Mpendwa 15:5 - Amazwi Yakwe Leza 2013

⁵ Apeele na waini ukulingana na lita wenga wa wila wa vyakumwa, ivyakulunda pali cila wila wakoca alino na pali cila wila uze, umwana wa mfwele wenga.

Mpendwa 15:5 ပူးပေါင်းရင်းမြစ်များ

2 Milandu 29:35

Ukongezya pa mpendwa ya mawila yakoca, pali na mafuta ya mawila ya utandano, na mawila ya vyakumwa yano yali pamwi na mawila yakoca. Avino ulutambi lonsi lwa mipepele yaku Ng'anda ikulu yakwe Yawe lwatandike nupya.

Ezila 7:17

“Impiya zyonsi ni vyuma ivingazanwa ivyakukalila ingo'mbe, imfwele, ivyakulya, ivyakumwa nu kuvipeela vyonsi pyu apa kavuwa ka Ng'anda ikulu yakwe Leza umu Yelusalemu.

Masamu 116:13

Nemo namatuula sile kuli Yawe uwila wakwe waini pakumutaizya apakumpususya.

Kufuma 29:40

Pamwi nu mwana wa mfwele wakutandika, uwatwalapo nu kupeela kilogalamu wenga wa usu utonyoleke wa ngano, uuminkanye na lita wenga wa mafuta asuma cuze, alino na lita wenga wakwe waini wakutwala wa wila wa vyakumwa.

Lwimbo lwakwe Solomoni 1:4

Nsenda sile, tuye tuutuke, tupitisye! We mwene wane njingizya mu muputule wako, uleke swensi tuzange nu kusansamukila munuli. Twawanzya ulukundo lwako luno lwaluta waini. Acino anaci yonsi yakutemelwa.

Aina Levi 1:10

Muntu ndi cakuti akupeela uwila wakoca uwa mfwele nanti imbuzi, uwila uwo ulinzile ukuya a suuku nanti sawe uwaula ulema.

Aina Levi 23:13

Kwika pali suuku mulinzile ukupeela makilogalamu yaili ya usu utonyoleke, utikinkanye na mafuta ya miolivi kuti vipelwe kuli Yawe wa wila wakoca. Uwila uu uwa mununko usuma ukazanzya Yawe. Nupya cuze cino mulinzile ukupeela pamwi na suuku, uwila wa vyakumwa kulingana na lita wenga wakwe waini.

Aina Levi 3:6

“‘Muntu ndi akupeela uwila wa utandano kuli Yawe, ndi uwila uu a suuku nanti imfwele yakaci, yene ilinzile ukuya iyaula ulema.

Aina Levi 3:7

Ndi wapeela imfwele kuti iye impolelwa, lyene ailete pa manso yakwe Yawe.

Zakaliya 9:17

Iye mwe vino mpanga ilya ilaloleka kuyemba! Ingano zilaleka alumendo yakula na amaka, na waini wa matingi umupya alaleka akazyana yakula ayembe

Mpendwa 15:11

Vii, ali vino vilinzile kupelwa pamwi na cila ng'ombe, cipambasi, suuku, imfwele, nanti imbuzi.

Mpendwa 15:6

Papela yakwe suuku wenga, uli nu kwikapo icitundu ca usu utonyoleke ca wila wa cakulya ukulingana na makilogalamu yaili uno yangatikinkanya mwenemo amafuta akulingana na lita wenga na citika.

Mpendwa 28:14

Papela yakwe cila cipambasi, muce mwalunda penepo uwila wa vyakumwa ukulingana icipimo ca malita yasano, pali suuku nawe amalita yatatu, alino pali cila kana ka mfwele napo amalita yaili. Fwandi uwo nayo uli wila wakwe cila mwezi uwakoca nu kupeela pali cila ndoleko ya mwezi mu mwaka.

Mpendwa 28:7

Ivyakumwa vino yali nu kulunda penepo, vili nu kuya amawotolo yaili yakwe waini pali cila mfwele yonga. Ni vyakulya vivyo ivyakupeela kuli Yawe, yali nu kuviitila mu Ncende Yamuzilo.

Filipi 2:17

Utailo winu mu Mwene nga nu kuomba kwinu vikoline wa mpolelwa iyapeelwa kunoli. Nu wazi wane ungapongolwelwa pa kupeela impolelwa. Cii ndi cacitika, ndazanga nu kusansamuka pamwi namwe.

2 Timoti 4:6

Ndakai insita yatifika yakuti nkomwe wa mpolelwa. Nsita yatifika yakuti nemo insye umi uu.

Yakapingula 9:13

“Lelo umutingi iwasuka uti, ‘Pakuti imuteke, suka ntale nte ukupanga waini, wino akasansamusya tuleza na antu.’