Mpendwa 15:20 - Amazwi Yakwe Leza 2013

²⁰ Nga mwapanga mukate, umukate wankolelo ukupangwa ukufuma ku mbezu zipya ulinzile kupelwa ukuya uwila wakusangula kuli Yawe. Wene ulinzile kupelwa mu musango uli umwi na vino mukapeela uwila wa usu pa kupuula.

Mpendwa 15:20 ပူးပေါင်းရင်းမြစ်များ

Neemiya 10:37

Lyene uku miputule ya kusungilamo cuma mu Ng'anda ikulu yakwe Leza witu tukaatwalila yasimapepo, usu wankolelo wa ngano, amawila ya mbezu, ni viseekwa vya miti itu yonsi nga na waini mupya na mafuta yapya kwene. Nupya tukaaleta ni cikumi ca vilyo vitu ku ina Levi, pano alio yakasanguzya icikumi mu misumba yonsi muno tukaomba.

Kufuma 23:19

“Cila mwaka mwaleta ku ng'anda yakwe Yawe vya uzombozi vinu vyankolelo. “Mutaeleka kana ka mfwele nanti ka mbuzi mwi ziya lyakwe nyina.

Kufuma 34:26

“Mwaleta iviseekwa vyankolelo vya uzombozi winu visuma ku ng'anda yakwe Yawe, Leza winu. “Mutaelekela umwana wa mfwele nanti umwana wa mbuzi mwi ziya lyakwe nyina.”

Ezekelo 44:30

Yasimapepo ali yano yamatolanga ivizao vyonsi vyankolelo ivisuma, ni vintu vyonsi ivimatuulwanga kunondi. Lyonsi sile lino antu yapanga imikate, yace yapelako yasimapepo umukate wankolelo, ali pakuti upolelelo wane waya umu mang'anda yao.

Aina Levi 2:12

Amawila ya uzombozi wankolelo cila mwaka ulinzile kutwala kuli Yawe. Lelo utalinzile kuyocela pa kavuwa wa wila uwa mununko usuma ukazanzya Yawe.

Aina Levi 2:14

Ndu kupeela kuli Yawe uwila wa usu uwa vizao vyankolelo, ulinzile ukupeela uwila wa mbezu zipya zisalule, izisye.

Aina Levi 23:10

“Nena aina Izlaeli, uti, ‘Lino mulingila mu mpanga ino Yawe akupeela kunomuli, ndi mwazombola imbezu zyamu vyalo vinu, mukatala mupela umwanzi wankolelo kuli simapepo.

Aina Levi 23:20

Simapepo alinzile kuswelula utwana twa mfwele twiili pamwi nu mukate pa manso yakwe Yawe wa wila wakuswelula. Vikwene ivyakwe simapepo, nupya uwila wamuzilo.

Mpendwa 15:21

Mu nsita zyonsi izya kunkolelo, muli nu kupeela uwila uu kuli Yawe.

Mpendwa 18:12

“Anene ne Yawe nakupeela uzombozi usuma cuze uwa vyakulya vyankolelo ivili wa mafuta ya miolivi, waini, pamwi ni ngano.

Mateo 6:33

Mu cifulo cakwe cii mutale mulonde Uwene wakwe Leza nga nu wololoke wakwe, nga nawe alamupeela vintu vii vyonsi.

Loma 11:16

Pano ndi cimokolwa ca nkolelo ca mukate capeelwa kuli Leza, ale nu mukate onsi kwene uwakwakwe. Ndi misisi ya muti yapeelwa kuli Leza, ale ni misambo kwene iyakwakwe.

1 Kolinto 15:20

Lelo cumi Klistu wazyukuka kufuma ku afwe! Nupya akusininkizya kunotuli ukuti yauze nayo kwene yalazyukuka kufuma ku afwe.

Malango 14:22

“Mulinzile mwapaatula icikumi ica pali vyonsi vino mukazombola mu vyalo vinu cila mwaka.

Malango 14:23

Alino muce mwaya pa ncende yonga sile ino Yawe wasolola ukuti ingaya incende ya cifulo ci zina lyakwe. Kuko kwene pa manso yakwe Yawe Leza winu ali kuno mungaliila icipande conga pa vintu ikumi ivya uzombozi winu, ivili wa vilimwa, waini, amafuta ya miolivi alino na mayeli ya ng'ombe zinu ni mfwele. Muce mwacita vivyo pakuti musambilile ukulanga icoopo kuli Yawe Leza winu mu nsita zyonsi.

Malango 16:13

“Lino mulamala ukupuula ingano pa lwano nu kufena amatingi inu yonsi, ali lino muce mwazevya Cimulo ca Nsakwe pa manda cinimbali.

Yakobo 1:18

Ku kulonda kwakwe umwisikulu wene watupeela umi kupitila mwi Landwe lya cumi, kuti tuye wa vizao vyankolelo pa viumbwa vyonsi.

Umbwilo 14:4

Yaa, ali antu ataikowizye na anaci, pano yatatazile yamanye anaci. Yene yalondelanga Mwana wa Mfwele konsi kuno akuya. Yene yakulwilwe kufuma pa antu yonsi asyala kuti yaye ankolelo kupelwa kuli Leza nu ku Mwana wa Mfwele.