! Ndalenga kuti uvwange nupya ndakunena ivyakuvwanga.”

Kufuma 4:15

Uce uvwange kunoli umunene ivyakuvwanga. Mweili kwene ndalenga kuti muvwange, nupya ndamunena vyakucita.

Kufuma 7:9

“Lino Falao aluzya wewe na Aaloni kuti mucite vizungusyo vya kusininkizya ukuti Leza winu watamutuma, lyene wewe Mose ulinzile ukupeela ilamulo kuli Aaloni kuti asumbe intuwa yakwe pansi ino akapitila, ku nkolelo yakwe Falao. Intuwa iyo ilasanguka iye inzoka.”

Yelemiya 23:16

Yawe Wamaka yonsi wavwanga ku antu aku Yelusalemu wati, “Mutezya mwauvwa uku mazwi yakwe yakasema yaa. Yene yakamusomba sile ku vilolwa vino yakamulandila. Vikafuma sile uku mano yao aeneco, asi ku kanwa kakwe Yawe foo.

Ezekelo 13:17

Nupya Yawe anena ne Ezekelo ati, “We mwana wa muntu, apa yantu yako lolapo yamangu aka ituntumba sile ivyakusema. Yanga ukayasoke pali vino yakacita.

Zakaliya 2:9

“Ne Yawe ndapezya antu yayo, nga lyene yalamusampa ivyuma kuli yao atatazile iyaya azya kuno muli.” Lino cico cilacitika, alino lyene umuntu ali wensi alamanya ukuti Yawe Wamaka yonsi aliwe wantuma.

Zakaliya 4:9

“Zelubabeli watatandika ukukuula umufula wa Ng'anda kwene ii ikulu, nu kumala ali wino alamala. Lino Ng'anda iyo ilasila, alino antu yane yalasininkizya ukuti fwandi nene Yawe Wamaka yonsi nakutumile kuno yali.

Mpendwa 24:13

nanti angala Balaki angampeela isano lyakwe umuzile siluva na zaabu, intange impule mu mapa yakwe Yawe? Intange injitandike nemwisikulu ukucita icili consi. Ciye icisuma nanti iciipe, cino Yawe alanena ali cino ndalanda.

Yoane 11:42

Nani manyile vino ukanguvwa pe. Lelo pamulandu wi umba lii lino liimi pano navwanga cii kuti yataile vino wewe wantuma.”

Yoane 14:11

Untaile lino nalanda vino Tata nani twaya wenga. Nanti untaile pa milimo ino nkacita.

Yoane 5:30

“Nemo ntangacita cimwi mu nsambu yane. Tata wanena vino ningapingula, nu upinguzi wane usi walufyengo pano nsyacita kulonda kwane, suka kulonda kwakwe Tata wino uwantuma.

Yoane 5:36

Umboni uno nkweti ulusile umboni wakwe Yoane. Pano milimo ino Tata wampeela kuti malile iili milimo ino nkacita. Milimo kwene ii, ikapela nu umboni wakuti Tata uwantuma.

Yoane 6:38

Pano nika kufuma kwiyulu asi kwiza cita kulonda kwane, lelo kulonda kwakwe wino uwantuma.

Malango 18:22

Ndi cakuti vino kasema wiyo wavwanga apaswe mwi zina lyakwe Yawe vitafikiliziwa, ale lyene lisi ilandwe lino Yawe wavwanga. Kasema wiyo waivwangila sile ivyakwe, nga mutakezye kumoopa.”