Mpendwa 16:18 - Amazwi Yakwe Leza 2013

¹⁸ Acino cila wenga atoola icifutikilo cakwe, aikapo makala ya moto nga nu ubani, nga aimilila pamwi na Mose na Aaloni pa mulyango wi Taalu lya Ukongano.

Mpendwa 16:18 ပူးပေါင်းရင်းမြစ်များ

2 Milandu 26:16

Lelo lino Uziya waya na maka wakwe cimwi, atandika kuvwa icilumba nga cico icamupulumwisye. Wene atali uwacumi kuli Yawe Leza wakwe. Acino waile umu Ng'anda ikulu yakwe Yawe ku koca ubani pa kavuwa kakocelapo ubani.

Aina Levi 16:12

Alinzile kutoola icifutikilo, azuzye makala ya moto ukufuma pa kavuwa. Alino atapule amakufi yaili ya ubani wa cinunkilo cisuma utonyoleke, alino aingile mu nsalu yakucingilila mu Ncende Yamuzilo kuluta.

Aina Levi 16:13

Lyene mumu kwene pa manso yakwe Yawe Aaloni alinzile kwika ubani pa moto. Lyene icunsi ca ubani cimalenga kuti Aaloni atalola intupiko ya Mbokosi ya Upangano, pano angafwa.

Mpendwa 16:17

Cila wenga munomuli ali nu kutoola icifutikilo, aikepo nu ubani nga lyene aupeele pa kavuwa.”

Mpendwa 16:19

Lyene Kola akonganika iuvi lyonsi pyu, yala yakulolana pa manso pipi pipi na Mose na Aaloni pa mulyango wi Taalu lya Ukongano. Lilyo kwene uluswepo lukulu lwa lulumbi lwakwe Yawe luloleka kwi uvi lyonsi,

Mpendwa 16:37

“Nena Eleaza umwana wakwe Aloni, simapepo, kuti afumye ivifutikilo vya mukuwa pali vino vyativisyala vyakwe yayo ati yapya. Alino utoole amakala yayo ukufuma mu vifutikilo uyasansante ku ncende yuze, pano ivifutikilo vivyo ivyamuzilo.

Mpendwa 16:48

Cii, calenzile kuti impungo isile nga Aaloni asyala aimi pakasi ka antu apuma na afwe.