Mpendwa 16:13 - Amazwi Yakwe Leza 2013

¹³ Uzye pakutufumya mu mpanga iyo iya uzombozi ukulu cuze nupya iivunde, kwacepa pakuti wize utukome mu lwanga? Uzye lyene ndakai ukulonda kuti uumalalike myenzo itu?

Mpendwa 16:13 ပူးပေါင်းရင်းမြစ်များ

Kufuma 1:11

Caleka umwene wilya ni nkombe zyakwe yika yakangalila akalale pa ina Izlaeli kuti yayapatikizya ukuomba imilimo ikome pakuti yayatonsye. Aina Izlaeli yakuula umusumba wa Pitomu nu musumba wa Lamesesi kuti iye imisumba yakwe Falao yakusungilamo ivyakulya.

Kufuma 1:22

Pa kusyalikizya umwene wilya apeela ilamulo ku antu yakwe yonsi ati, “Mwana wensi umonsi uwavyalwa ku Ayebulai alinzile asumbwe mu Luzi lwa Nailo. Lelo ana yao yakaci yonsi muyata sile.”

Kufuma 16:3

Liyanena liti, “Ngani cazifile kuti Yawe aleke tufwile mu Eguputo. Kuku twalyanga inyama ni vyakulya vyuze tukwikuta. Lelo mwatuleta mu lwanga kuti swensi tufwe ni nzala.”

Kufuma 17:3

Lelo antu yali nu lusala cuze nga yatwalilila kuilizyanya kuli Mose yati, “Uzye pacani cino watufumizye mu Eguputo? Uzye walondanga kuti utukome nu lusala, sweswe, ana itu, nga ni viteekwa vitu vwile?”

Kufuma 2:14

Muntu wilya aasuka Mose ati, “Uzye aweni uwakupeela maka akupingula panotuli? Uzye ukulonda unkome wakwe vino wakomile mwina Eguputo wilya?” Lyene Mose auvwa intete, nga aelenganya ati, “Antu yatiyamanya vino nacisile.”

Kufuma 2:23

Lino papita imyaka ivule, umwene wilya waku Eguputo afwa. Lelo aina Izlaeli ala yacili yakucula mu uzya, nga inkuta yao yuvwika kuli Leza.

Ezekelo 34:18

Yamwi pano muli yatemwa ukulya umulemvwe usuma, yakomela sile ukulyatola pali vino yatakasi ukulya! Nupya ukumwa amanzi asenguke cisi cimwi kunoyali, yakavundola asyalapo ku ngazo zyao!

Mpendwa 11:20

lelo mulalya inyama umwezi utuntulu mpaka sile ikamufiisye ku mwenzo, nu kufumila mu mpuno alino nu kumuletela muselu. Pamulandu sile uwakuti mwasuula Yawe, wino akaikala namwe, mwailizyanya cuze kunoli ukuti cange cizipe ndi atamufumizye mu Eguputo.’ ”

Mpendwa 11:4

Nga nupya kwene antu yamwi, maka maka ainamasi yano yapitanga nayo, yuvwa musu. Ali cino aina Izlaeli iyaswilizya ukuilizyanya yati, “Si cange cizipe umwi atupela inyama tulye!”

Mpendwa 11:5

Swemo twiusya inswi zino twaipakizyanga ku Eguputo ukwaula kuviculila. Ni viimbi, ni vibiliki, na yaliiki na kanyense, pali pamwi na galiki.

Mpendwa 13:27

Yasimikila Mose yati, “Twaile mu mpanga ino watutumile mwenemo, nga cumi cumi yene iya uzombozi cuze nupya yavunda. Lola, iviseekwa vimwi vya mwenemo aivi.

Mpendwa 14:2

Aina Izlaeli yonsi pyu yailizyanya kuli Mose na Aloni, yonsi kwene yala yakuti, “Cange cizipe swemo ndi twafwilile sile mu mpanga ya Eguputo nanti mu kwene mu lwanga!

Mpendwa 14:3

Uzye pacani cino Yawe akututwalila mu mpanga ilya? Swemo tulakomwa mu nkondo, alino yalatupoka aci itu na ana itu. Uzye ukuswilila sile ku Eguputo kutange kuzipe?”

Mpendwa 16:12

Alino Mose aama Datani na Abilamu, ana yakwe Eliabu, lelo yavwanga yati, “Tusikwiza kweneko!

Luka 19:14

Lelo, aikazi ya mpanga ino walimo yamupasile. Caleka yatuma inkombe pacisila cakwe kuti zikalande ziti, ‘Tusikulonda umuntu wii, kuti aye mwene witu.’

Milimo 7:35

“Mose ali wino aina Izlaeli yakanyile lino yavwanzile yati, ‘Uzye aweni uwakucita kuya intunguluzi na kapingula panotuli?’ Wene ali wino Leza watumile ku kutungulula antu nu kuyakulula kufuma mu uzya nu wamwazwanga u mungeli wino uwalolike kunoli mu cimpuza icapyanga.